Skil fólk ekki í Reykavík

Á maður að trúa þessu að fólk sem býr í Reykjavík sé tilbúið að kjósa flokk til valda sem upprunalega var stofnaður skv. oddvita hans sem leið til að skapa honum þægilega innivinnu með aðstoðarmann og til að geta gert vinum sínum greiða? Eða eru íbúar sem svara könnunum bara að grínast í okkur?

Er það virkilega að fólk bara svona án þess að hika er tilbúið að afhenda þessum flokki allt skattfé sitt og treysta að þau fari ekki með Reykjavík til andskotans? Maður hefði skilið þó að þessi flokkur hefði fengið óánægju fylgi kannski allt að 20% en þetta er hætt að vera fyndið. Enda má sjá að þau í nýju stefnuskrá sinni ætla að láta starfsmenn borgarinnar bara redda þessu sbr.

Hjá Reykjavíkurborg vinnur fullt af góðu og hæfu fólki. Við viljum leyfa því að sinna sinni vinnu án truflunar frá stjórnmálamönnum.

Maður spyr sig þá í framhaldi af hverju þá stjórnmálamenn yfir höfuð? Það er óvart þannig með allt að eftir höfðinu dansa limirnir. Og óvart er það þannig að það eru stjórnmálamenn sem leggja línurnar en síðan getur verið gagnkvæmt samstarf milli starfsmanna og stjórnmálamanna.

Ég skil ekki af hverju að Bestiflokkurinn færi allt þetta fylgi en síðan er Reykjavíkurlisti sem hefur afnám Reykjavíkurflugvallar á sinni stefnuskrá og hefur rökstutt að Reykjavík hagnast um milljarða á því um leið og borgin verður mun betri þar sem hún hættir að teyjast út um leið og miðbærinn verður mjög spennandi, en þeir fá ekkert fylgi.

 

Besti flokkurinn með 8 fulltrúa?

Athugasemdir

[Óskar Helgi Helgason (IP-tala skráð) 21.5.2010 kl. 22:56]

Sæll; Magnús minn !

Far þú ekki; að beygja af, ágæti drengur, þó svo vera kunni, að nágrannar þínir; Reykvíkingar, skuli hafa orðið fyrri til - en flestir annarra, að sjá í gegnum morknaða lyga- og svika vefi B - D - S og V lista, sem þeir hafa fengið að hjúpa sig með, allt of lengi.

Vitaskuld; ber öllum þjóðfrelsissinnum, að fagna hverjum þeim áfanga, sem unnin er, gegn rotinni spilingunni, Kópavogsbúi góður.

Með; ágætum kveðjum, að þessu sinni, vestur yfir fjallgarð /

Óskar Helgi Helgason

[Magnús Helgi Björgvinsson, 21.5.2010 kl. 23:12]

Óskar Helgi ég ætla bara að leyfa mér að taka orð Jónasar Krístjánssonar og nota þau beint hér:

21.05.2010
Íslendingar eru hrunverjar
Þegar Íslendingar verða sammála um eitthvað, er tími kominn til að hræðast. Hálf þjóðin flykktist á kjörstað til að mótmæla IceSave. Ég fyrirlít hana fyrir afneitun. Hálf þjóðin flykkist á kjörstað til að kjósa þjóðkirkjulegan afturhaldsmann, Jón Gnarr. Sem fer beint í spillinguna með Flokknum. Ég þarf ekki að segja ykkur, hvaða skoðun ég hef á slíkri notkun kosningaréttar. Engin leið er að segja fólki að ganga í alvöruflokk og berjast þar fyrir sjónarmiðum sínum. Fólk vill frekar þann versta en þann næstbezta. Flykkist um rugl og bull, bara það sé nógu yfirgengilegt. Íslendingar eru hrunverjar.

Og bæta við því nýjasta frá honum af www.jonas.is

21.05.2010
Skárra að Gnarristar hafi meirihluta
Þetta er alger niðurlæging fyrir okkur fáu, sem höfum amast við fylgi Besta flokksins í Reykjavík. Af tvennu illu finnst mér þó betra, að Jón Gnarr og félagar séu einir í meirihluta, heldur en með Sjálfstæðisflokknum. Bezt er að fara að hafa sig hægan í álitsgjöfinni. Fyrst var ég upp á kant við þjóðina í þjóðaratkvæðagreiðslunni um IceSave. Og núna í matinu á Jóni Gnarr. Ég segi bara, að þjóðin fái núna eins og jafnan áður þá fulltrúa, sem hún á skilið. Get þó ítrekað enn einu sinni, að þjóðin er að mínu viti ófær um að stjórna sér. Það sýnir saga hennar allan sjálfstæðistímann frá 1918.

Og svo kannski ef þú værir með skip sem væri að fara að sigla varasama leið milli skers og báru myndir þú þá ráða áhöfn sem hefði enga reynslu af sjómennsku. Kannski skrifstofuliðið hjá útgerðinni. Ekki víst að það myndi ganga vel. 

 Því það hafa þó eldri flokkarnir að þeir hafa þó bakland sem getur ráðlagt þeim.

[Guðmundur Freyr (IP-tala skráð) 21.5.2010 kl. 23:13]

Hefur þú ekkert leitt hugan að því að Reykvíkingar vilja ekki að flugvöllurinn fari úr Vatnsmýrinni

[Guðmundur Júlíusson, 21.5.2010 kl. 23:31]

Held að þegar upp verði staðið eftir kosningar verði það kjósendur sem grínistar verða kallaðir en ekki "besti flokkurinn" þar sem þeir fái ekki fylgi skv könnunum, borgarbúar eru að grínast með að fylkja sér á bak við JG.

[Bestur (IP-tala skráð) 22.5.2010 kl. 00:52]

Sorglegu staðreyndirnar eru einmitt flokkshestar og -dindlar eins og síðuhöfundur og hægri rassaríðarinn Guðmundur Júlíusson sem kjósa sína hruna-fjór-flokka alveg sama fokking hvað.

[Guðmundur Júlíusson (IP-tala skráð) 22.5.2010 kl. 01:05]

Mikið djöfull hlýtur þú að eiga bágt "Bestur", eða hvað ´þú heitir, bloggar nafnlaust og ert með sívirðingar og dónaskap sem ekki á hér heima, þú ert ekki mikill maður fyrir þær sakir að sívirða menn með þessum orðum sem þú notar! ættir að skammast þín, veit ekki til þess að ég hafi notað slík orð í minni athugasemd sem sæmir þessi svör þín!! Það eru menn eins og þú sem setja óorð á bloggið.

[Óskar Helgi Helgason (IP-tala skráð) 22.5.2010 kl. 03:47]

Komið þið sælir; á ný !

Magnús Helgi !

O; kvíddu ekki, þó áhöfn sé óvön, í fyrsta kasti. Heima á Stokkseyri; sem víðar í fornum verstöðvum, plöguðust Landformenn, hverjir oftsinnis þurftu að hlaupa í skörð, þegar manna þurfti skipin - og völdu sér þá alvana sjóhunda til liðs, þó svo; viðkomandi hefðu ekki lengi róið, að þá lagðist útvegur nú ekkert af, þó tímabundin vandkvæði kæmu upp - öðru hvoru.

Viðurkenndu bara; Magnús minn, og þú yrðir meiri maður að, að lunginn, af þessum ræksnum, sem skipað hafa lista, spillingarflokkanna 4ra, eru og hafa verið, lýgnir sérhagsmunapotarar, gegnum vættir, af siðferði legum óþrifum, ágæti drengur.

Ég hygg; að ég geti lofað þér því - að þú þurfir ekkert, að engjast í hreinsunareldinum, að æfi lokinni, þó svo, þú gengir af þessarri yfirnáttúrulegu hollustu þinni - sem trú, á andskotans flokka skriflin 4, sem hér hafa húrrað öllu til Helvítis, Magnús minn - þér; að segja.

Með beztu kveðjum; sem áður og fyrri /

Óskar Helgi Helgason 

[Jónatan (IP-tala skráð) 22.5.2010 kl. 04:56]

Er eitthvað verra að afhenda þessum flokk skattféð frekar en Sjálfstæðisflokknum, Samfylkingunni, Framsókn eða Vinstri grænum?

 Allir þessir flokkar hafa nýtt sér tækifærið undanfarin ár í að sanna í að þeim er ekki treystandi fyrir skattfénu.

Borgarmálin hérna eru í svo miklu rugli, að fólk er að reyna að koma þeim skilaboðum áleiðis í gegnum skoðanakannanir. Hvort að þetta muni endurspegla kosninguna sjálfa er annað mál.

Ég bý í Rvk, og er kominn með upp í kok af hinum flokkunum og frambjóðendum þeirra.

[AFB (IP-tala skráð) 22.5.2010 kl. 06:59]

Ég vill frekar taka séns á nýju framboði hvvort sem það er 100 % alvöru eða grín.

Búinn að sjá hvað hinir kostirnir ganga út á og er ekkert hrifin af þeim enn eina ferðina. Af hverju ekki að leyfa nýjum aðferðum að prófa.

Eru "fjórflokka" aðdáendurnir kannski smeykir við útkomuna ?

[SeeingRed, 22.5.2010 kl. 11:36]

Þótt Gnarr sé grínisti, þá er maðurinn afar vel gefinn og yrði örugglega ekki verri en flokksdindlarnir sem hafa stjórnað Reykjavík síðustu ár...og honum yrði örugglega ekki eins auðspillt.

[Magnús Helgi Björgvinsson, 22.5.2010 kl. 12:06]

Ég er á því að ef að menn ætla að takast á við að stýra 100 þúsund manna borg þá þurfi menn að hafa einhverja þekkingu á málinu. Bendi á að Jón Gnarr þó hann sé klár og allt það þá hefur hann persónulega ekki sjórnað nokkur að ráði. Hann hefur átt fyrirtæki sem var um 2 menn, hann gekk í gegnum nær persónulegt gjaldþrot fyrir nokkrum árum og þurfti semja sig út úr þeim málum.

Ég kannaðist við þá félaga Sigurjón og Jón fyrir mörgum árum og þeir eru báður ágætismenn held ég.

En ég minni á hvernig þetta framboð er til komið. Þetta byrjaði eins og gjörningur sem átti að sýna fram á spillingu. Þeir sögðu jú að þau ætluðu að hafa alla spillingu upp á borðum, þau ætluðu að vinna að þvi að Jón fengi góða innivinnu með aðstoðarmann og rútu sem borgarstjórabíl, þau ætla að skaffa ísbjörn í Húsdýargarðinn og tollhlið á Seltjarnanes. Hvað annað hefur fólk fyrir sér þegar þau telja að þetta séu hæfustu menn til að stýra kannski borg sem veltir tugum milljarða af skattfé borgarana? Hefði skilið að Jón og kannski Einar hefðu náð kjöri en meira er bara brandari. En það er kannski þannig sem Reykjavík vill verða? Þ.e. að allir syngi og dansi á meðan að borginn fari í þrot.

[Hilmar (IP-tala skráð) 22.5.2010 kl. 12:46]

Magnús Helgi skilur ekki Reykvíkinga.

Ég skil Reykvíkinga.

Ef ég skil ítölsku, en Magnús Helgi ekki, þá á Magnús eftir að læra ítölsku.

Ergo; Magnús Helgi á eitthvað ólært um Reykvíkinga.

[Magnús Helgi Björgvinsson, 22.5.2010 kl. 14:17]

Og Hilmar ég skil þig ekki haldur!

En ef þú ert skattgreiðandi í Reykjavík þá viltu væntanlega fá fyrir þína skatta:

• Ábyrga fjármálastjórn sem miðar að því að skila sem mestri þjónustu til íbúa Reykjavíkur.
• Þú vilt væntanlega að þjónustan sem þú fær frá Reykjavík sé góð og verði ekki skorin niður
• Þú vilt væntanlega vita nokkurnvegin eftir hvaða stefnu á að reka Reykjavík næstu árin.
• Þú vilt að skólamál sé í góðu lagi.
• Þú villt að samgöngumál séu í góðu horfi
• Þú villt að skipulagsmál séu í góðu horfi
• Þú villt að atvinna sé efld í Reykjavík
• Þú villt væntanlega að haldið sé almennilega utan um þær þúsundir sem eru að vinna á vegum Reykjavík.

Þessvegna finnst mér skrýtið að fólk skuli velja að kjósa Besta flokkin þar sem að hann var fyrst í gær að setja fram einhver markmið önnur en að skaffa Ísbjörn í Húsdýragarðinn og háhýsi neðan jarðar. Það er morgunljóst að þetta framboð átti að vera einhver kvikmyndagjörningur sem hefur síðan þróast út í eitthvað meira.

Man að Jón Gnarr var í fjölmiðlum fyrir 3 árum minnir mig þar sem hann hafði tekið trú (kaþólska) minnir mig og fjallaði um að hann hafði farið heldur framúr sér í fjármálum og var nærri gjaldþrota.  Jón er góður maður og skemmtilegur en finnst fólki þetta virkilega tilraunarinnar virði að þau hafi hreinan meirihluta?  Það er ekki eins og það sé hægt að hætta bara við í næsta mánuði ef illa gengur. Þau verða með tryggan meirihluta í 4 ár ef þau þá nenna þessu. Þetta er jú flest listafólk sem hefur margt fyrir stafni.

[runar (IP-tala skráð) 22.5.2010 kl. 14:18]

Það gleður mig meira en orð fá lýst hve illa vinstri flokkarnir virðast taka auknu fylgi besta flokksins.

Hvað er að þér Magnús ? Besti flokkurinn fari með skattfé rvk til andsk.. 

Er ekki málið að skattfé rvk hefur kerfisbundið farið til andsk.. undanfarin ár ?

Engu máli skipti hvort það voru hægri eða vinstri menn sem valdið handléku, fjármálabruðlið var yfirgengilegt. Tölum ekki um spillinguna.

Þið þurfið sannarlega að skipta um PR menn í ykkar flokkum því hvert og eitt skítbragðið sem þið hafið reynt að breyta gegn besta flokknum hefur einungis styrkt hann !!

Staðreyndin er einfaldlega sú að rvk, og í reynd landinu öllu, væri betur borgið í höndum þeirra sem í kirkjugörðum dvelja en þeirra sem haldleikið hafa völdin undanfarin ár !!

[Magnús Helgi Björgvinsson, 22.5.2010 kl. 14:50]

Mér kemur Reykjavík í raun ekki við. Ég er að velta fyrir mér hverju fólk heldur að kjósa flokk sem er nú fyrir nokkrum vikum orðin að alvöru framboði. Og hefur að mestu fram til dagsins í gær boðað loforð eins og Ísbjörn í Húsdýragarðin, góða vinnu fyrir Jón Gnarr með aðstoðarmann svo Jón geti setið heima og skrifað, rútu fyrir borgarstjóra, greiða fyrir vini, spillingu upp á borðum og fleira og fleira. Hver hugsandi maður tekur séns á þessu.

Reykjavíkurlistinn eða hvað þett heitir boðar þó hugmyndir að tekum upp á 7 milljarða á ári með skipulagi Vatnsmýrar og sölu lóða. Og um leið að gera Reykjavík íbúavænni með því að tengja Vatnsmýri við miðbæinn og draga úr útþennslu borgarinnar.

Annars eru það ekki vinstriflokkarnir sem tapa mestu. Einstakur flokkur sem skorar lægst í þessum skoðanakönnunum er Sjálfstæðisflokkurinn sem myndi tapa 3 fulltrúum á móti þess að aðrir tapa bara 1 fulltrúa hver.

[Magnús Helgi Björgvinsson, 22.5.2010 kl. 14:59]

Ath að þessi athugasemd fór eitthvað skrýtin af stað hér að ofan þar sem þessar fartölvur eru alltaf að stríða mér eitthvað en vonandi skilur fólk það sem ég er að reyna að segja.

[runar (IP-tala skráð) 22.5.2010 kl. 16:27]

Ég átta mig á samhengi orða þinna, en ég skil þig ekki að öðru leiti.

Þú ert eflaust vænsti maður en betur færi þér að opna augun og sjá tortíminguna sem "klassísku" flokkarnir hafa valdið.

[Benedikta E, 22.5.2010 kl. 19:30]

R- lista flokkarnir þeir sömu og sitja nú í ríkisstjórn Samfylkingin og Vg ráku borgarsjóð með gríðarlegum halla - öll 12 árin sem þeir sátu við kjötkatlana í borgarstjórn Reykjavíkur og mötuðu eigin krók meira að segja í góðærinu 2002 - 2006 var hallarekstur hjá þeim á borgarsjóði.

Borgarbúar hafa ekki gleymt óstjórninni á þeim tíma og vilja ekkert slíkt aftur.

Það er meira en of mikið að hafa Samfylkinguna og Vg.í ríkisstjórn.

[Magnús Helgi Björgvinsson, 22.5.2010 kl. 20:20]

Finnst það ekki nóg að reka borgina með hagnaði yfir mestu þennslutíma. Reyndar ef öll samstaðan er skoðuð er dúnrandi tap á rekstir þ.e. með dótturfélögum. En skuldsetning er alveg gríðarleg. Framsókn var jú í R listanum líka. Sem og kvennahreyfingin.

[Brattur, 22.5.2010 kl. 22:21]

Fólk er búið að fá upp í kok af venjulegum pólitíkusum... þeir hafa ekki traust þjóðarinnar lengur... það vita allir að það þarf að stokka ærlega upp í þessu pólitíska umhverfi... Besti flokkurinn er bjarghringurinn fyrir drukknandi þjóð... megi þjóðin grípa í hann...

[Benedikta E, 23.5.2010 kl. 00:34]

Magnús - Kvennahreyfingin sem þú kallar var í samsuðu með Alþýðuflokknum - Alþýðubandalaginu  og svo Framsókn - Þessir kölluðu sig  R - lista -

Síðan varð hluti af þessu liði að Samfylkingunni - hluti varð Vg. sumir fóru til baka í Framsókn aðrir eru enn þá í Samfylkingunni t.d. Ásta Ragnheiður Jóhannesdóttir forseti Alþingis hún var í Framsókn áður - Össur held ég að hafi bæði verið búinn að vera í Alþýðuflokknum og Alþýðubandalaginu þegar hann fór svo í Samfylkinguna.................

Litrík pólitísk litaflóra í einni persónu það.........!

Þannig að Samfylkingin er algjör tætluflokkur

[Magnús Helgi Björgvinsson, 23.5.2010 kl. 00:53]

Þekki þessa sögu ágætlega. Það voru 4 flokkar sem sameinuðust í R listanum. Það er óháð framhaldinu. Kvennalistinn var lagður niður og þær fóru í Ýmsar áttir. Ásta Ragnheiður var í framsókn en gekki Samfylkinguna eins og margir þegar hún var stofnuð. En hún var ekki í borgarmálum held ég að minnsta kosti ekki í borgarstjórn fyrir Framsókn eða R listan.

En eins og þú veist var Samfylkingin stofnuð til að sameina fólk sem hafði jafnaðarmennsku að leiðarljósi í einn flokk. Það gekk eftir þar til á síðustu stundu þegar Steingrímur, Ögmundur og fleiri klufu sig frá. En þetta kemur R listanum ekki við þar sem hann var samstarf flokka ekki sameiginlegur flokkur.

Fólk í Samfylkingunni er fólk sem aðhyllist jafnaðarmennsku en Samfylkingin eins og fleiri flokkar færðist heldur mikið til hægri og tók upp stefnu frá Blair sem var óheillaspor en það gerði reyndar hálf þjóðin líka. Því að allt virtist vera að ganga upp sem við gerðum. Það var alltaf hægt að fá hærri lán og kaupa meira og fólk áttaði sig ekki á því að að þetta gæti hrunið á einum degi. Og t.d. bara gengishrun krónunar gæti hækkað skuldir fólks um helming eða meira og langt upp fyrir það sem fólk gat borgað.  En aðrir flokkar eru líka brendir af þessu. Meir að segja Jón Gnarr varð gjaldþrota fyrir hrun og þurfti að fara milli innheimtufyrirtækja og semja um skuldir sínar. Þessu lýsti hann vel þegar hann var í umræðunni fyrir nokkrum árum um leið og hann sagði frá því að hann hefði tekið virka trú og kaþólsku.

[Magnús Helgi Björgvinsson, 23.5.2010 kl. 01:02]

Bendi fóki á athyglisvert viðtal við Jón Gnarr og hverning hann tekst á við ADHD hér http://www.adhd.is/Files/Skra_0028165.pdf