Mannorðsmorð!

Þetta sýnir vel að vefmiðlar sem kalla sig fréttamiðla verða að fara að hugsa sinn gang. Nú síðustu misseri hafa þessir miðlar kynnt undir allskonar kjaftasögum og óstaðfestum sögusögnum! Menn hafa auðveldlega getað stofnað og kynnt undir aðförum að andstæðingum sínum og allir gleypa það upp. Og nú er framið mannorðsmorð á einstakling sem ekkert hefur verið sannað á.

Þetta má svo skoða í samhengi við regluleg upphlaup gegn stjórnmálamönnum sem menn hafa sett á dauðalista. Eins og t.d. Gylfi Magnússon. Nú er verið að vega að Agli Helgasyni fjölmiðlamanni. Og svo gegn ýmsum aðilum síðustu misserin.

Svona svokallaðir fréttamiðlar eins og pressan og eyjan verða að vanda sig betur og DV verður að hugsa vandlega sinn gang. Ef þetta eru miðlar sem vilja vinna gagn verða þeir að vanda það sem þeir birta. Ekki gleypa svo hrátt það sem einhver annar birtir.

Maðurinn látinn laus

Athugasemdir

[hilmar jónsson, 17.8.2010 kl. 16:47]

Það er dapurlegt, ekki síst í ljósi þess að DV hefur verið rísandi miðill, að þeir skuli velja að taka svona dýfu ofan í skólpræsið...

[Heiða (IP-tala skráð) 17.8.2010 kl. 16:57]

Það er mikið rétt að fjölmiðlar og þá sér í algi fjölmiðlar eins og DV þurfa að taka sig saman í andlitinu það er skelfilegt ef ótímabær birting á mannsnöfnum meintra gerenda reynist svo alr0ng. DV er blað sem bara gerir út á leiðindi og það slæma í þjóðfélaginu það er dapurt að slíkur miðill skuli eiga sér aðdáendahóp hér á landi. En að þú Magnús berir þetta mál saman við klúðrið í letihaugnum honum Gylfa Magnússyni eða Egil Helgason er fáránlegt. Egill er maður sem líkt og DV nærist á að kasta skít og drullu í aðra á sama tíma og hann sjálfur telur sig betur siðmenntaðan en anað fólk. Sveiattan að nefna slíkan mann um leið um þú vekur athygli á annars þörfu máli.

[DoctorE (IP-tala skráð) 17.8.2010 kl. 17:00]

Þeir voru alltof fljótir á sér með að birta nafn... eiginlega allt um manninn.

[Óskar Arnórsson, 17.8.2010 kl. 17:16]

.... einu sinni var hundur drepin á hroðalegan hátt og var hundmorðinginn rekin úr vinnuni og yfirheyrður fram og til baka af lögreglu. Öll þjóðin stóð á öndinni og svo kom myrti hundurinn labbandi heim í rólegheitunum og allt varð leiðinlegt aftur í þjóðfélaginu....ekta íslenskt fyrirbæri eitthvað...

[Óli (IP-tala skráð) 17.8.2010 kl. 17:49]

Mér finnst nú alltílagi að vega að stjórnmálamönnum í fljölmiðlum þeir eru opinberar persónur og kusu það sjálfir. En það er alls ekki í lagi að saka menn um glæp í fjölmiðlum áður en dómur fellur.

[sigmar (IP-tala skráð) 17.8.2010 kl. 17:55]

Sá reyndar engar ásakanir í fréttum DV.

En spurning með að birta mynd af honum, það var óþarfi.

En DV sagði bara frá staðreyndum, að hann væri í yfirheyrslu hjá lögreglu. Síðan þegar honum var sleppt, sagði DV frá því.

Held að fólk sé að fara soldið framúr sér í þessu. Kalla DV sorprit og fleira vegna þessa máls.

Það voru 3 fjölmiðlar sem birtu mynd og nafn þess sem var í haldi lögreglu.

[Kristín (IP-tala skráð) 17.8.2010 kl. 17:59]

Ekki í fyrsta sinn sem saklausir eru dæmdir hér á landi . 

Mér finnst þó DV vera rannsókarmála-blað .

Öðruvísi en Helgarpósturinn " í den ".Þar var "þjónað"lögfræðingum og Jón Kaldal átti þátt í slíku .

En við vitum ekkert ennþá .Óþarfi samt að birta mynd , fyrr en málið er lengra komið . 

[Anna Sigríður Guðmundsdóttir, 17.8.2010 kl. 21:24]

Voru það lögreglu-yfirvöld á Íslandi sem upplýstu DV?

Má ekki velta því aðeins fyrir sér? Og í ljósi þess eru DV og sá grunaði saklaus!!!

Og lögreglu-yfirvöld Íslands stór-sek!!! 

Bara smá pæling! M.b.kv.

[Zaratul (IP-tala skráð) 18.8.2010 kl. 03:05]

Anna Sigríður,

Ef þetta er allt saman runnið undan rifjum lögreglunnar, hvernig stendur þá á því að DV er nær eini fjölmiðillinn sem fellur fyrir því meinta bragði?  Þessi kenning þín um einhverja sekt lögreglunnar gengur eiginlega ekki upp. 

DV fylgir þarna einfaldlega sinni ritstjórnarstefnu eins smekklega og þeim er einum lagið!  Það hljómar ekki sannfærandi að reyna að klína þeim sómanum á aðra einstaklinga eða stofnanir, ritstjórn DV hefur ekki þurft hjálp við áburðardreifinguna.