Gísli Tryggvason - Er hann ekki tilvalinn sem Umboðsmaður skuldara?

Gísli Tryggvason talsmaður neytenda nýtur nú um stundir nokkurrar tiltrúar almennings held ég. Hann hefur þó þann stóra galla að vera virkur framsóknarmaður.

Hann var áður framkvæmdarstjóri og lögfræðingur BHM og ég veit að hann var að standa sig mjög vel þar. Hann m.a. flutti mál fyrir stéttarfélagið mitt gegn ríkinu varðandi verkfallsrétt og vann það. Og þótti gott.

Hann hefur verið ákveðinn sem talsmaður neytenda og náð að koma á samkomulagi við fjármálafyrirtækin nú um mildari innheimtu á meðan að fjármálafyrirtæki bíða eftir dómi hæstaréttar.

Hann gæti a.m.k. tekið starfið að sér tímabundið.

Leita að staðgengli Runólfs

Athugasemdir

[Stefán Stóla (IP-tala skráð) 4.8.2010 kl. 01:32]

HAHAHA...hélstu að það væri hæfni einstaklinga sem skipti einhverju máli í þessu sambandi HAHAHA..

Þú ert nú meiri einfeldingurinn.

[Magnús Helgi Björgvinsson, 4.8.2010 kl. 01:42]

Skv. þessari frétt var jú hæfasti maðurinn skv. mati að hætta við! Þ.e. Rúnólfur.

Það er auðvitað tímabundinn staðgengill því í fyrramálið hittum við lögfræðinga til að skoða hvað það þýðir þegar einstaklingur sem metinn er hæfastur segir upp starfi sínu. Þýðir það að við þurfum að auglýsa starfið að nýju? Þýðir það að öðrum umsækjendum megi veita starfið?“

[Magnús Helgi Björgvinsson, 4.8.2010 kl. 01:43]

Og þessir umsækjendur voru metnir af ráðningafyrirtæki sem mat Runólf hæfastan.