Eru þetta allt fólk með bilalán sem er að mótmæla?

Það er náttúrulega bara búið að dæma gengistryggingu á bílalánum hjá Lýsingu og SP fjármögnun ólöglega.

Seðlabanki sem og FME komu með tilmæli til banka og fjármögnunarfyrirtækja að miða tímabundið við meðalvexti Seðlabanka þar til dómur fellur um hvort að þessir samningsvextir eigi við þegar að forsendur þeirra dæmdar ólöglegar. Manni skilst að með flýtimeðferð eigi það að vera í haust.

Það var ljóst að bankar og fjármögnunarfyrirtæki ætluðu ekkert að gera í þessu og óskuðu eftir fyrirmælum þessara stofnana.

Nú liggur fyrir að Talsmaður Neytenda er búinn að ræða við banka og fjármála fyrirtæki sem hafa tekið jákvætt í að rukka bara ákveðna upphæð af bílalánum. Um 15 þúsund af hverri milljón!

Annars bendi ég á færslu hér sem Ingibjörg Hinriksdóttir skrifaði og birtir stöðu á sínu bilaláni eftir því hvaða lánakjör verða endanlega fyrir valinu. Þar kemur fram hversu mikið hún hefur ofgreitt miðað við 4 möguleika og eins hvaða greiðslur hefðu átt að vera á láninu hennar skv. þessum möguleika og hvaða eftirstöðvar hefðu þá átt að vera af láninu og eins hvað hún hefur ofgreitt. Af þessu dæmum er hún í þeirri stöðu að hafa borgað mun meira en henni bar í öllum 3 möguleikunum og höfuðstóll lánanna hrapar niður og enn meira þegar ofgreiðslur eru reiknaðar til lækkunar höfuðstólnum

Sjá hér

 Síðan finnst manni furðulegt að fólk ráðist að Seðlabankanum þegar hann aðeins kemur með tilmæli.

Og eitt varðandi almennar skuldaniðurfellingar á öll lán einstaklinga eins og Lilja og Sigmundur Davíð tala um: Getur einhver nefnt mér fordæmi um að það hafi einhversstaðar verið gert áður og gengið upp?

Áfram mótmælt í fyrramálið

Athugasemdir

[JR (IP-tala skráð) 6.7.2010 kl. 01:49]

Magnús !

 Reyndu að vera raunsær !

Við sem segjumst vera félagshyggju fólk eigum að hugsa um fólkið !

Hvers vegna ertu að reyna að verja handónýt gjörðir alþingismanna, sem þykjast vera félagshyggju fólk ?

Við völd í þessu landi er okkur sagt að sé stjórnmálaflokkar sem kenna sig við félagshyggju ?

Ef það er rétt, þá eiga þessir flokkar að fara gera eitthvað fyrir fólkið í landinu !

Það eina sem þið hafið gert, er að slá skjaldborg um fjármálafyrirtækin !

Núna er komið að örlagastundu fyrir YKKUR !!!!

Ef þú vllt ekki hjálpa fólkinu í landinu, þá færðu bara það sem þú átt skilið !

[Arinbjörn Kúld, 6.7.2010 kl. 01:59]

Við lifum á fordæmalausum tímum. Slíkir tímar krefjast fordæmalausra aðgerða. Hagkerfið verður ekki keyrt á þeim skuldum sem verið er að troða á almenning og fyrirtæki. Almennar afskriftir og eða niðurfærslur eru óhjákvæmilegar. Þetta á ekki bara við um Ísland, heldur heim allan.

Kveðja að norðan.

[Guðmundur Ásgeirsson, 6.7.2010 kl. 02:20]

Almenn skuldauppgjöf var reglubundin í fornum sið. Þá var það reglan að þegar nýr höfðingi tók við stjórnartaumum voru allar skuldir manna núllaðar út þannig að allir gætu byrjað með hreint borð undir nýrri stjórn. Þá var þetta talið nauðsynlegt til að viðhalda samfélagslegum stöðugleika og þannig gekk það í gegnum aldirnar, þar til tekið var upp á vesturlöndum miðstýrt seðlabankakerfi með takmarkaða bindiskyldu (fractional reserve banking). Síðan þá hafa kreppur og krísur eða hrun orðið að lágmarki einu sinni á mannsævi. Þegar hagfræðingar tala um stöðugleika í dag þá eru þeir fyrst og fremst að meina stöðugleika fjármálakerfisins, en það er mikilvægt að blanda því ekki saman við samfélagslegan stöðugleika. Með sama áframhaldi verður hvorugt til staðar hér á landi á næstunni, og það má þá helst þakka því að stjórnvöld hafa sjálf tekið frumkvæði í lögleysu.

"Ef þú greiðir ekki þína skuld þá munu aðrir þurfa að borga hana i staðinn" er líklega lélegasti brandari sem hefur heyrst lengi. Auðvitað er fólki svosem velkomið að borga mínar skuldir, það myndi hjálpa mér heilmikið, en hinsvegar er ekkert sem skyldar það til þess frekar en það vill. Skuldir við bankakerfið eru ekki peningar í hendi heldur tölur á blaði, síðast þegar ég leiðrétti tölur á blaði þá minnist ég þess ekki hafa þurft að senda neinum reikning. Annað dæmi um tölur á blaði er hlutabréfaverð en það reyndist ekki mikið að marka það!

Ykkur sem trúið í alvöru Franek og félögum hjá Alþjóðagjaldeyrissjóðnum þegar þeir opna munninn með sínum hræðsluáróðri, vil ég benda á að þessir menn fá greidd verulega há laun fyrir að viðhalda vestrænu blekkingunni um hið sanna eðli fjármagns. Það var sú blekking sem gat af sér hrunið!

[Guðmundur Ásgeirsson, 6.7.2010 kl. 02:29]

“It is well enough that the people of the nation do not understand our banking and monetary system, for if they did, I believe there would be a revolution before tomorrow morning.” – Henry Ford

Íslendingar eru loksins byrjaðir að fatta, hvað með þig?

[Sigurður Haraldsson, 6.7.2010 kl. 07:57]

Við þurfum byltingu og hún er orðin að staðreynd hvort þú kemur með eða ekki er þitt val en á endanum þarft þú að borga mörgum sinnum þá upphæð sem það tók að láni ef ekki verður gripið í taumana!

Hvar er búið að hagræða í bankakerfinu eftir hrun ef þú getur sagt mér það þá færð þú prik hjá mér?

[Axel Þór Kolbeinsson, 6.7.2010 kl. 08:14]

Ég er með engin bílalán.