Fólk skammaði mig hér einhverntíma í nóvember þegar ég var eitthvað að tjá mig um líkamsrækt sem byggðist á súludans og mér fannst það niðulægjandi aðferð við líkamsrækt sem byggði á aðferðum súlustaða. Þannig að ég ætla ekkert að segja um þessa frétt af www.visir.is 

 

Vísir, 02. feb. 2007 20:30

Líkamsræktarstöð fyrir nakið fólk

Hollendingar munu brátt geta lyft lóðum án íþyngjandi leikfimisklæðnaðar en í bænum Heteren í Hollandi mun líkamsræktarstöð fyrir nakið fólk opna á sunnudaginn kemur.

Líkamsræktarstöðvareigandinn Patrick de Man sagði að hann hefði fengið hugmyndina þegar að sumar líkamsræktarstöðvar fóru að bjóða upp á tíma í súludönsum. Hann sagðist þá hafa hugsað með sér „Því ekki að fara einu skrefi lengra?" og ákvað að banna hinn íþyngjandi líkamsræktarklæðnað.

Fólkið sem mætir í stöðina mun þó þurfa að setja handklæði á æfingatækin fyrir notkun og verða þau síðan sótthreinsuð eftir hverja notkun.

Aðeins eitt vandamál er í augsýn. Bernd Huiser, formaður Náttúrulegafélags Hollendinga, sem er félag nektarunnenda, sagði að flestir félagsmenn vildu frekar vera klæddir í ræktinni. Það væri helst úti við sem þeir vildu vera naktir. Hann sagði þó að félagið, sem hefur 70.000 meðlimi, myndi fylgjast grannt með þróun mála í nýju nektarlíkamsræktarstöðinni.

Athugasemdir

[Ester Júlía, 2.2.2007 kl. 21:57]

"íþyngjandi líkamsræktarklæðnað" . Hann verður seint talin íþyngjandi líkamsræktarklæðnaðurinn..ekki nema þá helst fyrir budduna.  Ætli þjálfararnir séu þá líka naktir ?  Maður ætti kannski að sækja um vinnu ? ..

[Magnús Helgi Björgvinsson, 2.2.2007 kl. 22:43]

Hef nú einhvernveginn þá tilfinningu að maður væri svo upptekinn af því að sótthreinsa tækinn að það yrði aðal líkamsræktin.