Úps ekkert að marka Bjarna Ben!

Þetta sagði Bjarni í grein sem hann skrifaði ásamt Illuga Gunnarssyni 13 des 2008:

Bjarni Ben formaður utanríkismálanefndar.

Tveir frammámenn Sjálfstæðisflokksins á þingi, Bjarni Benediktsson og Illugi Gunnarsson, lýsa því yfir í Fréttablaðinu í dag að þeir vilji að Ísland hefji aðildarviðræður við Evrópusambandið og að innganga í sambandið verði borin undir þjóðina í þjóðaratkvæðagreiðslu.

Bjarni og Illugi segja í aðsendri grein í blaðinu að krónan muni reynast okkur fjötur um fót til lengri tíma. Þó megi ákvörðun um aðild ekki eingöngu snúast um gjaldmiðilinn. Þeir segja að stjórnvöldum hafi mistekist á undanförnum árum að tengja saman ríkisfjármál og stjórn peningamála. Vextir hafi orðið ein helsta útflutningsafurð þjóðarinnar og því hafi gengi krónunnar orðið sterkara en verðmætasköpun þjóðarinnar gat staðið undir. Einkavæðing ríkisbankanna hafi þó ekki verið mistök en þeir telja að herða hefði þurft reglur um eignarhald bankanna. Þá hafi Fjármálaeftirlitið verið of veikt og benda þeir á að enn sé það aðeins með um 60% af mannafla Fiskistofu.

Þá segja Bjarni og Illugi að atburðir síðustu mánaða hafi dregið úr trausti fólks á stjórnmálamönnum. Þeir telja því nauðsynlegt að endurskoða kosningafyrirkomulagið. Hvert sú endurskoðun ætti að leiða skýra þeir ekki frekar.

En nú ert þetta bara allt gleymt og heytir að hann hafi viljað:

„Eftir hrunið fannst mér rétt að menn sýndu umræðunni umburðarlyndi og veltu alvarlega fyrir sér öllum valkostum í stöðunni

Ekki gat ég lesið það út úr grein hans fyrir 2 árum. Er furða þó menn tali um hann sem vindhana. Þ.e. hann snýst eins og vindar blása en gerir að öðruleyti ekkert gagn.

Umsókn Íslands verði dregin til baka

Athugasemdir

[joi (IP-tala skráð) 8.7.2010 kl. 20:13]

Var evrópusambandið búið að lýsa því yfir AFDRÁTTARLAUST að Íslendingar þurfa að gera upp Icesave skuldina, sem er líklega tæplega útgjöld ríkisins í þrjú ár skilyrðislaust ef landið ætlar inn í ESB? Væntanlega ekki. Utanríkisráðherra hefur meira segja haldið hinu gagnstæða fram, allt fram á þennan dag.

Illugir er ekki lengur á Þingi fyrir Sjálfstæðisflokkinn.

Bjarni Ben. er formaður flokksins, honum ber að fara eftir stefnu flokksins. Á landsfundinum á síðasta ári var tillaga um að ganga í ESB ekki einu sinni borin upp, hún fékk ekki einu sinni nægilegt fylgi á fundinum til að verða tekin til umræðu. Vilji Sjálfstæðisflokksins þá var ótvíræður.

Á auka landsfundi flokksins í síðasta mánuði var í þrígang kosið um hvort ætti að hætta aðildarviðræðum að ESB að sinni. Í öll skiptin var niðurstaðan sú sama, að draga aðildarviðræður til baka að sinni.

Hvað Bjarna Ben. varðar, þá er fylgið á uppleið. Hann tók við flokknum í um 27%, en er nú farinn að mælast með 35%. Fylgið hefur aukist um 40% á rúmu ári eftir að Bjarni tók við. Menn geta svo rifist um hvort það sé Bjarna að þakka, stefnu Sjálfstæðisflokkins, eða einfaldlega ömurlegri ríkisstjórn sem getur ekki gert nokkurn skapaðan hlut án þess að úr því verði klúður. Líklega er þessi fylgisaukning bland af þessu öllu saman.

Gætir þú annars birt link inn á þessa grein, það er erfitt að átta sig á hver sagði hvað þegar slitrur úr greinum eru birtar, og verið að quota í fréttablaðið.

[Magnús Helgi Björgvinsson, 8.7.2010 kl. 20:55]

Joi  láttu ekki svona. Eignir Landsbankans gamla duga fyrir um 90% af höfðustól lánsins. Þannig að eftir er í mesta lagi 100 til 180 milljarðar. Og það er innan við 30% af útgjöldum í eitt ár. Og við höfum til ársins 2020 að borga það Og fáum framlengu eins og við viljum. Jafnvel talið að eignirnar dugi fyrir nærri öllum kostnaði okkar miðað við að efnahagslífið er að taka við sér aftur.

ESB getur ályktað eins og það vill. Við greiðum atkvæði um samning um inngöngu í ESB ekki um samning við Bretland og Holland sem löngu verður tilbúinn áður en til þess kemur. Auðvita vill ESB að við göngum frá deilum okkar við önnur ESB ríki. En ESB hefði ekki samþykkt að hefja viðræður við okkur núna ef þetta væri mál sem þeir settu sem skilyrði.

[Magnús Helgi Björgvinsson, 8.7.2010 kl. 21:00]

Svo er kannski rétt að benda þér á að ESA sem er eftirlitsstofnun EFTA með EES samningi telur að við eigum að borga og hefur veitt okkur frest fram í næsta mánuð að svar 3 eða 4 ítrekun þeirra. Eftir það fer málið fyrir EFTA dómstól sem yfirmaður ESA segir að dæmi okkur til a borga.

[Hólmfríður Bjarnadóttir, 8.7.2010 kl. 21:59]

Sæll Maggi. Hvernig dettur þér í hug að taka mark á þessu  kumpánum. Skoðanir þeirra ganga kaupum og sölum eftir því hver býður best. BB seldi sínar skoðanir fyrir það sem hann heldur að kallist "völd" en er í raun hlutverk strengjabrúðu valdaklíkusamfélagsins.

Illugi er svo ofur seldur sínum afglöpum að hans skoðun skiptir engu sem stendur.

[Ingibjörg Guðrún Magnúsdóttir, 8.7.2010 kl. 21:59]

Ja hérna Magnús Helgi þú ert allur fastur í fortíðinni það er alveg orðið ljóst. Hamrar á því sem var og þjóðin rak í burtu með mótmælum í von um betra... og hvað kom í staðinn... Er betra að hafa þessa sauðspilltu Stjórnmálamenn sem eru siðblindir út í eitt og lugu sig til valda til að geta klárað að ræna Landsmenn öllu sínu sem þeim tókst ekki í skjóli Sjálfstæðisflokksins... Svei og Skömm segi ég... Út með allt þetta fólk sem er í Ríkistjórn núna og komi það ALDREI aftur til valda... Það sem er núna er það sem við eigum að líta til. Kveðja.

[Pétur Sig, 9.7.2010 kl. 00:49]

Djöfull er fólk fljótt að gleyma. Icesave er afkvæmi Sjálfstæðisflokksins og það var þáverandi formaður Sjálfstæðisflokksins sem lofaði endurgreiðslu fyrir hönd þjóðarinnar. Bretar og Hollendingar trúðu þessu og greiddu innistæðueigendum út peningana sína. Nú vilja Hollendingar og Bretar fá peningana til baka sem þeim var lofað, vegna þess að þeim var lofað þeim. Ef þeim hefði ekki verið lofað þeim af Geira Haarde hefðu innistæðueigendurnir sem voru vissulega að leggja inn á óörugga reikninga tapað peningunum hjá íslensku einkafyrirtæki og enginn gæti neitt sagt. Sjálfstæðismenn lofuðu að borga þetta til baka og það er bagginn sem við sitjum uppi með.

[Bjöggi (IP-tala skráð) 9.7.2010 kl. 12:26]

Bjarni er búin að skipta oft um skoðun hvað varðar ESB alveg eins og með IceSave. Einusinni vildi hann borga IceSave með 6,5% vöxtum og ganga í ESB.

[Magnús Helgi Björgvinsson, 9.7.2010 kl. 13:45]

Svona til að sýna hvernig Mogginn og sjálfstæðoisflokkurinn vinnu má benda á þetta:

Lögmaðurinn Sveinn Andri Sveinsson hélt því fram á fésbókarsíðu sinni um helgina að könnun sem unnin var fyrir Moggann um skoðanir Íslendinga á Evrópusambandsaðild hefði verið ritskoðuð í meðförum blaðsins.

„Í könnun Mbl um ESB var einnig spurt um afstöðu til aðildar að ESB ef tryggð væru yfirráð Íslendinga yfir fiskveiðilögsögunni. 71% aðspurðra sögðust þá vera hlynnt aðild. Það hentaði greinilega ekki Mbl að birta þessa niðurstöðu,“ sagði Sveinn Andri en könnunin var unnin af MMR, Markaðs- og miðlarannsóknum.

[Bjarni (IP-tala skráð) 10.7.2010 kl. 14:34]

Bjarna Ben, var jú bannað að detta það í hug að hafa áhuga á ESB viðræðum á landsfundi, þar með er hann eins og allir aðrir sjálfstæðismenn sem voru sömu skoðunar allt í einu búnir að sjá ljósið og nú orðnir harðir andstæðingar ESB. Ekkert ESB fyrir Ísland, og alls engin þjóðaratkvæðagreiðsla um málið. Þetta verður bara útkljáð á Íslenska mátann, þ.e. á bak við tjöldin.