Væri nú ekki gott að fá að vita hverju þetta fólk er að mótmæla?

Maður hefur aðeins fylgst með þessum mótmælum í New York en finnst að þar tali fólk mörgum tungum. Manni skilst að þeir séu að mótmæla veldi fjármagnseigenda. En finnst að fólk sem er að mótmæla megi nú alveg kynna hvað þau vilja í staðinn.

• Vilja þau að bankar hætti að lána peninga? Hvaða kerfi vilja þau fá í staðinn? T.d. hvernig á fólk að kaupa hús, bíla og fleira? Með vöruskipum? Vinnuskiptum? Hvað vill fólk?
• Vill fólk að fjármálamörkuðum séu sett strangari reglur? Ekkert að því og þó fyrr hafi verið.
• Eru þau á móti einkareknum bönkum? Eða að bankar hagnist á útlánum? En þá yrðu náttúrulega engir bankar því að af hverju ættu innlánseigendur að leggja inn fé í banka af að engin ávöxtun yrði á þeim þar. Og bankar fá jú ávöxtun á sitt fé með því að lána þá út með vöxtum.
• Eru þau á móti hlutabréfamörkuðum? Ég persónulega er á móti allir þeirri spákaupmennsku sem er í gangi í heiminum. Þ.e. einhverjir vitlausir "sérfræðingar" t.d. sem áætla um Olíu birgðir í USA geta hækkað og lækkað verð á olíu í heiminum um háar upphæðir sem síðar kemur í ljós að var bara bull.
• Eru þau að mótmæla atvinnuleysi. Nú hvernig vilja þau að það verði leyst ef þau á sama tíma eru að berjast gegn þeim sem hafa fé til að fjárfesta

En kannski aðalástæðan sem ég velti fyrir mér:

• Er þetta kannski bara fólki sem leiðist vill gera eitthvað spennandi og helst að komast í umræðuna og í fjölmiðla og það birtist myndir af þeim? Því að þegar ég heyri viðtöl við þau þá hafa þau ekkert uppbyggilegt að segja. Þau tala í frösum sem þau hafa enga hugmynd um hvað þýða og gleypa hrátt upp eftir einhverjum öðrum. Húgmyndir að lausnum eins og:

• Ríkið verður bara að skaffa þetta og hitt. En ríkð það erum bara við skattgreiðendur.
• Ríkið verður bara að lækka lánin. En Ríkið á ekki öll lán og stofnanir sem Ríkð á jú eins og Íbúðarlánasjóður þarf þá peninga í staðinn því hann skuldar nærri allt sem hann lánar áfram til einstaklinga.
• Lífeyrissjóðinir er í umræðunni eins og vondir fjármagnseigendur þó ljóst sé að þar eru bara sjóðior okkar sem leggjum í þá og þeir missa eigur sínar hjá Íbúðalánsjóð og útlán til fólks þá verður að skerða greiðslur úr þeim sem eykur á það fé sem við þurftum að borga í gengum Tryggingarstofnun.

Gæti haldið áfram lengi. Ég er náttúrulega á móti þeim áhrifum sem fjármagnið hefur hér á landi. T.d. hægt að benda á að LÍÚ á stóran hluta þingmanna ákveðinna flokka sem vinna krefisbundið gegn því að við fáum eðlilega rentu fyrir auðlind okkar. Og verja kerfið fram í rauðan dauðan. Finnst ömurlegt að horfa hér upp á allskona valdablokkir ráða hér öllu.  Þarf að setja hömlur á uppsöfnun valds hér í krafti auðs. Og skipta honum jafnar. Þetta er þó hafið með því að skattleggja ofureignir, þrepaskiptum tekjuskatti. Stífari lögum og reglum, sem má enn bæta og svo framvegis.

En um leiðir og markmið mótmælenda veit ég ekkert um og það sem ég hef heyrt er óraunhæft, óskýrt og óframkvæmalegt.

Gistu á Austurvelli