Björn Bjarnason heldur áfram að skjóta á Útvarp Sögu og færist í aukana!

Þetta fer að verða skemmtilegt. Maður les bloggið hans Björns og hlustar daginn eftir á Arnþrúði Karsl á Útvarpi Sögu öskureiða.

Nú segir Björn:

Tvisvar hef ég notað heitið niðstöng nútímans um útvarp Sögu hér á síðunni í tilefni af því, hvernig stöðinni var beitt gegn Margréti Sverrisdóttur í varaformannskjöri frjálslyndra. Sverrir Hermannsson, stofnandi Frjálslynda flokksins og faðir Margrétar, ritar grein um ill örlög flokksins í Morgunblaðið í dag. Þar minnist hann á þessa sérkennilegu útvarpsstöð og kallar hana útvarp Lygasögu.

Sendingar í útvarpi Sögu fara fram hjá mér en mér er sagt, að Arnþrúður Karlsdóttir, eigandi stöðvarinnar, flytji hverja skammarræðuna eftir aðra yfir mér á stöðinni og þeir Sigurður G. Tómasson og Guðmundur Ólafsson taki einnig syrpur í sama dúr. Allt er þetta líklega undir sömu formerkjum og annað á þessari makalausu stöð - óhróður af þessu tagi höfðar vafalaust til einhverra en Sverrir Hermannsson segir, að þeir, sem stöðin studdi í valdabaráttunni innan Frjálslynda flokksins hafi kostað starfsemi stöðvarinnar þá daga með auglýsingum. Þetta er sem sagt allt á sömu bókina lært.

En þetta er náttúrulega dómsmálaráðherra landsins og spurning hvort hann sé ekki komin langt út fyrir það sem eðlilegt er að maður í slíkri stöðu láti frá sér.

Athugasemdir

[Heimir Lárusson Fjeldsted, 4.2.2007 kl. 11:45]

Dómsmálaráðherra hlýtur að mega svara skítkasti og rógi þótt á öðrum vettvangi sé.

Stundum vilja þau ekki ræða um fjarstadda, en það er greinilegt að ekki er sama hver maðurinn er.

[Magnús Helgi Björgvinsson, 4.2.2007 kl. 11:51]

Ég hefði nú haldið að dómsmálaráðherra mætti ekki beita sér svona leynt og ljóst gegn einkafyrirtæki. Hann dylgjar um fjármögnun og fleira. Hann gæti komist í stórkostleg vandræði ef að stöðin kærir hann fyrir atvinnuróg.

Útvarp Saga fór nú ekki að tjá sig um hann fyrir en þau svöruðu fyrir þessa níðstangar umræðu hans.

Það verður að gæta að því að hann er æðstimaður dómsmála hér á landi og því gætu hugsanleg dómsmál þar sem Útvarp Saga kæmi að spillst.