Fáránleiki stríðsátaka.

Þetta sýnir fáránleika hernaðar og stríðsátaka. Menn vita ekki einusinni hvað þeir eru að skjóta á. Hvað ef þetta hefði verið bílalest sem var að flytja börn. Menn skjóta bara á allt sem hreyfist.

Frétt af mbl.is

  Sun með myndband af árás Bandaríkjamanna á Breta í Írak
Erlent | mbl.is | 6.2.2007 | 12:52
Breska dagblaðið Sun hefur undir höndum myndbandsupptöku af loftárás bandarískra hermanna á bílalest breska hersins í Írak árið 2003. Breskur hermaður lést þegar skotið var bílalestina. Á myndbandinu heyrast samræður bandarísku hermannanna við stjórnstöð þar sem þeir segjast halda að bandamenn þeirri séu í bílunum en er sagt að skjóta á þá engu að síður.

Sun með myndband af árás Bandaríkjamanna á Breta í Írak

Athugasemdir

[Kristbjörg Þórisdóttir, 6.2.2007 kl. 19:34]

Hæ Maggi,

held að þetta lýsi vel þeirri firringu sem ríkir í stríðsástandi og hvernig fólk missir alla samvisku og skynsemi í slíku ástandi. Þetta hefur verið sannað eins og þú þekkir eflaust í rannsókn þar sem fólk var tilbúið til þess að gefa samborgara banvænt raflost þrátt fyrir að heyra það emja aðeins vegna þess að "yfirvald" gaf þessa fyrirskipun. Fólk virðist missa alla skynsemi, ábyrgðartilfinningu og vit í svona hörmulegum aðstæðum og bíður þess aldrei bætur.

[Magnús Helgi Björgvinsson, 6.2.2007 kl. 23:11]

Enda brá mér við þær fréttir að Bretar af öllum þjóðum hafi verið að senda 17 ára krakka til Íraks. Jú ég er meira segja búinn að sjá heimildarmyndir um þetta sem og þegar nemar í háskóla tóku þátt í tilraun þar sem þeir gengu í hlutverk fanga og fangavarða og eftir nokkra daga var ógeðslegt hvað menn þróðuðust út í að gera hvor öðrum.