Svona í tilefni þessara verðlauna er rétt að vitna i Jóhann Hauksson

Það má Jóhann eiga að pislar hans á blogginu eru eitt af því sem ég missi aldrei af. Það er ekki alltaf sem ég er sammála honum en oftast. Hann skrifar líka af miklum kraftir og innsýn um menn og málefni í DV.

Á bloggi sínu frá því dag segir Jóhann í góðri grein sem nefnist:

 

STJÓRNMÁLASPUNINN GEGN ÞJÓÐINNI

Hann segir þar m.a. 

Sjálfstæðisflokkurinn er í stjórnarandstöðu og yfir honum vofir skýrsla rannsóknarnefndar Alþingis. Þar er Sjálfstæðisflokkurinn höfuðsökudólgur eftir að hafa stýrt fjármálakerfi landsmanna nánast einráður síðustu 17 árin fyrir bankahrun.
Bjarni hefur auðvitað notað Icesavevilluljósið eins vel og hann getur, hæfilega kjarklaus til þess að fara ekki gegn Hádegismóra sem glímir í helli sínum við yfirbótar- og tilvistarvanda. Hæfilega kjarklaus til að taka ekki upp hanskann fyrir þjóðina. Hvað er að segja um Sigmund Davíð formann Framsóknarflokksins? Steingrímur J. Sigfússon fjármálaráðherra þurfti ekkert að lýsa honum sem ónytjungi og falsspámanni í Kastljósinu í gærkvöldi. Hann þurfti þess ekki og gerði það ekki þar af leiðandi.

Og síðar segir hann:

Hvernig stendur á því að fánýt þjóðaratkvæðagreiðsla var ekki blásin af í tæka tíð? Erlendur blaðamaður hjá frægu og virtu alþjóðlegu blaði sagði við mig hafandi líkt stjórnarfarinu hér við Gög og Gokke: “Basically, it's complete fucked up. And would be extremely amusing if it weren't so pathetically sad...”

Frumástæðan fyrir því að við erum búin að hlaða stjórnmálakreppu ofan á bankahrun og efnahagskreppuna má rekja til innanmeina vinstriflokkanna sjálfra. Stjórnarandstaðan hefur vitanlega glott álengdar og spilað á veikleikana. Fært Icesavemálið úr réttum hlutföllum og brugðið því eins og neti yfir þjóð í öngum sínum.
Já, ég er að tala um Ögmund Jónasson og fylgismenn hans í villta vinstrinu innan VG.

 

Jóhann fékk blaðamannaverðlaunin

Athugasemdir

[Landfari, 6.3.2010 kl. 17:15]

Já ekki er nú úrvalið mikið í blaðamannastétt ef þetta er það skásta sem um er að velja. Minnir reyndar að það hafi ekki verð betra í fyrra.

Sá þennan mann í viðtali hjá Agli fyrir nokkru. Þar hafð hann tileinkað sér sið sumra aflóga pólitíkusa og svaraði ekki því sem um var spurt. Kom með einhverja endemis langloku svo Egill lagði ekki í að spyrja hann aftur til að geta komið að efninu sem átti að ræða.

[Hrímfaxi (IP-tala skráð) 6.3.2010 kl. 17:26]

Tek undir með Landfara. Ef Jóhann Hauksson og hans skrif eru til marks um rjómann sem íslensk blaðamannastétt framleiðir mætti ég þá allt eins biðja um undanrennu.

Það er slík slagsíða á skrifum hans að það er erfitt að ímynda sér að hann geti verið hlutlægur í umfjöllun um nokkurt mál.

[Arinbjörn Kúld, 6.3.2010 kl. 17:37]

Það er ekki laust við að rörsýni Jóhanns sé farin að þreyta mann.

Kveðja að norðan.

[ASE (IP-tala skráð) 6.3.2010 kl. 19:04]

Sammála, pistlar Jóhanns eitt af því sem les alltaf.

[Ófeigur (IP-tala skráð) 7.3.2010 kl. 01:42]

Fyrir það fyrsta, þá sér þessi getulausa stjórn svo fullkomlega um það að grafa undan sér sjálf. Maður er eiginlega forviða á því. Þetta er eins og maður grafi undan sér með annarri hendi og skjóti sig í fótinn með hinni! Hann kennir sjálfstæðismönnum, framsókn og Ögmundi um ófarir þessarar stjórnar.

Málið er að Steingrímur á þessa Icesave samninga og þá glæsilegu lendingu sem Svavar náði. Steingrímur getur ekkert þvegið sínar hendur af því, alveg sama hvað hann reynir. ALLTAF er svo sama viðkvæðið... það er verið að kvelja okkur vesalings stjórnarliða með þessu Icesave þarna, svo við getum varla unnið vinnunar okkar! En bíddu við... það eru bara ekki allir með hendurnar bundnar? Svandís Svavarsdóttir er búinn að ... tja segjum kengbeygja, frekar en þverbrjóta, stjórnsýslureglur, þegar hún reynir að bregða fæti fyrir allar framkvæmdir sem hún getur stöðvað. Það á ekki síst við um virkjanir í Þjórsá. Virkjanir í vatnsfalli sem er virkjað frá hálendi og niður að byggð... og eru í landi þar sem hver fersentimetri er raskaður af bænda völdum. Félagsmálaráðherra kynnti aðgerðir handa heimilunum, sem svo voru ekkert nema sýndarmennskan ein, þegar þær voru skoðaðar í smá stund! Sama er uppi á teningnum hjá öðrum í þessari stjórn þarna.  Össur djöflast land úr landi að reyna að afla ESB umsókninni okkar fylgi... ekki flækist Icesave mikið fyrir honum þar?

Hann klykkir svo út með einhverju skelfilegu kjaftæði um hina "ódrepandi gæslukonu velferðarkerfisins í forsætisráðuneytinu". Hann er væntanlega að meina Jóhönnu, þó mér finnist erfitt að sjá beina tengingu þarna á milli. Hún var félagsmálaráðherra! Hún fékk vinnu við það vegna þess að hún var aumingjagóð... og lét sér sjálfsagt annt um þann málstað. Af hreinum populisma var hún valin í að verða forsætisráðherrakandídat mesta hentistefnuflokks íslandssögunnar. Hún er ekki að valda því. Það sér hver einasti kjaftur!

Svo... þessi grein er ekki sæmandi einhverjum verðlaunapappír, ef maður skoðar hana nú smá gagnrýnið!

Málið í dag er býsna einfalt... kosningarnar voru ekki marklausar, þrátt fyrir ítrekaðar tilraunir tvíeykisins í stjórnarráðinu til að láta hið gagnstæða í ljós. Fyrir það fyrsta...ef forsetinn hefði ekki synjað lögunum staðfestingar, þá væru þau gild í dag... og Jóhanna og Steingrímur væru búin að skrifa undir samning við breta og hollendinga. Í öðru lagi... ef við hefðum samþykkt lögin núna, þá væri komin heimild fyrir Steingrím til að ganga frá málum við breta og hollendinga á grundvelli laganna frá í desember... og svo kemur jú lykilatriðið... Jóhanna og Steingrímur nota það einmitt sem þeirra helstu rök að kosningarnar séu markleysa, því það liggi þegar fyrir betri samningur. Hann liggur einmitt fyrir AF ÞVÍ að forsetinn neitaði að skrifa undir. Eru þau hjúin fölsk, eða hvað???

[Magnús Helgi Björgvinsson, 7.3.2010 kl. 01:58]

Ófeigur bendi á nýja færslu hjá mér http://maggib.blog.is/blog/maggib/entry/1027260/

Síðan er rétt að þú áttir þig á því að sá tími sem er liðinn frá því að ICESAVE 1 var samþykktur gæti hugsanlega verið búinn að kosta okkur þann ávinning sem við gætum hugsanlega fengið með nýjum Icesave samningi. Menn eru jafnvel að tala um tugi eða á annað hundarmilljarða vegna seinkunar á öllum áætlunum. Eins að í báðum samningum sem við höfum gert hafa verið endurskoðunarákvæði. Sem og að við erum ekki enn búin að ná neinum samningum. Minni þig á að Bjarni Ben var talsmaður þess að við gengum í að gera samning veturinn 2008 sem var með verri kjörum. Hann sagði m.a.

Ég held að það sé afskaplega mikil einföldun á þessu máli öllu saman að telja í raun og veru að það hafi verið valkostur fyrir íslensk stjórnvöld að standa stíf á lögfræðilegri túlkun og halda henni til streitu, jafnvel fyrir dómstólum, hvort sem það væri á alþjóðlegum vettvangi eða hér heima fyrir íslenskum dómstólum. Ef menn ætla að fara að taka þann slag verða menn líka að vera tilbúnir til að tapa því máli ef á það mundi reyna. Þeir sem tala fyrir því að þá leið hefði átt að velja eru auðvitað tilbúnir til að gera það eftir á vegna þess að þeir geta gefið sér það í umræðunni að við hefðum sigrað þá lagaþrætu. Það er fínt að gera það í dag vegna þess að það liggur fyrir að sú leið verður ekki farin, en eru þeir hinir sömu þá tilbúnir til að fallast á að við mundum taka herkostnaðinn af þeirri ákvörðun ef niðurstaðan yrði okkur í óhag? Það er alveg ljóst að sú leið sem valin var og sá farvegur sem málið er í núna mun alveg örugglega skila okkur hagstæðari niðurstöðu en við hefðum fengið með því að láta reyna á rétt okkar og ef við hefðum síðan mögulega tapað þeirri þrætu fyrir dómstólum. Það er alveg öruggt.”

Og þú segir að kosningarnar séu ekki marklausar. Vissulega en hver er niðurstaðan? Lögin frá ágúst eru nú vakin aftur. Og samningur okkar frá því í Júní þar með. Það er aðeins deilt um greiðslukjör. Og spurning hvað gerðist ef að Bretar og Hollendingar myndu ganga að fyrirvörunum núna? Værum við þá ekki föst með verri kjör en þeir eru að bjóða okkur núna.

[Ófeigur (IP-tala skráð) 7.3.2010 kl. 12:07]

Bretar og Hollendingar eru BÚNIR að hafna lögunum frá í ágúst og þeim fyrirvörum sem þeim fylgdu. Það er ekkert um það að tala að þeir geti komið aftur og sagst ætla að taka þeim núna.

Það er bara ekkert hægt að líta fram hjá því að málið ALLT er ein allsherjar hneisa fyrir þau Jóhönnu og Steingrím, sem og aðra stjórnarliða. Ég held að fólk eins og Björn Valur, Gylfi Magnússon og Ólína Þorvarðar ættu að rifja upp eigin orð frá í janúar og standa svo við þau... með því að stuðla að því að þetta rusl sem kallast ríkisstjórn fari frá!

[Magnús Helgi Björgvinsson, 7.3.2010 kl. 13:07]

Ófeigur þau er samt í gildi! Undirrituð af Forseta og allt. Það stendur hvergi í þeim að Hollendingar og Breta gætu ekki skipt um skoðun og samþýkkt þá. Sem og að á meðan lögin eru í gildi er þar inni ríkisábyrgð.

[Ófeigur (IP-tala skráð) 7.3.2010 kl. 13:33]

Fyrir það fyrsta, þá eru þetta lög sem heimila fjármálaráðherra að gera tiltekinn gjörning. Það hefur ekki verið gert. Í öðru lagi þá geta bretar og hollendingar ekki bara sagt nei í ágúst og komið svo átta mánuðum seinna og sagst hafa skipt um skoðun. Samningar ganga bara ekki þannig fyrir sig, nema kannski hjá Svavari Gestssyni og co.

En það ætti einnig að vera þér umhugsunarefni af hverju bretar og hollendingar eru ekki búnir að því nú þegar, ef þeir gætu það, því skv. fréttum undanfarinna daga er betri samningur í sjónmáli fyrir okkur. Er þá ekki augljóst að bretar og hollendingar hefðu hag af því að slá til og samþykkja samninginn frá í ágúst? En þeir gera það ekki af því að þeir eru svo almennilegir við okkur, eða hvað? Nei, þeir höfnuðu því sem við höfðum fram að færa og þá er bara ekkert meira um það að tala!

Þetta sull sem Jóhanna og co hafa borið á borð fyrir þjóðina undanfarnar vikur og mánuði er svo langt fyrir neðan virðingu okkar.