Jónas Kristjánsson er með þetta

Alveg er ég hjartanlega sammála Jónasi Kristjánssyni þegar hann segir:

Gladdist áðan, þegar ég sá, að Mörður Árnason skerti málfrelsi Vigdísar Hauksdóttur. Mörður er formaður umhverfisnefndar Alþingis og hefur þurft að þola málæði Vigdísar. Í morgun tók svo steininn úr, þegar Mörður hastaði á Vigdísi og hún stökk á dyr. Sendi síðan bréf um úrsögn úr nefndinni. Þetta er aldeilis frábært. Ég skil ekki, hvers vegna Mörður er ekki meira í trúnaðarstörfum fyrir Samfylkinguna. Samskipti hans og Vigdísar eru til fyrirmyndar samkvæmt þessu. Mættu forsetar Alþingis læra af honum. Mörður er maðurinn, sem getur skrúfað niður í víðfrægu málæði Vigdísar Hauksdóttur.

Hef jú oft reyfað álit mit á henni sem þingmanni.

Vigdís getur ekki unnið með Merði

Athugasemdir

[Benedikt V. Warén, 15.2.2011 kl. 14:25]

Þið Jónas ættuð að lesa eftirfarandi:

Innlent | mbl | 15.2.2011 | 14:04

Mörður Árnason, þingmaður Samfylkingarinnar, kvaddi sér hljóðs í upphafi þingfundar á Alþingi í dag og sagðist hafa skrifað Vigdísi Hauksdóttur, þingmanni Framsóknarflokksins, bréf og beðið hana afsökunar á harðneskjulegri fundarstjórn á fundi umhverfisnefndar þingsins í morgun.

Vigdís gekk af fundi nefndarinnar í morgun ásamt Birgittu Jónsdóttur, og skrifaði síðan Ástu Ragnheiði Jóhannesdóttur, forseta þingsins, að hún segði sig úr nefndinni vegna samstarfsörðugleika við Mörð Árnason, formann nefndarinnar.

Mörður sagðist vona að Vigdís endurskoðaði þá ákvörðun sína að segja sig úr nefndinni.

[Eiður (IP-tala skráð) 15.2.2011 kl. 17:04]

 Eina fólkið,sem virðist geta  unnið með Vigdísi Hauksdóttur, eru skötuhjúin í  Útvarpi Sögu

[Helga Kristjánsdóttir, 16.2.2011 kl. 00:47]

 Af því hún er heil og sönn!!