Sorry Alvar er ekki að ná þessu hjá þér

Það er stundum eins og fólk haldi að stjórnvöld geti skitið peningum. Ríkið skuldar nú um 1600 milljarða var ég að lesa um daginn. Öryrkjar hafa það jú virkilega skítt en hvað vilja þeir að stjórnvöld geri? Eins kannski líka við hæfi að benda á að örorkubætur eru í dag hvað um 160 þúsund. Held að lægstu laun séu um 170 þúsund. Svo lítill munur hefur sjaldan verið á milli örorkubóta og lægstu launa. Þetta er náttúrulega langt frá því að vera boðlegt en bendi á að margir eru að þrauka á launum sem eru rétt um 200 þúsund í dag. Þetta er stærri hópur sem vinnur á slíkum launum en fólk heldur. T.d. í matvörubúðum, ræstingum og fleiri slíkum störfum.

Alvar hlýtur að gera sér grein fyrir því að við vorum gjaldþrota haustið 2008. Við þurftum að fá AGS hingað inn því við fengum enginn lán til þess bara að halda hér þjóðfélaginu gangandi. Það þurfti AGS og áætlun sem þeir samþykktu til að þeir og önnur lönd lánuðu okkur. Og þessi áætlun miðar að því að við komumst aftur í þá stöðu að ráða við stöðu okkar.

Það átti öllum að vera ljóst að allir ættu eftir að finna fyrir kreppunni og við þyrftum að taka á okkur birgðar næstu árinn. Höfum samt ekki þurft að gera eins og Finnar sem þurftu að loka 4 hverjum skóla og heilu bæjarfélögin voru háð því að fá mat frá hjálparstofnunum.

Það er samt rétt í þessu sem hann segir varðandi atvinnulífið. Það er farið að verða pínlegt hvað öll hugsanleg stærri fjárfesting er að fjara út vegna seinagangs stjórnvalda og baráttu milli flokka í stjórn. En hann getur ekki eftir að hafa upplýst hvað hann kaus og hefur kosið talað um svik við sig þar sem hann kaus aldrei Ögmund eða Vg

Ögmundur sveik loforðið

Athugasemdir

[Sigurður Sigurðsson, 9.9.2010 kl. 01:41]

Mér finnst þú skauta framhjá aðalatriðinu. Það stóð til að slá skjaldborg utan um heimili landsmanna.Það átti að standa vörð um kjör þeirra lægst launuðu í þjóðfélaginu. Finnst þér að Ögmundur og félagar i VG og Samfylkingunni hafi staðið við þau fyrirheit.

Eða er bara í góðu lagi að svíkja kosningaloforðin eins og venjulega. 

[Óskar Helgi Helgason (IP-tala skráð) 9.9.2010 kl. 02:16]

Komið þið sælir; Magnús nafni - og aðrir gestir þínir !

Vil byrja á; að taka undir, með Sigurði, alfarið.

Hverju; skrökvaði Alvar, á fundinum, Magnús minn ?

Reyndu nú; að svara okkur, án flokks klædds málskrúðs, Kópavogsbúi góður.

Með kveðjum; vestur yfir fjallgarð /

Óskar Helgi 

[Geir Ágústsson, 9.9.2010 kl. 07:12]

Vont er að verða verra, miklu verra, og ef stjórnmálamenn ætla sér á annað borð að vinna fyrir kaupinu sínu þá verða þeir að vinna fyrir kaupinu sínu en ekki í sífellu tala um það hvernig aðrir unnu fyrir sínu, fyrir mörgum misserum síðan.