Byrjar þetta einu sinni enn!

Getur Atli ekki spurt einhvern í Noregi t.d. hvort að Noregur hafi orðið fyrir óbætanlegum skaða þegar þeir sömdu við ESB 2x en gengu ekki inn? Og er Atli ekki á því að hér þurfi að taka stjórnsýsluna í gegn eftir hrun? Og er þá ekki yfirleitt horft til Evrópuríkja? Og getur Atli skýrt fyrir fólki hvað hann á við með:

„Það er mín skoðun að það séu brostnar forsendur fyrir þessu máli. Að þetta séu aðlögunarviðræður,“ segir Atli Gíslason, þingmaður Vinstrihreyfingarinnar – græns framboðs. Hann segir liggja fyrir að Evrópusambandið ætli að koma með nokkra milljarða í það verkefni að gera miklar breytingar á þjóðfélaginu.

Hvaða miklu breytingar á þjóðfélaginu er maðurinn að tala um?

Er það kannski máið með þessa Vg liða að þeim finnst þessar aðildarviðræður trufla þá við að ríkisvæða atvinnulífið og draga hér úr öllum framförum?

Ólga í grasrót vinstri-grænna vegna aðlögunar

Athugasemdir

[Marteinn Unnar Heiðarsson, 23.8.2010 kl. 07:05]

Noregur fór í samningaviðræður en ekki í aðlögunarviðræður eins og eru í gangi hér núna,svo það er hægt að miða við Noreg í þessu dæmi..............

[Marteinn Unnar Heiðarsson, 23.8.2010 kl. 07:50]

Smá leiðrétting þetta átti að vera (svo það er ekki hægt að miða við Noreg í þessu dæmi) :)

[Gunnar Heiðarsson, 23.8.2010 kl. 08:19]

Aðildarviðræður og aðlögunarferli eru tveir ólíkir hlutir. Norðmenn fóru í aðildarviðræður og fengu samning sem borinn var fyrir þjóðina og felldur. Við erum í aðildarferli, að því loknu fáum við samning (veit reyndar ekki um hvað hann ætti að fjalla) sem lagður verður fyrir þjóðina. Við fáum þá að kjósa um orðinn hlut! Ekki væntanlegan.

Forsendubresturinn sem Atli talar um er að þegar kosið var um aðildarviðræður á þingi var þingmönnum talin trú um að um samningaferli væri að ræða, ekki aðlögunarferli. Strax eftir að umsókn hafði verið lögð inn til ESB komu skilaboð frá forsvarsmönnum þess að um aðlögunarferli væri að ræða, annað væri ekki í boði. Síðan hafa allir forsvarsmenn ESB haldið þessari skoðun á lofti og marg ítrkað hana!

Menn geta barið hausnum við stein og neitað að viðurkenna þetta, en það breytir þó ekki staðreyndum!!

[Héðinn Björnsson, 23.8.2010 kl. 09:35]

Ég veit ekki betur en að núverandi ríkisstjórn hafi staðið fyrir stærra og hraðara einkavæðingarferli en flestir forverar hennar. Ekki einu sinni Davíð hefði þorað að einkavæða svona mikið og svona hratt á hátyndi síns valdaferils.

 Snúum hlutunum ekki á haus; það var ríkisstjórn Geir Haarde sem ríkisvæddi atvinnulífið.

[Ólafur S (IP-tala skráð) 23.8.2010 kl. 10:24]

Það er alltaf ólga í VG...

[Óskar Guðmundsson, 23.8.2010 kl. 10:55]

Það er rétt sem kemur fram hér að ofan að ferli það sem Samspillingin hefur hafið, svokallað "aðlögunarkerfi" hefur ekki í för með sér mögunleikann á vali í lokin að einu eða neinu en hvort skrifa egi undir eða ekki.

Þetta er nákvæmlega það sama og WC (áður v-g (vel við hæfi enda álíka að sturta atkvæðinu niður eins og að láta það falla í v-g)) hefur boðað "sæl er sameginleg eymd", þ.e.a.s. þegar við erum orðin samdauna ESB af hverju ekki að ganga alla leið?

WC er aðeins pínu regluverk utanum ólguhóp sem haldið er saman af gömlu kommum. 

[Þórdís Bára Hannesdóttir, 23.8.2010 kl. 11:32]

Ég þakka fyrir ef ESB tekst að koma á umbótum hér.  Ekki veitir af.