Tillaga til ríkisstjórnarinnar!

Væri ekki sterkt núna að fara á Bessastaði og skila umboði ykkar. Og í framhaldi mundi hann fela Bjarna Benedikssyni umboð til stjórnarmyndunar! Því eins og fólk lætur nú í umræðunni er ljóst að það er það sem fólk vill. Bjarni gæti síðan leitað til framsóknar og Hreyfingarinnar og kannski til Ögmundur og Co. Þá væri fólk búið að fá það sem það vill skv. bloggum í kvöld.

Og Sigmundur Davíð sem er svo klár að hann veit allt best getur þá leyst þetta Icesave kjaftæði með Indefence þannig að við kannski stórgræðum á því. Og öll skuldamál heimilanna myndu þá hverfa í hvelli og málunum væri reddað. Við gætum notað leið þeirra og tekið alla skatta af lífeyrisinneignum út strax og reddað okkur en látið síðan börnin okkar bæta við sig þeim sköttum.

Að minnsta kosti yrðu þá allir bloggarar glaðir og Sjálfstæðisflokkurinn og Framsókn gætu stjórnað hér næstu 20 árin.

Athugasemdir

[Helga Kristjánsdóttir, 7.3.2010 kl. 02:08]

Þú et bitur. Ég vil segja þér að í mínum huga eru allir,hver einasti á alþingi betri en þau 3,ráðamestu á alþingi seinasta rúma ár.   Umsögn þín;að við kanski stórgræðum á því, er ekki smekkleg að mínum dómi. Málið snýst um réttlæti,heiður, lög og kjark til að þola ekki stórþjóðum að beita okkur ofríki. Nú er loksins komið að því að við fáum hljómgrunn og getum komið okkar sjónarmiðum á framfæri. Þau voru ekki til stórræðanna í þeim efnum,forsætisráðherra, fjármálráðherra og utanríkisráðherra.   Menntamenn þeim hliðholl,gerðu sitt til að ófrægja okkur í erlendum blöðum,það er skömm að því.    Þeir sem koma til með að stjórna næstu tuttugu árin,eru búin að læra sína lexíu og við öll,ekkert þessu líkt mun koma fyrir aftur.  Að svo mæltu,góðar stundir.

[Haraldur Rafn Ingvason, 7.3.2010 kl. 02:11]

Fyrsta línan hljómar vel, svo dalar þetta nú stöðugt - allt til enda...

[Kristinn Pétursson, 7.3.2010 kl. 02:30]

Ert þú í þessu eina % sem kaus  vitlaust?

Næstu árin - er náið samstarf allra flokka það sem þarf - og pólitískum aukaatriðum verða allir í víkja til hliðar.

Sé það ekki hægt - þjóðstjórn - þá er utanþingsstjórn annar möguleiki - hugsanlega er það besta lausnin.

[Melur (IP-tala skráð) 7.3.2010 kl. 03:35]

Þegar menn hugsa í pólitík, þá verða skrifin eins og hjá Magnúsi.  Reyndu nú að brjótast út úr pólitískum þankagangi þínum og þá er ég viss um að skrif þín fara að verða marktækari.