Nú hvað höfðu þau þá í huga?

Í fréttinni segir:

Borgarahreyfingin rétt að skoða atburðarásina og framferði mótmælendanna sem tæpast höfðu í huga að taka Alþingi í gíslingu eða valda mönnum tjóni, enda engin vopn höfð um hönd,“ segir í tilkynningu frá Borgarahreyfingunni.

Hvað ætlaði fólkið þá að gera þarna inn ef það ætlaði ekki að taka það í gíslingu? Af hverju fór það þá þarna inn þrátt fyrir að því væri það meinað? Af hverju beit það 2 lögreglumenn, hrinti öðrum? Hvaða ofbeldi er réttlætanlegt sökum aðstæðna? Er t.d. í lagi að hertaka stjórnarráðið og berja á lögreglu og starfsmönnum af því að fólk er óánægt með skattahækkanir. Kannski kýla starfsmenn stjórnarráðsins eða berja ráðherra og þurfa ekkert að svara til saka með það þvi að ástandið hafi verið svona og svona? Þetta fólk á sér engar málsbætur. Þetta fólk var að vekja athygli á sjálfu sér eða er ekki stöðugt á geði.

Það er einhverjir aðrir brjóti lög réttlætir ekki að aðrir geri það líka.

Vill álit HÍ á ákærunni

Athugasemdir

[Óskar Helgi Helgason (IP-tala skráð) 24.1.2010 kl. 15:21]

Sæll; Magnús Helgi !

Áður; en lengra skyldi haldið, á þinni vandlætingarbraut, ert rétt að minna þig á - sem aðra héra; og valda stéttar viðhlæjendur, að það eru glanz fígúrur stjórnmálanna og embættis manna kerfisins íslenzka; hvert, komið hefir fram af hroka og óbilgirni, sem og já;; með brotum á eigin laga smíðum, sem og svikið hafa margtuggnar yfirlýsingar sínar, um endurbætur á innviðum hér, sem framkalla þessi snörpu viðbrögð mótmælendanna, á sínum tíma.

Reyndu; Kópavogsbyggjari góður, að skoða málin út frá þeirri hlið, sem að fólkinu snýr - ekki einungis; dekurrófum þínum, innan þings sem utan, með fína titla (þó; óverðug beri, flest - ef ekki öll), og aðrar snobb fígúrur, sem vita ekkert, hvað það er, að líða skort, ágæti drengur.

Hygg; að þessir mótmælendur, hafi verið betur á sig komnir, til aðgerða, en hjólastólafólkið, sem aðrir vansælir, á hverjum Jóhanna og Steingrímur eru að berja - með beinu sköttunum; sem þeim óbeinu.

En; það er kannski léttvægt, í þínum huga.

Minni þig á; einnig, að Frakkneska byltingin, gegn Loðvík XVI., og slekti hans, hefði varla unnist, hefðu hans liðar ekki þurft að snýta rauðu - sem og byltingarmenn sjálfir, á sínum tíma - eða hvað ? 

Með kveðjum; þó, úr Árnesþingi /

Óskar Helgi Helgason 

[Þorsteinn H. Gunnarsson, 24.1.2010 kl. 15:47]

Það veit engin hvar stjórnarráðið er svo það er ekki hægt að hertaka það, því það er ekki merkt.

Í öllum löndum er forsætisráðuneytið merkt nema hér. Húsið á móti Lækjartorgi er bara umgjörð og dyrakarmur þar sem ráðherrar fara út og inn til að láta sjónvarps-og fjölmiðlamenn taka myndir og viðtöl við sig.

Ég þurfti að fara með bréf um daginn, til forseta Alþingis, varðandi kæru sem ekki hefur verið svarað formlega af hálfu Alþingis frá því í vor. Ég ætlaði ekki að meiða neinn bara að vinna  að því með löglegum hætt að ég hafi óskertan kosningarrétt en á það skortir nokkuð.

Skrifstofur Alþingis eru hvergi merktar og virðist ekki vera gert ráð fyrir að almenningur hafi þar nokkrum erindum að sinna. Ég hringsólaði þarna skamma stund þangað til ég fann gluggaþvottamann við störf sín og hann vísaði mér leið inn í skúmaskot þar sem ég gat farið inn.

Svo það er vandlifað í samskiptum borgaranna og ríkisvalds.

[Magnús Helgi Björgvinsson, 24.1.2010 kl. 18:14]

Sveinn Andri orðar þetta skemmtilega á www.pressan.is

Eiga sérfræðingar við lagadeild að kveða upp úr með það hvort ákæran sé „viðeigandi”? Þetta er svo ævintýralega heimskulegt að ósofinn leikskólakrakki með hor í nös og króníska eyrnarbólgu hefði ekki getað ropað þessu út úr sér í sandkassanum.

[Magnús Helgi Björgvinsson, 24.1.2010 kl. 18:18]

Sveinn Andri segir líka:

Það væri ekki ónýtt ef sjálfskipaðir talsmenn borgaranna og heimilanna í landinu kynntu sér íslenskt réttarfar, eins og því er lýst í kennslubókum í grunnskólum, áður en þeir byrja að gapa um það á opinberum vettvangi og verða sjálfum sér til athlægis.

http://www.pressan.is/pressupennar/Lesa_Svein_Andra/oborganleg-borgarahreyfing

[Óskar Helgi Helgason (IP-tala skráð) 24.1.2010 kl. 21:04]

Sælir; á ný !

Þorsteinn H. Gunnarsson lýsir; á myndrænan hátt afkárahætti íslenzkrar stjórnsýslu - þó; aðeins eitt dæma, sé til tekið.

Sveinn Andri Sveinsson; er enginn Drottinn Allsherjar, að minnsta kosti ekki, í mínum huga, Magnús Helgi.

Reyndu nú; að koma með sterkari röksemdafærzlu, nágranni góður - í Kópavogs skíri.

Með kveðjum; enn /

Óskar Helgi Helgason 

[Hólmfríður Bjarnadóttir, 24.1.2010 kl. 22:54]

(Borgara)Hreyfingin hefur frá upphafi farið ótroðnar slóðir. Er þetta ekki bara partur af því.