Nú bíðum við eftir stjórnarandstöðunni!

Það er til lítils að fara fram á formlegar samningaviðræður og senda þverpólitíska nefnd ef að samningsmarkmiðin eru ekki á hreinu.

Hvaða þjóð heldur fólk að vilji semja við okkur í þriðjaskipti ef að aðilar eru ekki sammála um niðurstöðu sem og að þjóðaratkvæðagreiðsla er í farvatninu?

Allt sem að Sigumundur Davíð og Bjarni sögðu fyrir 2 vikum að væri hræðsluáróður ríkisstjórnarinnar er nú að koma fram.

Nú er það komið á hreint sem ríkisstjórnin varaði við að Norðurlönd ætla ekki að lána okkur fyrr en Icesave er lokið. AGS ætlar ekki að endurskoða áætlun okkar fyrir en Norðurlönd opna á lán til okkar sem og að ríki þar geta stoppað þessa endurskoðun. Og svo eru yfirvofandi aðgerðir lánshæfisfyrirtækja þar sem við verðum feld niður í ruslflokk og þá óvart eru flestum sjóðum og fjárfestum bannað að lána til landa með slíkt mat.

En nei við ætlum að halda áfram í skotgröfunum í stað þess að Bjarni og Sigmundur Davíð komi nú með sínar lausnir og kynni þær. Þeir hljóta að vera með þetta á  hreinu því þeir hafa nú ekki sparað gagnrýni sína á aðgerðir ríkisstjórnar og embættismanna í þessu máli. Og í framhaldi af þeirra tillögum væri þá kannski hægt að bjarga þessu máli á næstu vikum en nei menn hittast kvöld eftir kvöld og koma út með sama gasprið. Sigmundur vill að ríkisstjórnin lýsi því yfir að þau séu asnar og aumingjar og hafi gert ömurlegan samning. Ef þetta er samningstækni hans þá verði honum að góðu að semja við Breta og Hollendinga.

Bendi síðan á ágæta pælingu Gísla Baldvinssonar um þetta mál

 

Engar viðræðuóskir frá Íslandi

Athugasemdir

[Óskar, 19.1.2010 kl. 13:33]

Bjarni og Sigmundur eru ekki með neitt á hreinu nema það að þeir vilja komast í ráðherrastólana.  Þó þeir sendi þjóðina til helvítis, það skiptir þá engu ef stólarnir eru í boði.  Fáránleiki þessa máls er þeim að kenna fyrst og fremst, - þeir hafa gagnrýnt stjórnina út í eitt EN ALDREI SETT FRAM EINA ENUSTU LAUSN SJÁLFIR, NEMA BLAÐUR UM BETRI SAMNING.  ÞESSIR FÁBJÁNAR VIRÐAST EKKI SKILJA ÞAÐ AÐ SAMNINGAR GETA ALDREI ORÐIÐ ALGJÖRLEGA EFTIR HÖFÐI ANNARS VIÐSEMJANDANS. 

Annað:  Báðir tönglast alltaf á því að þeir vilji borga, bara betri samning.  Bíddu við, betri samning um hvað?  Samningurinn snýst nefnilega ekki um HVAÐ á að borga, heldur HVERNIG KJÖRUM Á AÐ BORGA LÁN FRÁ HOLLENDINGUM OG BRETUM VEGNA ICESAVE.  Nú, ef þeir telja að þessi kjör séu vond, ÞÁ ER EKKERT SEM BANNAR ÍSLANDI AÐ SÆKJA LÁN FYRIR ÞESSU ANNAÐ OG GERA UPP VIÐ BRETA OG HOLLENDINGA Á SPOTTINU MEÐ ÞVÍ LÁNI - EN ÞAÐ BARA FÁST HVERGI BETRI LÁNAKJÖR OG ÞAÐ SKILJA FÁVITARNIR EKKI, ÞEIR GETA EKKI EINU SINNI SJÁLFIR BENT Á HVAR ER HÆGT AÐ FÁ BETRI LÁNAKJÖR.

[Ursus, 19.1.2010 kl. 14:03]

Hér með tilkynnist að öll vinna við hagstjórn á Íslandi mun liggja niðri þar til að lokinni þjóðaratkvæðagreiðslunni 6. mars. Þeir, sem þessi störf rækja venjulega, verða í fríi til 8. mars. Þeim, sem vilja koma athugasemdum á framfæri, vegna þessarar tilkynningar, skal bent á skrifstofu forseta Íslands. Þar eru örlög þjóðarinnar í gjörgæslu.