Já kjósum bara!

Það eru um 90% þjóðarinnar með aðgang að netinu. Ef að þjóðin í heild væri á því að fella þennan Icesave samning þá hefði stærri hluti en 37 þúsund skrifað undir. Það má segja að um 190 þúsund kusu að skrá ekki nöfn sín undir þessa ósk til forsetans. Og því færi ég rök fyrir því að meirihluti þjóðarinnar vill klára þetta mál. Og kannski er nauðsynlegt að greiða um það atkvæði en mikið lifandis skelfing á þetta eftir að gera okkur erfitt fyrir í framtíðinni. Þannig má færa rök að því að allir stærri framkvæmdir hér tefjist í það minnst í hálft ár eftir ákvarðanatökur því það þau mál fara eðlilega í þjóðaratkvæði. T.d. virkjunarframkvæmdir, leyfi fyrir stóriðju. Hin ýmsu lög líka. Þannig að eftir að Alþingi hefur tekið ákvörðun um stór mál og sett lög þá safnar fólk undirskriftum og fella þessi lög. Nokkuð ljóst að forsetinn er búinn að missa stjórn á þessu ef að þessi lög verða feld. Auk þess verður stjórnin að segja af sér væntanlega. Og þannig verður þetta þar til búið er að breyta stjórnarskrá.

En kjósum bara. Held að almenni Íslendingurinn átti sig á að muninum á að hafa þó samning um hvernig fara á með Icesave eða þá að hafa þessi mál í algjörri óvissu næstu árin.

Skorar á forsetann

Athugasemdir

[Þórir Kjartansson, 18.2.2011 kl. 21:48]

Alveg sammála Magnús.  Forsetinn er kominn í algerar ógöngur með þetta. 

[Emil Hannes Valgeirsson, 18.2.2011 kl. 22:13]

37 þúsund er enginn sérstakur fjöldi miðað við hversu auðvelt er að ná til fólks í dag. Síðustu daga opnaði maður varla netið öðruvísi en að skorað væri á mann að skrifa undir - eða réttara sagt slá inn nafn sitt, því enginn skrifar í raun undir neitt.

[Björn Ragnar Björnsson, 19.2.2011 kl. 01:31]

Já "right" Emil. Það er minnsta mál að ná í tugþúsundir undirskrifta af því að fólk er fífl eða hvað.  Sýndu að fullyrðing þín eigi við nokkur rök að styðjast!

[Emil Hannes Valgeirsson, 19.2.2011 kl. 10:05]

Það ER auðveldara að ná til fólks í dag til að skrifa undir áskoranir, miðað við það sem var fyrir tilkomu netsins, facebook og bloggssíðna. Óþarfi að blanda fíflaskap í málið.