Þetta er alveg stórkostulegur málflutningur hjá Sigmundi!

Ræðst að embættismönnum sem eru að flytja mál okkar við erlend ríki. Þessi sömu menn sem hafa komið í ítrekað í ræðustól Alþingis og boðað greiðslufall og þjóðargjaldþrot. Ráðast nú að mönnum sem í störfum sínum eru að reyna með öllu ráðum að fá stuðnig.

Held að Sigmundi ætti að vera ofarlega í minni Áramótaskaupið : "þið munið öll deyja"

Halda menn að enginn fylgist með því sem þeir segja hér á Ísland?

Ég hef lesið þetta bréf á wikileak sem þessi sendifulltrúi USA skirfaði. Þetta er minnisblað með hans upplifun og fært í stílin. Og það er ömurlegt af þingmönnum að ráðast að starfsmönnum ráðuneyta sem eru að reyna að beita þrýstingi á aðra fyrrum vinaþjóð okkar að koma okkur til hjálpar. Og nota til þess rök frá stjórnarandstöðunni. Og eru svo skammaðir fyrir það.

Það var formaður Sjálfstæðisflokksins, Bjarni Benediktsson, sem óskaði eftir að taka málið fyrir utan dagskrá á Alþingi en þar gagnrýndi hann Össur harðlega fyrir að reyna að koma í veg fyrir þjóðaratkvæðagreiðsluna auk þess sem hann sakaði íslensk stjórnvöld um að reyna að velta Icesave-skuldunum yfir á Noreg með það að markmiði að endurgreiða þeim síðar.

Formaður Framsóknarflokksins, Sigmundur Davíð Guðlaugsson orðaði þá atburðarrás reyndar á ameríska vegu og sagði í ræðustól: „Eða eins og Bandaríkjamenn segja, You couldn´t make this stuff up." (www.visir.is )

Og svo sagði Sigmundur eins og stendur í fréttinni hér á www.mbl.is

Sigmundur Davíð Gunnlaugsson, formaður Framsóknarflokks, segir það hafa komið sér skemmtilega á óvart að fulltrúar utanríkisráðherra hafi talað máli Íslands á fundinum. Annar hafi verið verra, s.s. umræða um hættuna á greiðslufalli þjóðarinnar og mikilvægi þess að koma í veg fyrir þjóðaratkvæðagreiðslu. Sigmundur segist ljóst að á fundinum hafi fulltrúarnir verið að ræða um það sama og ráðherrar ríkisstjórnarinnar sögðu á þessum tíma. Það sé einmitt vandamálið, þ.e. hvernig ríkisstjórnin hefur talað í málum og endurspeglist í minnisblaðinu

Blessaður karlinn er búijnn að gleyma að hann hefur marg oft talað um greiðslu fall og félagar hans í framsókn.

Söguskýring bandaríska sendifulltrúans röng

Athugasemdir

[Axel Jóhann Hallgrímsson, 23.2.2010 kl. 14:57]

Það er ekki nema von að Sigmundur sé argur, það er hans sjálfskipaða hlutverk að ræða við erlenda og koma með sína söguskýringu á viðræðunum.

[Svavar Bjarnason (IP-tala skráð) 23.2.2010 kl. 15:33]

Þegar ég sé Sigmundi bregða fyrir á sjónvarpsskjánum, hvarlar oft að mér hvort stjórnmál breyti karakter manna. Ég man eftir brosleitum og glaðlegum fréttamanni sem breyttist í fúllyndan nöldursegg við það að komast á þing. Breytt holdafar varð heldur ekki til að bæta úr.

[Einar Björn Bjarnason, 23.2.2010 kl. 18:33]

Þ.e. auðvitað, þjóðarnauðsyn, að koma í veg fyrir að Icesave samningarnir, nái fram að ganga.

Ég skil ergelsi Sigmundar, mæta vel, enda mjög skiljanlegt að menn séu löngu farnir, að hætta að skilja upp eða niður í, hegðun ríkisstjórnar vorrar, þegar kemur að samingamálum fyrir okkar hönd, við Breta og Hollendinga.

-------------------------

Bendi á eftirfarandi eigin færslur:

Greiðsluþrot er hræðilegt, en samt ekki mjög svo í okkar tilviki!

22.2.2010 | 16:13

Það allra versta sem við getum gert, er að semja við Hollendinga og Breta, í einhverju offorsi fyrir þjóðaratkvæðagreiðslu!

Kv.