Parísarklúbburinn!

Fann eftirfarandi um Parísarklúbbinn á vef Jóns Indiafara 

Fyrst þetta:

Klúbburinn setur rammann og útlistar skilyrðin í megindráttum en svo verða einstök aðildarríki að semja og gera tvíhliða samning við sína skuldunauta. Aðildarríkin verða hins vegar að semja innan þeirra skilyrða (ramma) sem ákveðin var á fundi klúbbsins.

Og síðan

Frá stofnun klúbbsins hefur hann gert 409 samninga við 86 skuldsett ríki um frestun á lánum eða fellt niður lán að hluta eða að öllu leyti. Nýlega felldi klúbburinn niður allar skuldir Haítís en sú eyja hefur gengið í gegnum gífurlega erfiðleika undanfarna áratugi, jafnt af völdum náttúrunnar og manna. Skuldastaða Íraks er einnig í athugun en hugsanlega verða skuldir landsins felldar niður með öllu.

Klúbburinn tekur ekki alltaf vel í málaumleitanir ríkja um að endursemja um skuldir. Kúba fékk til dæmis engar tilslakanir árið 1999 en talið er að landið skuldi hátt í 11 milljara Bandaríkjadala. Að sama skapi var Rússum gert að greiða upp í topp og var ekki hlustað á beiðni þeirra um frestun eða skuldaniðurfellingu að einhverju leyti.

Það er því spurning hvað klúbburinn mun segja ef Íslendingar fara þess á leit við hann að fá einhverjar tilslakanir, en a.m.k. tveir þingmenn vinstri grænna hafa ljáð máls á slíku. Hugsanlega næðum við að semja um lengri greiðslutíma á lánum en mjög ólíklegt er að einstakir klúbbsmeðlimir muni afskrifa einhvern hluta skulda okkar, enda er velmegun hérlendis margfalt hærri en í þeim ríkjum sem fengið hafa þess háttar meðferð.

Sé ekki í fljótu bragði hvað við erum betur sett með því að fara til þeirra. Þeir myndu setja okkur stífan ramma til að fara eftir nákvæmlega eins og AGS. Og miklar líkur á vð okkur yrði hafnað.

Sérfræðingar segja að ríkið þurfi að leita til Parísarklúbbsins

Athugasemdir

[Einar Björn Bjarnason, 11.3.2010 kl. 12:28]

Staða Íslands er einfaldlega svo slæm, að eina vonin - og ég virkilega meina eins vonin - til að komast hjá greiðsluþroti, er að hefja eins fljótt og auðið er, samninga við kröfuhafa Íslands, um lækkun skulda/skuldabyrði, Íslands.

Þetta er burtséð frá Icesave.

Ég hef verið þeirrar skoðunar lengi.

Sjáðu nýjustu færsluna, á minni síðu.

Kv.

[Einar Björn Bjarnason, 11.3.2010 kl. 12:30]

Ályktun hans, þ.e. Jóns um eitt, er röng.

En, viðmið er ekki velmegun ríkja, heldur einfaldlega skuldir vs. væntanlegt tekjustreymi.

Þeir eru með starfsreglu, um hvernig þeir taka á svokölluðum ríkum ríkjum. 

Kv.

[Magnús Helgi Björgvinsson, 11.3.2010 kl. 13:02]

Bara svona að benda þér á að Argentína var í raun fyrsta landið sem fékk hjálp frá þessum hópi. Það var 1956. Finnst þér það árangur að Argentína er enn í raun í gjaldþroti. Það hefur verið bent á að skuldir okkar verða innan nokkra ára um 60% af landsframleiðslu sem eru um það bil meðaltala ríkja í hinum Vestræna hemi.

[Einar Björn Bjarnason, 11.3.2010 kl. 15:00]

Argentína - er í vandræðum, vegna þess, að argentínumenn læra ekki af reynslunni.

Ef dæmið frá 6. áratugnum er talið með, hafa þeir orðið gjaldþrota 3svar sinnum, og geta orðið það í 4. sinn.

--------------------

Argentína er slæmt dæmi. Ég vil frekar, nota dæmi Nýja Sjálands, er endurskipulagði sínar skuldir við upphaf 10.áratugarins, og komst hjá gjaldþroti.

Þar eru mál í lagi í dag.

-------------------

Að sjálfsögðu þurfum við að fylgja dæmi Nýja Sjálands, og læra af reynslunni að klúðra ekki aftur, þá kemur trúverðugleiki aftur - en, endurkoma hans fer eftir trúverðugleika endur-uppbyggingarinnar.

Kv.

[Gísli (IP-tala skráð) 11.3.2010 kl. 17:23]

Skemmtilegt eða þannig að þessi frétt skuli birtast í blaði Davíðs, sem með sinni slæmu einkavinavæðingu og efnahagsóstjórn með m.a. skattalækkunum á þenslutímum er einna helst valdur að skuldavanda þjóðarinnar.  Því það er eins og að míga í skóinn sinn, að þenja hagkerfið og fá þannig mikla neysluskatta, en einstaklingar, fyrirtæki og sveitarfélög urðu stórskuldug.  Það kemur nefnilega niður á ríkinu á endanum.  Þetta virðast frjálshyggjupostularnir ekki hafa vitað, enda börn með sem leika sér með eld.

[Einar Karl, 11.3.2010 kl. 20:22]

Getum við skilað inn Hummerum, RangeRoverum og LandCruiserum upp í skuldir þjóðarbúsins?

Þegar nýi LandCruiser 200 var kynntur fyrir fáeinum misserum - fyrir hrun - var aðeins eitt land sem pantaði fleiri en Ísland og það var Rússland. Þá er miðað við absolút fjölda en ekki höfðatölu...

[Einar Björn Bjarnason, 11.3.2010 kl. 21:55]

Já nafni - fyrsta sendingin, var víst öll fyrirfram uppkeypt.

Kv.