Hvernig væri nú að þingmenn allra flokka funduðu nú utan þingsalar og gerðu eitthvað í málinu

Hvernig væri nú að þingmenn gerðu eitthvað sjálfir í þessu máli? Hittust nú utan þingsalar og fjölmiðla og ynnu eitthvað í þessu máli. Finnst t.d. að þeir ættu að hittast utan ráðherra og flokksformanna og kæmu sér saman um forgangsmál og hvernig ætti að vinna að því. Finnst ömurlegt að margir þingmenn láta ekkert í sér heyra, gera ekkert í málinu, en koma svo og kvarta yfir vinnubrögðum annarra.

Það hlýtur að vera ljóst að það þurfa að vera málamiðlanir og útfærslur sem ekki öllum líkar en finnst ömurlegt að þingmenn kvarti yfir samstöðuleysi og horfi síðan til formanna sinna eða ráðherra um að leysa þessi mál. Minni þingmenn á að þeir voru kosnir í sömu kosningu og ráðherra og formenn flokkana til að vinna fyrir þjóðina. Og þingmenn þurfa líka að átta sig á því að til að mál komist áfram þurfa þau meirihluta og þeir sem eru ekki tilbúnir að vinna með meirihlutanum eiga þá bara að koma hreint fram og segja sig frá honum.

Hættum að etja flokkunum saman