Vilhjálmur Árnason heimsskekingur um Icesave

Vísir, 09. apr. 2011 06:45

Nei mun bitna á sjálfum okkur

Vilhjálmur Árnason skrifar:

Það var sorglegt að horfa upp á manninn á Álftanesi eyðileggja húsið sitt hér um árið til að ná sér niður á bönkunum. Ég fæ ekki varist þeirri tilhugsun að íslenska þjóðin, illa haldin af sorg og reiði eftir bankahrunið, muni með svipuðum hætti eyðileggja fyrir sjálfri sér, hafni hún Icesave-samningnum. Gremja landsmanna er skiljanleg og nú ætla margir að finna þessum tilfinningum útrás með því að segja nei í þjóðaratkvæðagreiðslu. En haldi menn að þar með bjóði þeir fjármálamönnum birginn er það misskilningur. Nei-ið er miklu líklegra til þess að stórauka vanda þjóðarinnar, auk þess sem það er siðferðilega óverjandi. Frá siðfræðilegu sjónarmiði virðist mér Icesave-málið vera einfalt.

Með neyðarlögunum var innistæðueigendum Landsbankans mismunað í grófum dráttum þannig að Íslendingar fengu allt sitt bætt, útlendingar ekkert. Samningurinn sem nú er kosið um dreifir byrðinni af því hörmulega máli á sanngjarnan hátt milli þeirra þriggja þjóða sem hlut eiga að því (auk þess sem eignir gamla Landsbankans munu líklega duga fyrir nær öllum hlut Íslendinga). Segjum því já við samningnum.

Tekið af www.visir.is  

Mjög mikill kjörsókn

Athugasemdir

[Marteinn Unnar Heiðarsson, 9.4.2011 kl. 12:02]

Fer ekki að koma tími til að senda vælubílinn til ykkar já-manna

[Ásgrímur Hartmannsson, 9.4.2011 kl. 12:16]

Hvað hefði Rawls sagt?

[Eyjólfur G Svavarsson, 9.4.2011 kl. 12:19]

Getur þú sagt mér í hverju mismununin er fólgin, Fall krónunnar kom niður á Íslendingum af ekki minni krafti. Frá siðfræðilegu sjónarmiði finnst mér Icesave málið vera einfalt. Almenningur borgi ekki skuldir einkafyrirtækja, það væri slæmt fordæmi!!! Svo ekki sé meira sagt!

[Björn Ragnar Björnsson, 9.4.2011 kl. 13:07]

Rawls hefði verið sáttur við neyðarlögin en ósáttur við að saklaus almenningur sé gerður ábyrgur. Þetta er það sem ég sé undir fávísisfeldinum. Leið Íslands með neyðarlögunum er á þann veg að næŕ sanngirni held ég að ekki verði komist. Ég mig grunar að engin annar hefði treyst sér í sanngirni af sömu stærðargráðu.