Afhverju er fær Einar Guðfinnsson að tjá sig um allar fréttir um útgerð í Mogganum?

Afhverjur var Einar ekki spurður út í hvað hann á við með hóflegt gjald? Og hvaða kjaftæði er þetta í honum með að litlar útgerðir fari illa út úr gjaldtöku. Nú erum við að tala um fisk sem rétt er kominn í kvóta. Og í uppsjávarveiðurm held ég að sé ekki nein lítil útgerð. Og væri bara ekki sjáfsagt að við fengjum í gjald að þessu kvóta svipað og hann verðleggs á markaði. Þ.e. að við fengjum jafn mikið og útgerðir eru tilbúnar að kaupa hann á á markaði?

Gjaldtaka dregur úr arðbærni

Athugasemdir

[Ragnar Gunnlaugsson, 30.10.2011 kl. 20:42]

En af hverju fær Ólína Þorvarðard. endalaust að tjá sig um sjávarútveg í RÚV,sem ekki hefur hundsvit á sjávarútveg.

[Ásthildur Cesil Þórðardóttir, 30.10.2011 kl. 21:03]

Af því að hann er innundir hjá Mogganum rétt eins og Samfylkingarfólk er innundir hjá Fréttablaðinu og Eyjunni.  Nefndu mér hlutlausan miðil, þeir eru nefnilega afar fáir.  En það fer bara í taugarnar á þeim sem eru pólitískt á annari línu sem kvarta yfir þessu.

[Jón Steinar Ragnarsson, 30.10.2011 kl. 21:25]

Svarið við fyrirsögninni er þetta: Þetta er opinn miðill og hér ríkir málfrelsi.

Illu heilli að ykkar mati væntanlega. Finnst þér að hann ætti ekki að fá að tjá sig um þetta Magnús?

[JR (IP-tala skráð) 30.10.2011 kl. 21:28]

Er það ekki eftir öðru hjá sjálfstæðismönnum ?

Reyndan úr útgerð eða hvað ?

Jú, Einar er sönnun þess að þegar erfingjar fá allt upp í hendurnar , þá kunna þeir ekkert með það fara !

Hvar er fjölskyldu fyrirtækið úr Bolungarvík ?

Mogginn gæti auðvitað sagt okkur hvaða afrek það var að koma útgerðarfyrirtækinu  Einari Guðfinnssyni áhausinn ?

[Axel Jóhann Hallgrímsson, 30.10.2011 kl. 21:52]

Undarlegt er að útgerð Einars Guðfinnssonar, afa vitringsins, skyldi fara lóðbeint til andskotans eftir að 3ja kynslóðin kom að rekstrinum, með allt þetta vit og þekkingu innan ættar.

[Hrafn Arnarson (IP-tala skráð) 30.10.2011 kl. 22:47]

Ég vil benda þeim sem hafa ekki fengið nóg af Einari K Guðfinnssyni aðhann er með þátt á INN.is um sjávarútvegsmál.Hann hefur rætt við marga sérfróða menn um málefni greinarinnar;http://inntv.is/Horfa_%C3%A1_%C3%BE%C3%A6tti/Einar%20Kristinn%20og%20sj%C3%A1var%C3%BAtvegur

[Hrafn Arnarson (IP-tala skráð) 30.10.2011 kl. 22:49]

Umsögn um þættina:"Heiðarleg,opin og stórfróðleg umræða ."

[Ásthildur Cesil Þórðardóttir, 30.10.2011 kl. 22:55]

Já skömm þessa manns  er mikil. Hann stóð á borgarafundi fyrir kosningar fyrir margt löngu og lofaði fólkinu á Ísafirði að hann skyldi sjá til þess að smábátaflotinn yrði ekki settur í kvóta, síðan varð hann formaður sjávarútvegsnefndar og hvað gerðist.... ef þessi maður er að tala um svik... þá er ég grænkál.

[Gunnar Th. Gunnarsson, 30.10.2011 kl. 23:15]

Einar er fyrv. sjávarútvegsráðherra til margra ár. Það er ekkert skrítið að orð hans um sjávarútveg veki athygli... í Mogganum sem og annars staðar.

[Ásthildur Cesil Þórðardóttir, 30.10.2011 kl. 23:27]

Nei auðvitað ekki og  ekki sakar að sjónarmið hans eiga vel upp á pallborð Sjálfstæðisflokksins og Morgunblaðsins.

[Aðalsteinn Agnarsson, 31.10.2011 kl. 00:37]

Þegar þjóðin fær 100 krónur eða meira í leigu fyrir hvert þorskkíló,

þá mun hún ekki sætta sig við 170.000 tonna þorskafla af auðugustu

fiskimiðum heims.

[Gunnar Th. Gunnarsson, 31.10.2011 kl. 03:25]

Nei Ásthildur, það sakar ekki

[Ragnar Gunnlaugsson, 31.10.2011 kl. 11:29]

Spurningin er hver gerði makrílinn sem gengur nú í íslenska landhelgi svona veðmætan að hann skilar nú um 33 miljörðum, voru það afdankaðir mentaskólarektorar eða prófesorar við háskólan. Ætli það hafi ekki verið útgerðin og sjómenn sem náðu að nýta þessi verðmæti.   Vill fólk virkilega hverfa til þeirra tíma að sjávarútvegur var styrktur verulega af ríkisjóði eins og var gert árin á milli 1950-1960,auðvitað verður hann þá komin í sömu stöðu og sjávarútvegur ESB landa og víðar.

[Ásthildur Cesil Þórðardóttir, 31.10.2011 kl. 11:34]

Ekki blanda saman sjómönnum og útgerðarmönnum, allt annar handleggur, hvað þá stórútgerðarmönnum.  Þeirra hagur fer ekki saman við hag sjómanna, nema að því leyti að þeir græða á því að sjómenn séu duglegir við veiðar. 

Óréttlætið felst m.a. í því að meðan sjómenn og landverkamenn sátu eftir með sárt ennið, fengu útgerðarmenn fiskinn á silfurfati.  Þó höfðu þeir lagt alveg jafn mikið af mörkum til þjóðarbúsins og þeir sem áttu veiðitækin.

[Ragnar Gunnlaugsson, 31.10.2011 kl. 11:49]

Ásthildur. Jú ég tel sjómanninn eins mikilvægan útgerðinni eins og útgerðin er mikilvæg sjómanninum þetta er samvinna um að skapa atvinnu og verðmæti fyrir sjálfan sig og ekki síður þjóðarbúið og borga skatta og skyldur eftir afkomu hverju sinni.

[Ásthildur Cesil Þórðardóttir, 31.10.2011 kl. 13:15]

Að vissu marki er það rétt.  En hvað með landverkafólkið? Þegar útgerðarmenn geta tekið aflaheimildir burt úr heilu byggðalagi og skilið eftir sviðna jörð.  Ekki geta heldur allir sjómenn fylgt kvótanum eftir, því margir þeirra búa í húsum sem verðhrundu þegar kvótinn hvarf og eiga börn og buru á þeim stað sem þeir ákváðu að eyða ævinni á. 

Þetta óréttláta kerfi er líka gegn stjórnarskránni, þó ráðamenn vilji ekkert gera til að bæta þar um.  Og hvað með alla sjómennina sem neyðast til að leigja rándýran kvóta af greifum, sem ekki þurfa að hafa fyrir að veiða hann.  Það segir sig sjálft að þetta getur ekki gengið réttlætislega séð.