Leiðinlegt þegar að menn eru að reyna að svindla í skoðunarkönnunum

Ég hef haft hérna á síðunni kannanir til gamans. Þar sem ég hef verið að spyrja fólk um hvað það ætlar að kjósa. Nú í nótt byrjaði einn snillingurinn að dæla inn atkvæðum. Þetta var auðsjáanlega sjálfstæðismaður og á móti ESB. Ég er með teljara á síðunni þar sem ég sé ip tölunna hans. Þannig að ég veit svona aðeins um þetta. En ég fann ráð við þessu og tók kannanirnar bara út. Það er ekki eins og þetta sé vísindalegt en samt sem áður sætti ég mig ekki við að menn séu að skemma fyrir mér. Því svona svindl dregur úr öllu raunsæi.

[setti kannanirnar í gang aftur en þar sem að sjálfstæðisflokkurinn var ekki kominn langt út fyrir eðlileg mörk þá lét ég þá könnun halda sér. Get svo dregið þessi 13 atkvæði frá sem greidd voru í belg og biðu áðan. Evrópukönnuninni varð ekki bjargað svon ég byrja upp á nýtt]

Athugasemdir

[Hlynur Hallsson, 14.1.2007 kl. 10:25]

Sæll Maggi, ansi ert þú klár. Ég vildi gjarna geta séð ip tölurnar hjá þeim sem greiða atkvæði í mínum könnunum. Held samt ekki að ég hafi lent í ofvirkum Sjöllum ennþá en bara svona til öryggis (eins og Björn Bjarna myndi orða það!). Hvernig teljara ertu með og hvar get ég náð í hann og sett inn?

Bestu kveðjur, þinn bloggvinur, Hlynur

[Magnús Helgi Björgvinsson, 14.1.2007 kl. 11:05]

Teljarinn heitir statcounter. Finnur hann á  http://www.statcounter.com´. Hann mælir reyndar ekki heimsóknir á skoðanakönnun sérstaklega en maður sér þegar sömu ip tölur eru að koma í sífellu inn. Þú færð coda þegar þú ert búinn að stofna teljaran á statcounter. Muna að biðja bara um almennan Koda. Og merkja við að síðan noti ekki ramma.  Þú límir síðan Kodan inn í eitthvða sem mig minni að heit notanda skilgreint html í síðueiningum. Fínt að hafa hann. Hann segir mér t.d. að fólk í evrópu og ameríku er að koma inn á síðunna. Hann segir mér líka hvort að fók komi aftur og hvaða af blogginu mínu það er a skoða.