Frestun, frestun, frestun.......! Er ekki kominn tími fyrir Samfylkingu að standa í lappirnar

Nú var þetta að því mig minnir ákveðið í stjórnarsáttmála að fækka hér ráðuneytum. Ef þetta er rétt að Vg sé að setja fæturnar fyrir þetta mál, finnst mér að nú sé að koma að því rétt sé að hætta þessari tilraun Samfylkingar að halda Vg í stjórn.

Þetta fer að verða pirrandi. Það er ýmist hluti Vg eða allur flokkurinn sem gerir athugasemdir og mótmælir öllu sem á að gera. Þannig að flest af stærri málum þessarar ríkisstjórnar eru sífellt að frestast eða hætt við þau.

Þetta er nú ekki til að auka fólki trú á þessa stjórn. Það að Vg sem flokkur og svo órólegadeildin skuli ekki vera tilbúin að taka af skarið með neitt bendir til þess að þingmenn Vg séu svo hræddir við ákvarðanir að þeim finnist best að halda þessu í lausulofti og þar af leiðandi hverfur allt það góða sem stjórnvöld hafa þó verið að gera í skuggan af þessu.

Finnst því rétt að ef Vg greiðir atkvæði með að draga ESB umsókn til baka að Samfylkingin slíti þá strax þessu samstarfi. Og hér verði mynduð stjórn sem hikar ekki við að framkvæma það sem þau haf samið um í stjórnarsáttmála sín á milli

Stofnun atvinnuvegaráðuneytis frestað

Athugasemdir

[Ómar Harðarson (IP-tala skráð) 28.8.2010 kl. 12:58]

Það er eins mig rámi í að Vg hafi haft á stefnuskrá sinni að sameina ráðuneyti, en þó einkum að færa verkefni tengd sjávarauðlindinni í umhverfisráðuneytið. Nú er meirihluti þingflokks Vg því orðinn sérstaklega andvígur þeirri breytingu. Svona geta menn hlaupið í gönur.

Það er hins vegar greinilegt að hluti Vg vill ekki lengur eiga aðild að ríkisstjórnarsamstarfinu. Verkefni Samfylkingarinnar sem ábyrgt forystuafl í íslenskum stjórnmálum er að sjá til að skaðinn verði sem minnstur þegar upp úr slitnar. Þetta verður hún að gera þótt einhverjum finnist hún "standi ekki í lappirnar" fyrir vikið.

[Ingibjörg Guðrún Magnúsdóttir, 28.8.2010 kl. 17:02]

Þessi breyting er eingöngu gerð til að falla að reglugerð ESB. Ekki til þess að draga úr útgjöldum og hjálpa þjóðinni út úr þessari kreppu. Þarna er verið að keyra reglugerð ESB inn. Það er ekki samningsviðræður Magnús Helgi...

[Ómar Harðarson (IP-tala skráð) 28.8.2010 kl. 17:26]

Þú hefur nú líklega rangt fyrir þér, Ingibjörg Guðrún, sameining ráðuneyta er búin að vera á dagskrá lengi án þess að um aðildaraðlögun að ESB sé að ræða. Vg hafði hana m.a. á stefnuskrá sinni.

Í raun ganga hugmyndir ríkisstjórnarinnar of skammt. Hér ætti aðeins að vera eitt ráðuneyti, skipt í ca. 6 stjórnardeildir. Það er t.d. fáránlegt að ekki er hægt að rótera embættismönnum með góðu móti milli ráðuneyta, hvað þá sameina stofnanir eða hagræða verkefnum milli ráðuneyta.