Vantar í þessa frétt - Eftirfarandi

Hvað þyrftu laun Lögreglumanna að hækka til að ná þróun launavísitöl opinberra starfsmanna? Þ.e. úr 131 stigi upp í 142 stig. Og eins hvernig munurinn væri ef að úrskurður gerðadóms tekur gildi? Þ.e. þessi hækkun og þessar 15 þúsund krónur sem þeir áttu að fá í álagsgreiðslur. Kröfur um yfir hundrað þúsund krónu hækkun er náttúrulega ekki raunhæf núna. En það væri gaman að vita hvað hækkunin þyrfti að vera til að ná þessu bili sem lögreglan telur vera á þróun þeirra launa og annarra. 

Eins vantar útfærslur á því hvernig ríkið myndi bregaðst við miklum hækkunum. Myndi það gera enn ríkari hagræðingarkröfur á lögregluna í heild. Til að halda sig innan ramma fjárlaga sem eru með miklum niðurskurði. 

Finnst að nú verði fjármálaráðuneyti að setjast niður og reikna sig niður á eitthvað tilboð til lögreglumanna sem kæmi þá ofan á þennan gerðadóm. Eitthvað tímabundið fram að næstu kjarasamningum. Það fer í taugarnar á öllum þetta óvissuástand.  Síðan finnst mér að fjölga eigi lögreglumönnum og þá aðallega í þeim hóp sem er mest á götunum. Og þá um leið að leggja áherslu á að skera niður yfirvinnu hjá þessu fólki. Því yfirvinna undir slíku álagi er ekki góð fyrir andlega og líkamlega líðan þessa fólks. Því fleiri lögreglumenn þýðir væntanlega minni þörf á afleysingum við veikindi og forföll.  Miða sem mest við að menn vinni bara 40 stunda vinnuviku. 

Launin hífð upp með yfirvinnu og álagi