Hvað gengur Guðlaugi til?!

Á að koma einhverju óorði á andstæðinga Hannesar Hólsteins eða reyna að ráðast að starfsheiðrí Stefáns Ólafssonar.

Hverskonar spurningar eru þetta um núverandi eða fyrirverandi háskólakennara. Hvaða máli skiptir hvar þeir vinna. Og af hverju er svona áríðandi að fá þessi svör. Skv. því sem Guðlaugur segir er hann að leita eftir því að koma einhverju á Stefán Ólafsson, Sigurbjörgu Siggeirsdóttur og Þórólf Matthíasson. Bendi mönnum á að lesa svar Jóhönnu en þar segir m.a.

Fyrrgreind fyrirspurn, í sinni upprunalegu mynd, barst forsætisráðherra 15. október sl. Var
þá spurt um kostnað ráðuneyta við aðkeypta þjónustu, ráðgjöf og sérverkefni starfsmanna félags- og mannvísindadeildar Háskóla Íslands á tímabilinu maí 2007 til maí 2010. Leit
ráðuneytið svo á að hér væri bæði spurt um verkefni núverandi og fyrrverandi starfsmanna
deildarinnar á tímabilinu. Til að unnt væri að svara fyrirspurninni óskaði ráðuneytið eftir því
við Háskóla Íslands að hann útvegaði ráðuneytinu lista yfir núverandi og fyrrverandi starfsmenn deildarinnar á framangreindu tímabili enda væru þær upplýsingar ekki aðgengilegar ráðuneytinu með öðrum hætti og ber í því sambandi að hafa í huga að starfsmannalisti deildarinnar sem birtur er heimasíðu Háskóla Íslands tilgreinir aðeins núverandi starfsmenn.
Var forseta Alþingis og fyrirspyrjanda tilkynnt um þessa málsmeðferð og jafnframt að þetta
mundi óhjákvæmilega leiða til einhverra tafa á því að unnt væri að svara fyrirspurninni enda
ekki unnt að kalla eftir svörum úr einstökum ráðuneytum fyrr en starfsmannalistinn lægi
fyrir. Hinn 11. nóvember 2010 barst ráðuneytinu bréf frá Alþingi þar sem tilkynnt var um breytingu á fyrirspurninni þess efnis að nú væri einungis spurt um núverandi starfsmenn félags- og mannvísindadeildar. Hinn 16. nóvember barst ráðuneytinu á ný bréf frá Alþingi þar sem tilkynnt var um að fyrirspurnin hefði verið prentuð upp á ný og nú með þeirri breytingu að spurt væri um starfsmenn alls félagsvísindasviðs Háskóla Íslands en ekki einungis starfsmenn félags- og mannvísindadeildar eins og áður. Þann 24. nóvember barst ráðuneytinu síðan enn aftur tilkynning frá Alþingi um að fyrirspurnin hafi verið prentuð upp í þriðja sinn, þá með breytingum að því er varðar tímabilið sem spurt er um.

Nú er það kannski spurningin sem maður veltir fyrir sér. Finnst sjálfstæðisflokki ekki eðlitlegt að leitað sé til þeirra sem starfa í viðkomandi deild háskólans? Eru þetta fólk sem allt er með mikla menntun á sínu sviði ekki til þess bært að ráðleggja ríkisstjórn og ráðuneytum.

Nú voru spurningar Guðlaus svona:

Fyrirspurnin hljóðar svo:

. Hvernig skiptist kostnaður ráðuneyta við aðkeypta þjónustu, ráðgjöf og sérverkefni núverandi starfsmanna félagsvísindasviðs Háskóla Íslands á tímabilinu maí 2007 til nóvember 2010?

2. Hvernig skiptist framangreindur kostnaður eftir einstökum sérverkefnum, þjónustu og ráðgjöf milli 

núverandi starfsmanna félagsvísindasviðs Háskóla Íslands og/eða félaga þeirra?

Sakar forsætisráðherra um að leyna upplýsingum

Athugasemdir

[Guðmundur Júlíusson, 19.12.2010 kl. 00:01]

Þú meinar væntanlega : Hólmsteins !! ekki satt?

[Hólmfríður Bjarnadóttir, 19.12.2010 kl. 16:26]

Sjálfstæðismönnum hefur verið sérlega annt um að rægja Stefán Ólafsson af þeirri einföldu ástæðu að hann fer með rétt mál og að hann setur sína útreikninga fram á skýran og einfaldan hátt svo almenningur skilur hvað hann er að meina. Man vel eftir þætti á Sjónvarpi þar sem Árni Matthísen þá fjármálaráðherra þrætti við SÓ um það hvort skatta hefðu hækkað eða lækkað í stjórnartíð Íhalds og Framsóknar. Stefán stóð á sínu (sem var rétt reiknað) þó Árni reyndi allt sem hann gat til að þvæla málið.