Svo segja hér "Nei" spekingar að fyrirtæki hafi ótakmarkaðan aðgang að lánsfé!

Nú heyrum við af Orkuveitunni. Í síðustu viku heyrðum við frá Landsvirkjun sem jú fá lánsloforð en þau eru skilyrt við fjármögnun og Icesave. Svo getum við nefnt Hafnafjörð og fleiri bæjarfélög sem er boðið upp á lán með 7% vöxtum.

Reynið svo að segja að það skipti ekki máli að leysa úr málum eins og Icesave sem sannarlega hefur valdið því að hér eru líkur á að lánshæfi landsins fari algjörlega í ruslflokk.

Bendi fólki á lesa þennan pistil eftir Andra Geir Arinbjarnarson þar segir hann m.a.

Ef Icesave verður fellt má búast við að vaxtakrafan á erlend lán (ný, framlengd og endurfjármögnuð) til íslenskra aðila muni hækka enn frekar.  Til að mæta slíkri hækkun þarf að hækka skatta og gjöld (t.d. gjaldskrá OR), skera niður og takmarka launahækkanir (eða flytja úr landi eins og Össur).  Þá þarf að styrkja gjaldeyrisforðann og það verður varla gert nema með enn meiri höftum.  Innflutningshöft munu verða rædd, sérstaklega á lúxusvörur.  En ef það dugar ekki til og höft, skattar og niðurskurður eru orðin of sársaukafull er til leið sem verður næstum ómótstæðileg og það er að “þjóðnýta” erlendar eignir lífeyrissjóðanna. 

Og lesið svo áfram í pistlinum hvernig að fyrirmynd Lilju Mósesdóttur Argentína fór í eignir lífeyrissjóða Argentínubúa.

Vilja ekki lána Orkuveitunni

Athugasemdir

[Sveinn Úlfarsson (IP-tala skráð) 28.3.2011 kl. 13:05]

Þvílíkt bull, þú ert kominn í ruslflokk með svona rakalausu bullbloggi.

Orkuveitan fær ekki lán vegna fjármála óstjórnar á liðnum árum og er skuldastaða fyrirtækissins komið niðurfyrir velsæmi og í ruslflokk.

Landsvirkjun er alla ekkert háð Icesave í sínum fjármögunum það er enn ein Já sinna lýgin.

[Magnús Helgi Björgvinsson, 28.3.2011 kl. 13:55]

Af www.eyjan.is  21 mars:

Landsvirkjun og Evrópski fjárfestingarbankinn, EIB, skrifuðu í dag undir nýjan lánasamning að fjárhæð 70 milljónir evra eða að jafnvirði um 11,3 milljarðar króna. Lánið er þó háð því skilyrði að Icesave-samningarnir við Breta og Hollendinga verði samþykktir í þjóðaratkvæðagreiðslunni 9. apríl.

Forstjóri LV á www.visir.is

Forstjóri Landsvirkjunar segir ljóst að Icesave-deilan sé enn að tefja fjármögnun Búðarhálsvirkjunar. Ef deilan leysist ekki þá verði lánin mjög óhagstæð og styttri.

[Jóhann Elíasson, 28.3.2011 kl. 14:01]

Magnús, Ices(L)ave hefur engin áhrif á fjármögnun OR heldur er það bullið og kjaftæðið í borgarstjóranum, sem kemur úr dótturflokki Landráðafylkingarinnar.

[Magnús Helgi Björgvinsson, 28.3.2011 kl. 14:07]

Æi greyin látið ekki svona. Þið vitið að lánshæfi bæði ríkisins og fyrirtækja hér er lægra en það ætti að vera vegna Icesave. Og vegna þess á orkuveitan líka erfitt með að fjármagna sig. Vissulega er þett líka rekstur Orkuveitunar sem veldur en Landsvirkjun er vel rekin en á samt erftitt með að endurfjármagna sig. Og sama er um öll sveitarfélög. Þeim býðst í dag um 7% vexti á lán sem þau taka.

[Ingibjörg Guðrún Magnúsdóttir, 28.3.2011 kl. 14:26]

Eitt er á hreinu Magnús Helgi og það er að þið já sinnar við Icesave og ESB eruð búin að grafa markvisst undan trúverðugleika Þjóðarinnar með þessum áróðri ykkar og er það að koma í hausin á okkur núna...

[Jóhann Elíasson, 28.3.2011 kl. 14:42]

Magnús, þessi orð virðast eiga vel við þig og marga aðra JÁ-sinna: "LIVING WITH EYES CLOSED IS EASY"............

[Guðmundur Ásgeirsson, 28.3.2011 kl. 15:52]

Magnús Helgi, þessar fréttir sem þú vitnar í frá Vísi og Eyjunni eru ekkert annað en lygar. Ég hringdi í Landsvirkjun og fékk staðfest hjá starfsmönnum þar að hvorugt lánið frá NIB eða EIB vegna Búðarhálsvirkjunar er með neinum skilyrðum um IceSave. Einu skilyrðin eru þau að takist að útvega 7 milljarða sem vantar upp á heildarfjármögnun, og að ríkissjóður hafi tiltekið lágmarkslánshæfismat. Hver sú einkunn á að vera er hinsvegar trúnaðarmál að kröfu EIB, og fullyrðingar um það því aðeins sögusagnir.

Ástæðan fyrir því að Orkuveitan fær ekki lán er hinsvegar mjög einföld. Borgarstjóri hefur lýst því yfir opinberlega að Orkuveitan sé gjaldþrota, en hvort það er rétt mat hjá honum eða ekki skal ósagt látið fyrst engin formlegur úrskurður um gjaldþrot er fallinn. Í ljósi þessara yfirlýsinga er samt engin furða þó OR fái hvergi lán og það hefur ekkert með IceSave að gera en allt með slæman rekstur og fjárhagsstöðu Orkuveitunnar að gera. Aftur á móti hefur borgarstjóri líka lýst því yfir að hann vilji borga IceSave, en það virðist samt ekki duga honum til að útvega lán...

En hefur enginn stoppað til að spyrja sig að því afhverju þessi áhersla er lögð á að taka erlend lán? Var það ekki einmitt það sem rústaði fjármálakerfinu hérna til að byrja með? Eru menn í alvöru svona vitlausir að ætla að láta teyma sig tvisvar ofan í sömu forarvilpuna?

Ef útlendingar vilja ekki lána okkur eiga Íslendingar frekar að gera það. Vaxtatekjurnar af þeim lánum myndu skila arði í þjóðarbúið í stað þess að streyma til útlendinga. Til dæmis væri hægt að ljúka fjármögnun Búðarhálsvirkjunar með 7 milljarða láni frá nýja Landsbankanum. Einhverntímann hefðu það þótt litlir peningar og verkefnið hlýtur að vera arðbært, vaxtatekjurnar af því myndu svo renna að hluta til skilanefndarinnar og standa undir greiðslum vegna IceSave. Allir vinna!

Og til að leysa vanda OR og þar með Reykjavíkurborgar, að þá var aðferð til þess kynnt fyrir meira en hálfu ári síðan, sem krefst engra erlendra lána og sparar um leið helling af peningum. Ennþá er beðið eftir viðbrögðum.

Ef hér væri fólk tilbúið að hlusta á lausnir í stað þess að velta sér endalaust upp úr vandamálunum, þá gætum við haldið áfram uppbyggingu og atvinnusköpun. Það sem stendur öðru framar í vegi fyrir því virðist vera landlæg fíkn í erlendar skuldir. Þessu þarf að útrýma, byrjum 9. apríl.

[Georg (IP-tala skráð) 28.3.2011 kl. 16:12]

Guðmundur Ásgeirsson.

Ert þú virkielga svo einfaldur að halda því fram að yfirlýsing borgarstjórans á Facebook hafi áhrif á lánshæfi OR. Það vandamál er svo miklu eldra, að það var orðið að veruleika löngu áður en Jón Gnarr varð borgarstjóri.... 

[Aðalsteinn Agnarsson, 28.3.2011 kl. 17:26]

Frjálsar handfæraveiðar leysa byggða, fátæktar og atvinnuvanda

Íslendinga, frelsi er allt sem þarf, ekki nýjar lántökur !

[NN (IP-tala skráð) 29.3.2011 kl. 20:58]

Lausnin á vanda Orkuveitunnar er augljós. Reykjavíkurborg á að bjóða einhverju þrotabúi bankanna 130 ma borgarábyrgð. Þá mun lánshæfismat stykjast og auðvelt verður fyrir Orkuveituna að fá hagstæð lán. Snilld!