Það væri nú gaman ef að þetta fólk gæti nú ákveðið sig.

Þetta sama fólk kvartaði hástöfum yfir hugmyndum Árna Páls vegna bílalána. Þetta ætti að bíða þar til að hæstiréttur er búinn að úrskurða. En hafa þessir menn velt því fyrir sér ef hæstiréttur segir að þessi lán séu lögleg?

•  Ekkert er þar að finna um flýtimeðferð á þeim málum sem bíða úrlausnar Hæstaréttar.
  
• Ekkert er þar að finna um hugmyndir einstakra þingmanna um svokallað lyklafrumvarp.
  
• Ekkert er þar að finna um hugmyndir einstakra þingmanna um lækkaðan fyrningartíma gjaldþrots einstaklinga úr 10 árum í 4.
  

Veit ekki með þetta. Hvað á ríkistjórn að gera með flýtimeðferð? Á hún að taka völdin af hæstarétt? Veit ekki hvað menn kalla það að geta skilað annarri eigninni ef menn sitja uppi með 2 eignir. Ég sé það sem ákveðið þrep upp í "skila lyklum" leiðina.

Held að það væri þá lítið mál fyrir þingmenn að leggja frumvarp fram um lækkaðan fyrningartíma gjaldþrots. Sé ekki að ríkisstjórnin þurfi að gera þetta allt.

Síðan skauta þau alveg yfir ýmsa kafla eins og umboðsmann skuldara og fleira og fleira. Það er stundum eins og fólk sé búið að gleyma t.d. varðandi erlend lán að þau tóku þau þrátt fyrir að fólk væri varað við þeim af mörgum. Bankarnir spiluðu með í þessu en fólk var að sjá fyrir sér stórgróða vegna vaxta og að gengi krónunnar var hátt. Þau voru ekki þvinguð til að taka þessi lán. Það var varðað við að sveiflur í gengi gætu orðið rosalega og minnt á að krónan gæti falli hratt og væri yfirspennt.

Nú er verið að reyna að koma þessu fólki til aðstoðar og það svarar bara með skít og skömm. Hefðu þessir aðilar ekki t.d. getað fagnað þessum aðgerðum ríkisstjórnarinnar en bent á að það væru nokkur atriði sem Alþingi þyrfti að skoða betur. Nei það þarf að koma með svona yfirlýsingar:

Samtök lánþega harma máttleysi stjórnvalda við að taka á vandanum sem steðjar að íslenskum heimilum og hvetja ríkisstjórnina til að sýna mátt til að fara að þeim lögum sem þegar eru sett í landinu.

Og eins :

Yfirlýsing sú sem ríkisstjórnin sendi frá sér á að mati Samtaka lánþega meira skylt við illa unnið skólaverkefni sem gert var á handahlaupum rétt fyrir skil en að um sé að ræða marktækar aðgerðir sem hafa verið í smíðum undanliðna 18 mánuði. 

Það er eins og Sigmundur Davíð hafi skrifað þetta fyrir þau. Það liggur við að maður haldi að þau séu annað hvort ekki í raunverleikasambandi og haldi að það sé bara hægt að redda þessu þannig að allt verði eins og áður, eða lánin bara öll feld niður (af því að þau voru ólögleg) eða ég veit ekki hvað.

Og þegar þau líkja þessu við skólaverkefni þá veltir maður fyrir sér hvaða sérþekkingu hafa þau á þessum málum, stöðu ríkisins, rekstri banka og fleira?

Og ef lánskjörin verða dæmd ólögleg þá hljóta menn samt að þurfa að borga af þeim með einhverjum kjörum. Kannski breytilegum vöxtum og þeir hafa nú  það háir að afborganir af þeim væru líka gríðarlegi. Hefði haldið að aðalatriðið væri að gera fólki kleyft að búa í sínum Íbúðum og húsum með greiðslur sem væru þannig að fólk gæti lifað almennilegu lífi í dag. Ekki hvað þau borga næstu 40 árin. Það væri jú reiknað út hér 2007 að fólk væri að borga við þær aðstæður af verðtryggðu láni upp 20 millur til 40 ára 112.374.768 kr miðað við 4% verðbólgu. Þetta hefur fólk hér búið við síðan verðtrygging var setta hér fyrir 30 árum. Og fólk lifað ágætlega hér samt. Því að fólk gleymir því að laun og tekjur hækka líka á þessum 40 árum. Því er greiðslubirgði alltaf svipuð af kaupi nema á svona tímum eins og eru hér tímabundið. Ég vill gjarnan losna við verðtryggingu en veit að eftir það verður maður að reikna með sveiflum á vöxtum þannig að greiðslubirgði getur rokið upp á milli mánaða og ára.

 En í dag eru allir að reikna út hvað þeir borga eftir 35 ár. Málið er að fólk ætti fremur að horfa til þess að það geti lifað lífinu í dag. Og það miða flesta aðgerðir ríkisins að. Lækka greiðslubirgði, skaffa fólki möguleika á ódýrara húsnæði í kaupleigu og aðstoð við að vinna á skuldum sínum.

Síðan má benda á að í mesta góðærinu dró ekkert úr beiðnum um nauðungarsölum og þær hafa ekki aukist svo svakalega nú eins og menn láta. Það eru vonandi flestir að vinna í að bjarga sínum málum sem geta og aðrir að leita sér aðstoðar eða gera það nú þegar þessi mál komast af stað. Ef að Samtök lánþega leyfa það!

Harma máttleysi stjórnvalda

Athugasemdir

[Sigurður Haraldsson, 18.3.2010 kl. 00:26]

Já já allt í himna lagi bara láta þá sem stálu og tóku stöðu gegn krónunni sleppa við og þú borgar er það ekki?

[TSB (IP-tala skráð) 18.3.2010 kl. 08:34]

Kláraðu bara bjórinn þinn, vinur, og slakaðu á.

[Eva Sól (IP-tala skráð) 18.3.2010 kl. 21:21]

Bara borga margfalt lánið á fleiri fleiri árum - allt í fína. Ekki spá í hvað gerist þegar þú ferð á ellilífeyri og hefur helmingi minna milli handanna - bara hugsa um daginn í dag.

Bílalánin sem hafa margfaldast eru líka að gera fólk gjaldþrota, ekki bara íbúðalánin. Það er munur að borga 30.000 á mánuði og 75.000. Held satt að segja að fáir hafi gert ráð fyrir hruni miðað við gífurlegan hagnað bankanna ár eftir ár. Þú ert heppinn að hafa ekki verið svo ógeðslega heimskur að taka erlent lán sem margir vöruðu við (eins og þú segir). Einhvern veginn fór það fram hjá mér og mörgum öðrum álíka heimskum. Ég heyrði að bankastarfsmenn hafi farið hringinn í kringum landið og fengið prósentur fyrir öll þau erlendu lán sem þeir fengu bændur til að taka. Sumir bændur létu plata sig til að svissa lánunum sínum. En þeir voru auðvitað hálfvitar, eða hvað? Það er svo auðvelt að setjast í dómarasætið eftir á og benda - feginn yfir að hafa ekki verið í óheppna liðinu.

Mér er persónulega orðið nokksama hvað verður gert og ekki gert. ÉG ætlast ekki til að neitt verði fellt niður. Ég get alveg sokkið með skuldunum mínum. Held að enginn græði á því þó hægt sé að njóta Þórðargleðinnar um stund. Spurningin er bara hve mörg heimili mega fara á hausinn áður en fer að hrikta í stoðum samfélagsins og dómínóáhrifa að gæta? Það væri fróðlegt að fá að vita það.

[Magnús Helgi Björgvinsson, 18.3.2010 kl. 22:54]

Eva Sól fólk hefur gert það síðan um 1980. Bendi þér á að laun og ellilífeyrir eftir 30 ár verður líka miklu hærri en hann er í dag. Greiðslurbirgði af lífeyrissjóðsláni mínu upp á milljón var 140 árið 1988 og í dag er greiðslubirgð mín 130 þúsund. Ég var með um 80 þúsund í laun 1988 en í dag er ég með um 400 þúsund. Svona hefur þetta alltaf verið. Ef það hefði ekki verið verðtrygging þá væru langtímalán með kannski 7 til 14% vöxtum og hefðu rokið upp í 18% á síðasta ári vegna verðbólgu sem ekki hefur náðst að koma böndum á. Þetta þýðir að tímabundið hefðu greiðslur getað hækkað um helming. Því þegar lán eru ekki með verðtryggingu eru vextirnir látnir endurspegla verðbólguna. Og það gerist strax en ekki eins og með verðtryggð lán þar sem þetta legst við höfuðstólinn.

Ef við ætlum að losna endanlega við verðtryggingu einhverntíma. Þá verður með að drífa okkur í að klára viðræður við ESB og reyna að komast sem fyrst í að geta tengt gengi krónunar við Evru og síðar að taka hana upp.

Krónan er hávaxta mynnt sökum stærðar hagkerfisins og verður óstöðug áfram til frambúðar.