Ekki tókst Bjarna og Sigmundi að redda þessu í þetta skipti.

Þeir hafa talað digurbarkalega um að það sé ekki hægt að halda áfram með þennan samning heldur þurfi að byrja upp á nýtt. Gaman að vita hvernig þeir tala eftir þennan fund. Held að bjartsýnir möguleikar væru kannski að hnika til vöxtum um kannski 1%. Og við það ættu menn að sætta sig.

En með málflutningi sínum hafa Bjarni og Sigmundur komið málum þannig fyrir að fólk almennt sem hefur trúað bullinu í þeim, mun telja það svik. Þeir hafa talað eins og það væri nóg að ríkisstjórnin lýsti því yfir að öll hennar vinna í þessu máli væri bara vitleysa og stjórnvöld væru ómerkingar. Og við það hafa þeir sagt að staða okkar væri góð gagnvart samningum. Gleyma því alveg að þessir samningar eru afrakstur vinnu 15 mánauða og 3 ríkisstjórna og 3 stærstu flokka landsins. Og eins og stjórnvöld sögðu þá er þetta sú niðurstaða sem náðist og stjórnvöld töldu okkur ráða við. Annað var ekki í boði. Held að draumar sumra um að Clinton eða einhver Hollenskur prófessor bjargi okkur sé nú draumórar af verstu sort.

Fólk má ekki gleyma að þó að þetta séu kannski ekki upphæðir sem bíti verulega hjá skattgreiðendum í Hollandi og Bretlandi þá eru þetta þó það háar upphæðir að þær nema kannski 10 hátæknisjúkrahúsum í hvoru landi. Og við yrðum ekki hress að borga 20 þúsund á alla íslenska borgara vegna þess að við ætluðum að taka á skuldir vegna lána sem aðrar þjóðir höfðu heitið að borga.

Hollendingar gefa sig ekki

Athugasemdir

[Arnór Baldvinsson, 30.1.2010 kl. 00:42]

Sæll Magnús,

Ég verð nú að viðurkenna að ég vorkenni Hollendingum ekkert sérstaklega fyrir tuttuguþúsundkallinn.  Þeir mega vera óhressir yfir því fyrir mér;)  Það væru skitnir 6 milljarðar fyrir Íslendinga.  Eins og eitt gjafabréf fyrir Landsbankann þegar hann var "keyptur" hérna um árið en aldrei borgaður!  Væru Hollendingar minna hressir yfir því að þurfa að borga 2 milljónir hver?  Held að þá myndi heyrast hljóð úr horni. 

Málið er að það hefur ekki verið "samið" um neitt af þessum 3 ríkisstjórnum.  Hollendingar og Bretar ákváðu hvað Íslendingar ættu að borga og þar með punktur.  Ég hef ekki séð að Íslendingar hafi hnikað því eitt eða neitt.  Þetta eru einfaldlega kröfur þessara þjóða sem ríkisstjórnin hefur skrifað undir.  Einhliða samningar eru ekki samningar, heldur nauðbeyging.

Kveðja,

[Magnús Helgi Björgvinsson, 30.1.2010 kl. 01:23]

Ég vorkenni þeim ekkert heldur. Ég er bara raunsær. Og ég veit ekki hvað menn kalla t.d. þetta frá 11. október 2008

Samkomulag milli Hollands og Íslands um IceSave
11.10.2008

Að loknum uppbyggilegum viðræðum hafa hollensk og íslensk stjórnvöld náð samkomulagi um lausn mála hollenskra eigenda innstæðna á IceSave-reikningum Landsbankans.

Fjármálaráðherra Hollands, Wouter J. Bos, og fjármálaráðherra Íslands, Árni M. Mathiesen, tilkynntu þetta.

Ráðherrarnir fagna því að lausn hafi fundist á málinu. Wouter J. Bos kvaðst einkum ánægður með að staða hollenskra innstæðueigenda væri nú skýr. Árni M. Mathiesen bætti við að aðalatriðið væri að málið væri nú leyst.

Samkomulagið kveður á um að íslenska ríkið muni bæta hverjum og einum hollenskum innstæðueiganda innstæður að hámarksfjárhæð 20.887 evrur. Hollenska ríkisstjórnin mun veita Íslandi lán til að standa undir þessum greiðslum og hollenski seðlabankinn mun annast afgreiðslu krafna innstæðueigendanna.

Reykjavík 11. október 2008

Og svo er hægt að vitna í undirritun okkar í Brussel þar sem við lýsum því yfir að við göngumst inn á þeirra skilning varðandi innistæðutryggingar.

En þú eins og fleiri eru farnir að leggja eitthvað skrýtið mat á hvað séu samningar milli ríkja. Þegar ráðherra í umboði stjórnvalda semur við annað ríki þá eru það samningar. Það eina sem ekki var formlega frá gengið voru greiðsluskilmálar. Og um þá er rifist í dag. Þrátt fyrir að við séum 3x búin að semja um það. Einu sinni við Hollendinga um að borga lánið á 10 árum með 6,7% vöxtum og um leið fóru þeir að greiða út þessa peninga til innistæðueigenda. Síðan var það Icesave samningur sl. maí og svo nú í október/nóvember sl.

En það er náttúrulega ekkert að marka okkur frekar en venjulega því einhver hér heldur því að fólki að við þurfum ekkert að borga. Og allir gleypa það hrátt. Þó það vanti alveg hvernig við förum að því.

[Sveinn Ágúst (IP-tala skráð) 30.1.2010 kl. 05:15]

Vildi bara benda þér á þetta. Hefur greinilega ekki lesið þessa frétt meðan við topic á þessari færslu hjá þér..

"Samkvæmt heimildum Morgunblaðsins var um upplýsingafund en ekki samningafund að ræða."

[Magnús Helgi Björgvinsson, 30.1.2010 kl. 10:32]

Jú jú ég las þetta. En var bara að vitna í það að Sigmundur og Bjarni hafa báðir sagt að það væri ekkert mál að semja bara upp á nýtt frá grunni. Og á meðan það er ósamið þá gerist ekkert hér á lani varðandi viðsnúning og framkvæmdir

[Sveinn Ágúst (IP-tala skráð) 30.1.2010 kl. 12:12]

En samt sem áður á ekki að láta þvinga okkur í samninga sem að við getum ekki staðið við.

Og ég er sammála Arnóri hér fyrir ofan. Þetta kallast ekki samningar.

[Hólmfríður Bjarnadóttir, 30.1.2010 kl. 13:48]

Það er eins og fyrri daginn, fólk getur auðvitað lýst sínum skoðunum og tilfinningum án tillits til raunveruleikans.

Ég get líka bullað um óréttlæti, mismunun, lagaflækur, þetta hefði átt að gera svona eða hinvegin.

Málið snýst bara ekki um þessa hluti, heldur þrönga stöðu sem við erum í og hvaða leið sé líklegust til að henta okkur.

Það er mitt kalda mat að það henti okkur betur að staðfesta lögin í dag, heldur en að blæða 75 milljörðum í febrúar fyrir þras við um hluti sem skila okkur ekki fé á móti þeirri upphæð.

Koma svo og segja JÁ NÚNA.

[Eggert Guðmundsson (IP-tala skráð) 30.1.2010 kl. 16:28]

Magnús.Ég skil ekki þennan málflutning frá þér.  Hvað ef samingur verður ekki upptekinn? Hvað efað  lög verða ekki samþykkt af þjóðinni? Hvað ætla Hollendingar að gera ef þjóðin samþykkir ekki lögin? 

Þér væri nær að skrifa pistil um þá stöðu en ekki vera með aðrar pælingar sem skipta engu máli.