Ef að menn héldu að ásaka viðsemjendur um lygar mundi hjálpa þá er það að koma í hausinn á okkur

Held að við höfum núna vakið viðsemjendur okkar og þeir fari að svara fyrir sig. Sér í lagi Hollendingar. Enda kemur í ljós að vinnubrögð okkar fyrir október 2008 voru út í hött. Eftirfarandi er úr frétt á www.visir.is

Fyrirsögn greinarinnar í lauslegri þýðingu er: Ísland laug fram á síðasta dag.

Um er að ræða tvö bréf frá Viðskiptaráðneytinu stílað á Clive Maxwell hjá breska fjármálaráðuneytinu. Annað bréfið er dagsett 20. ágúst 2008. Það seinna er frá október sama ár - aðeins örfáum dögum fyrir fall Landsbankans.

Í fyrra bréfinu, sem Áslaug Árnadóttir skrifstofustjóri viðskiptaráðuneytisins undirritar, er áhyggjum Breta af innistæðutryggingasjóðnum svarað. Þar segir að ríkið myndi styðja við sjóðinn eins og ábyrg stjórnvöld myndu gera færi svo að hann gæti ekki staðið við skuldbindingar sínar. Svo er bætt um betur og sagt að ríkið myndi að auki styðja við sjóðinn fjárhagslega til þess að hann gæti tryggt lágmarksupphæð innistæðueiganda.

Svo er bent á að Seðlabanki Íslands muni styðja við Landsbankann og íslenska ríkið muni styðja við seðlabankann ef til þess þarf. Að lokum er sérstaklega tekið fram að íslensk stjórnvöld geri sér fulla grein fyrir skyldum EES samningsins varðandi innistæðutryggingar og svo sagt berum orðum að það muni standa við sínar skyldur.

Seinna bréfið sem viðskiptaráðuneytið sendi til breska fjármálaeftirlitsins þann 5. október er öllu styttra en það fyrra.

Þar segir einfaldlega að íslenska ríkið muni styðja við tryggingainnistæðusjóðinn til þess að mæta lágmarkstryggingaupphæð innistæðueigenda fari Landsbankinn á hausinn. En þá voru ekki nema örfáir dagar í fall bankans.

Undir það bréf skrifaði Jónína S. Lárusdóttir, ráðuneytisstjóri en samkvæmt DV í dag var hún ein af tólf einstaklingum sem fékk greinargerð senda heim til sín frá rannsóknarnefnd Alþingis.

Held að þessi bréf að minnstakosti sýni að seðlabankastjóri Hollands hefur að einhverju leyti rétt fyrir sér.

Bréfin sjálf má finna neðst í fréttinni

Rannsaka ásakanir um lygar

Athugasemdir

[Friðrik Hansen Guðmundsson, 12.2.2010 kl. 11:26]

Sæll Helgi

Þessi ráðuneytisstjóri hafði ekkert umboð til að skuldbinda þjóðina fjárhagslega með þessum hætti.

Alþingi eitt getur með lögum skuldbundið þjóðina fjárhagslega.

Þetta er alveg skýrt samkvæmt stjórnarskrá.

Ráðherrar og ráðuneytisstjórar sem fara um héruð og lofa brú þar, flugvelli hér og höfn þarna, þjóðin er ekki skuldbundin af þessum loforðum þessar ráðherra. Það vitum við. Þetta verða ekki að skuldbindingum fyrr en Alþingi hefur með lögum samþykkt þessi loforð og sett inn í fjárlagafrumvarpið sem þingið þarf að samþykkja.

Að orð ráðherra og hvað þá einhver ráðuneytisstjóri geti skuldbundið þjóðina til að greiða sem samsvarar heilli landsframleiðslu er því út í hött.

Ekki veit ég hvað þetta fólk var að hugsa þegar það sendir svo bull frá sér. Líklega hefur það ekki vitað sitt rjúkandi ráð enda skynjaði þjóðin það að stjórnvöld voru í hreinu rugli og hér var gerð bylting til að þjóðin gæti losað sig við þessa vanhæfu ríkistjórn.

Það þá má ekki gleyma því að hér var gerð bylting og þessum stjórnvöldum steypt af stóli.

Engin þjóð er bundin af ákvörðunum ríkisstjórnar sem steypt hefur verið af stóli með byltingu.

[Magnús Helgi Björgvinsson, 12.2.2010 kl. 22:39]

Ja það væri nú gott ef að þjóðir gætu sloppið undan öllum skuldbindingum með því að steypa stjórnum! Og það væri aftur ekki gott ef að öll samskipti við aðrar þjóðir væru þannig að menn gætu síflellt lýst yfir einhverju í viðræðum og samþykkt en síðan bara sagt "allt í plati". Þá væri ekki einu sinni hægt að semja um vopna hlé í stríðum. Og samningsvilji væri engin ef að allir samningar væru gerðir þannig að allir væru óbundnir af þeim kannski í 2 til 3 ár meðan þingi landana væru að samþykkja. Þá þýðir væntanlega lítið að semja við Breta og Hollendinga því þeirra þing væru vís með að fella þessa samninga. Og hvernig má það vera að Bretar og Hollendingar gátu borgað Icesave eigendum út innistæður án þess að þeirra þing fjölluðu um þetta. Kannski af því að við vorum búin að samþykkja að greiða innistæðutrygginar í október 2008.