Um að gera fyrir Samfylkingu að bjóða krafta sína fram í alla meirihluta!

Ef að Samfylkingin ætlar að reka af sér sliðru orðið er um að gera að bjóða sig fram og sækjast eftir að komast í meirihlutasamstarf allstaðar sem það er hægt. Og síðan að standa sig og standa við öll stóru orðin eins og að koma á íbúalýðræði.

• Væri ekki hægt á hverju hausti að gera könnun eða kjósa um áhersluatriði í næstu fjárhagsáætlun. Þannig að íbúar gætu forgangsraðað innan einhverja marka.
• Kosningar um öll meiriháttar skipulagsmál

Eins að Samfylking beiti sér fyrir því að spilling og vafasamar aðgerðir séu upprættar.

Auðvelda fólki þátttöku í starfi flokksins og eins að geta boðið sig fram fyrir hann

Þetta ásamt því að umbótanefnd Samfylkingar standi sig og komi með raunhæfar aðgerðir myndu hjálpa til að auka aftur traust á því að Samfylkingin sé traustsins verð.

Síðan þarf ríkisstjórnin að keyra í gegn frumvarp um stjórnlagaþing og hraða vinnu þess. Ekki láta úrtölufólk eins og Hreyfinguna sem alltaf finnur eitthvað til að tortryggja seinka því.

Ég vildi að Samfylking færi í samstarf í Reykjavík, Kópavog og í Hafnarfirði. Þá væri flokkurinn í raun að auka áhrif sín í sveitarstjórnum á Höfuðborgarsvæðinu.

Eins þarf að flýta lögum um þjóðaratkvæðagreiðslur og gera þær að raunhæfum kost.

Ræddu við Samfylkingu

Athugasemdir

[Hreinn Sigurðsson, 2.6.2010 kl. 07:52]

Samfylkingin er tvöföld í roðinu varðandi þjóðaratkvæðagreiðslur.  Á tyllidögum talar þetta lið um þjóðaratkvæðagreiðslur.  En vel má sjá á Icesave málinu og eins ESB umsókninni að  þetta er bara lýðskrum.

[Guðmundur Björn, 2.6.2010 kl. 17:46]

Þetta er að verða dálítið kómísk og skemmtileg síða!