Svei mér þá! Það leynist skynsemi í Framsókn eftir allt.

Það er kannski von um betri tíma hjá Framsókn þegar þetta fólk tekur við flokknum. SUF ályktar af skynsemi um aðildarviðræður við ESB

Samband ungra framsóknarmanna fagnar því að umsókn Íslands um aðild að Evrópusambandinu sé í eðlilegum farvegi og áréttar að ESB umsókn og Icesave eru tvö aðskilin mál. Íslensk stjórnvöld megi því alls ekki gefa eftir í Icesve málinu vegna umsóknarinnar.

Og svo segis síðar í þessari frétt

Ef til aðildarviðræðna kemur mun reyna á íslensku samninganefndina að verja íslenska hagsmuni í samræmi við ályktun flokksþings Framsóknarflokksins frá 2009 um aðildarviðræður að Evrópusambandinu.“

Einmitt þau vitna í ályktun flokksþing flokksins frá 2009. Þar var jú Framsókn að opna á aðildarviðræður undir ákveðnum skilyrðum. En flestir þingmenn flokksins ætluðu sé aldrei að fara eftir þessu.

Vildi að fleiri framsóknarmenn á þingi tækju undir með SUF,  Siv Friðleifs og Guðmundi Steingríms.

SUF fagnar því að ESB viðræður séu í eðlilegum farvegi

Athugasemdir

[Hamarinn, 14.3.2010 kl. 11:18]

Ég get ekki séð nokkra einustu skynsemi í þessu hjá framsókn.

Eins og þú veist þá hefur framsókn alltaf 3 skoðanir á hverju máli. Eina með , aðra á móti, og eina til vara.

[Magnús Helgi Björgvinsson, 14.3.2010 kl. 11:22]

Finnst það sýna smá skynsemi hjá ungum framsóknarmönnum að vilja líta til framtiðar með opnum huga frekar en allar þessa dómadagsspár t.d. Höskuldar, Vigdísar, Gunnars og Sigmundar. Jú og Egló er á þessari svartsýnu línu líka.

[Marteinn Unnar Heiðarsson, 14.3.2010 kl. 11:46]

Ég hélt nú að framsókn stæði með landbúnaði á Íslandi en kannski er þetta unga fólkið í flokknum sem kann ekki að lesa og skilur ekki að ESB er bara eiginhagsmunasamtök fyrir peninga braskara allavega er mín skoðun sú sem Framsóknarmanns að í ESB eigum við allsekki að fara.......

[Hallur Magnússon, 14.3.2010 kl. 19:08]

Stefna Framsóknarflokkins til aðildarviðræðna að ESB er skýr - þótt einstaka þingmenn flokksins treysti sér ekki til að fara eftir þeirri stefnu:

Þetta er nú sannleikurinn:

Ályktanir 30. flokksþings framsóknarmanna

16.-18. janúar 2009

 Ályktun um aðildarviðræður við Evrópusambandið

Markmið

Að Ísland hefji aðildarviðræður við Evrópusambandið á grundvelli samningsumboðs frá Alþingi

sem tryggi hagsmuni almennings og atvinnulífs og þá sérstaklega sjávarútvegs og landbúnaðar.

Þá er fullveldi og óskorað forræði Íslendinga yfir auðlindum þjóðarinnar grundvallarkrafa í þeim

viðræðum. Viðræðuferlið á að vera opið og lýðræðislegt og leiði viðræðurnar til samnings skal

íslenska þjóðin taka afstöðu til aðildarsamnings í þjóðaratkvæðagreiðslu í kjölfar upplýstrar

umræðu.

Sjá ályktanir og þar af leiðandi stefnu Framsóknarflokksins:

http://www.framsokn.is/files/3948-0.pdf

[Magnús Helgi Björgvinsson, 14.3.2010 kl. 19:23]

Hallur þett hélt ég líka en svo er ekki að heyra þegar maður hlutstar á þingmenn framsóknar flesta

[Hamarinn, 14.3.2010 kl. 19:49]

Enda er flokkurinn alltaf með 3 skoðanir á öllum málum.

[Anna Ragnhildur, 14.3.2010 kl. 21:30]

http://www.ruv.is/frett/glapraedi-ad-thiggja-fleiri-ags-lan

[Sigurgeir Jónsson, 14.3.2010 kl. 22:06]

Það er alveg skýrt að ekkert í samþykktum Framsóknarflokksins hamlar því að þingmenn flokksins hafni aðild að ESB,ef þeim sýnist svo, það á Hallur Magnússon að vita og hann veit það.Sufarar mega að sjálfsögðu hafa sýna skoðun. Það verða kjósendur Guðmundar Steingrímssonar í Framsóknarflokknum sem munu ákveða framtíð hans fyrir flokkinn, fyrir næstu Alþingiskosningar.Líka munu framsóknarmenn í sv-kjördæmi ákveða framtíð Sifjar.Ég er ekki í nokkrum vafa hver hún verður, þeim verður sparkað.Samfylkingin getur hirt sitt fólk,henni mun ekki veita af því. Niður með siðspillta landráðasamfylkingu sem ætlar að ganga af landinu dauðu með skuldsetningu við Alþjóðagjaldeyrissjóðinn og gömlu nýlenduveldin til að komast inn í ESB svo útrásin geti haldið áfram að ræna þjóðina.XB,ekki ESB.

[Sigurgeir Jónsson, 14.3.2010 kl. 22:10]

Framsóknarfólk er búið að sparka Halli Magnússyni svo ekki þarf að hafa áhyggjur af honum.Kv.

[Magnús Helgi Björgvinsson, 14.3.2010 kl. 23:55]

Anna Ragnhildur Auðvita tók maður eftir þessum orðum þessa Alex Jurshevski. En þó maður eðlilega hlusti á orð manns sem hefur unnið að skuldastýringum og fleiru þá verður maður líka að hlusta eftir ýmsu öðru. T.d. að hann sagðist ekki leyna því að hann væri að bjóða fram þjónustu sína hér á landi í þessi mál. Og eins að hann væri líka fjárfestir að leita að tækifærum. Og þá veltir maður því fyrir sér t.d. ef við tökum ekki frekari lán eru menn eins og hann og fleiri ekki komnir í kjör aðstæður á næstu árum. T.d. þegar að okkur kreppir með gjaldeyrir ef við tökum ekki frekari lán. Þá geta þessir menn komið hingað boðið okkur upp að þeir fjárfesti gegn því að þeir hagnist gríðarlega á að skaffa hingað fjármagn/gjaldeyri. Minni á hann er atvinnumaður í þessu og er ekki hingað kominn af góðmennsku einni saman.

Hann talaði líka mikið um Nýja Sjáland og vinnu sína þar. Og vissulega skuldaði ríkð þar lítið eins og við fyrir hrun en skv skýrslum voru það við og Nýja Sjáland sem vorum skuldugustu ríki OECD. Það sem bjargar Nýja Sjállandi er að þeirra skuldir eru að mestu í eigin gjaldmiðli. Skuldir ríkisins eru sem sagt lágar en einkaaðila miklar, svo miklar að þjóðarbúið er rekið með halla í raun ef ekki kæmu til stöðugar erlendar fjárfestingar.  Þekkjum við þetta ekki.