Skrautlegt útlit í Reykjavík

Var að lesa á www.dv.is eftirfarandi:

„Mér fannst baráttumálin vera góð en þegar maður getur ekki, samkvæmt eigin sannfæringu, unnið að þessu á réttan hátt þá finnst mér réttast að ég dragi mig í hlé,“ segir Bryndís Torfadóttir, sem skipar annað sætið á H-lista Ólafs F. Magnússonar fyrir komandi borgarstjórnarkosningar.

Þó svo að Bryndís skipi annað sæti listans ætlar hún sér ekki að starfa með honum í aðdraganda kosninganna eða af þeim afstöðnum. Bryndís tilkynnti félögum sínum á H-listanum þetta í tölvupósti í kvöld. Í bréfinu kemur einnig fram að dóttir hennar, Anna Kristina Rosenberg, ætli ekki heldur að starfa með listanum.

Samkvæmt lögum hefði Bryndís þurft að tilkynna þetta fyrir áttunda maí síðastliðinn en hún lét Ólaf F. Magnússon, oddvita listans í Reykjavík, vita þann tólfta þessa mánaðar. Í samtali við DV.is segist Bryndís hafa talið að það hefði dugað en í morgun, þegar fulltrúar H-listans komu saman í Ráðhúsinu til að fara yfir og staðfesta listann, kom það henni spánskt fyrir sjónir að nafn hennar var enn á listanum.

Svo las ég stefnumál besta flokksins:

Okkar stefnumál eru bestu stefnumálin…

 

1. Hjálpa heimilunum í landinu
Fjölskyldan er það besta í samfélaginu. Stjórnvöld þurfa að mæta þörfum og kröfum heimilana. Reisa þarf járnbenda skjaldborg um heimilin í landinu. Íslensk heimili eiga aðeins skilið það besta.

2. Bæta kjör þeirra sem minna mega sín
Við viljum allt það besta fyrir svoleiðis lið og bjóðum því ókeypis í strætó og sund þannig að maður geti ferðast um Reykjavík og verið hreinn þótt maður sé fátækur eða eitthvað að manni.

3. Stöðva spillingu
Við lofum að stöðva spillingu. Við munum gera það með því að stunda hana fyrir opnum tjöldum

4. Koma á jöfnuði
Allir eiga það besta skilið sama hverjir þeir eru og hvaðan þeir koma. Við munum gera best fyrir alla þannig að allir séu saman í besta liðinu.

5. Auka gegnsæi
Það er best að hafa allt uppá borðinu þannig að almenningur viti hvað er að gerast. Við segjumst styðja það.

6. Virkt lýðræði
Lýðræði er ágætt en virkt lýðræði er best. Þess vegna viljum við það.

7. Fella niður allar skuldir
Við hlustum á þjóðina og gerum eins og hún vill því þjóðin veit best hvað er sér fyrir bestu.

8. Ókeypis í strætó fyrir námsmenn og aumingja
Við getum boðið meira af ókeypis en allir aðrir flokkar því við ætlum ekki að standa við það. Við gætum haft þetta hvað sem er, til dæmis ókeypis flug fyrir konur eða ókeypis bílar fyrir fólk sem býr útá landi. Það skiptir ekki máli

9. Ókeypis tannlæknaþjónusta fyrir börn og aumingja
Þetta er eitthvað sem vantar og við viljum endilega taka þátt í að lofa því

10. Ókeypis í sund fyrir alla og frí handklæði
Þetta er eitthvað sem allir ættu að falla fyrir og er það kosningaloforð sem við erum stoltust af

11. Láta þá svara til saka sem bera ábyrgð á hruninu
Fannst við verða að hafa þetta með.

12. Algjört jafnrétti kynja
Við lofum algjöru jafnrétti vegna þess að það er best fyrir alla.

13. Hlusta meira á konur og gamalt fólk
Það er alltof lítið hlustað á þetta lið. Það er eins og öllum finnist það bara vera eitthvað að röfla. Við ætlum að breyta því.

Skemmtilegt eða hitt þó heldur hvernig þau nota orðið "aumingja" og svoleiðis. Og ef að við myndum trúa könnun mmr.is þá væru þetta fulltrúar með rétt tæpan helming borgarfulltrúa og skv. því væru líkur á því að þau yrðu í meirihluta næstu 4 árin til að leiða Reykjavík á meðan að beita þarf niðurskurði og hagræðingu. Þetta verður spennandi fyrir okkur sem búum í öðrum nágranasveitarfélögum að fylgjast með. Ef að 40% Reykvíkinga finnst þetta skynsamlegt þá verði þeim að góðu.

 

„Ef ég fell í kosningunum segi ég bara verði ykkur að góðu"

Athugasemdir

[Polli, 18.5.2010 kl. 23:02]

Hvort Bryndís er með eða ekki skiptir engu máli. Ólafur F. verður ekki lengur í borgarstjórn. H-listinn fær ekkert, svo Bryndís getur bara verið í útlöndum. Öllum er sama.

Stefnuskrá Besta flokksins er stórbrotin. Sérhver sem samsvarar sér með þeim sem þeir kalla aumingja mun styðja flokkinn með bros á vör.

Aumingjar Reykjavíkur munu allir styðja Besta flokkinn, nýbaðaðir og hreinir.

Frambjóðendur Besta flokksins eru allir með tölu miklu hæfari til að vinna með fólki og fyrir fólk en liðið sem stendur í goggunarröð spillingarklafans.

Besti flokkurinn mun svo tilnefna úrvalsfólk í nefndir og ráð, samanber tilnefningu Rögnu dómsmálaráðherra, sem þjóðin elskar. Hún er kannski ekki í Besta flokknum, en hún er langbest allra ráðherrana. Ég ætla að bjóða henni með mér í Karabíska í sumar.

Besti flokkurinn er tímamótaflokkur.

Hann er múrbrjótur á fjórflokkakerfið og mun fella virki þess.

Hann er fyrsti vísir að virku lýðræði hins almenna kjósanda á Íslandi.

[Tómas Waagfjörð, 18.5.2010 kl. 23:06]

Maður sem hefur unnið við að hjálpa fólki á meðferðarstofnun er svo miklu betri persóna en flestir og með raunverulega tengingu við almenning mun gera góða og æðislega hluti ef hann fær að stjórna. Þrátt fyrir það sem þú kannski heldur þá er hann ekki fífl og ekki heimskur.

Aftur á móti er fólkið sem er í auðmann og ættaraflokkunum ekki með nein tengls við almenning og hefur einfaldlega ekkert að gera með að stjórna fyrir okkur. Ástæðan fyrir því að þetta skítapakk hefur verið við völd svona lengi er að þau eiga nær endalaust af peningum til að koma sér á framfæri, nokkuð sem fólk með hugsjónir hefur nær aldrei, því þaðsvíkur og stelur ekki.

[JR (IP-tala skráð) 18.5.2010 kl. 23:59]

Ólafur F misti sambandið við venjulegt fólk fyrir mörgum árum !

Auðvitað er þetta allt brandari, og þess vegna kjósa allir Besta flokkinn !

[Tómas Waagfjörð, 19.5.2010 kl. 00:08]

Hefði kannski átt að taka það fram að ég var að tala um hann Gnarr og svo svikaflokkana, ekki Ólaf.