Ef að gjaldmiðillinn [krónan] er eins og hitamælir.......

Þá er ljóst að Íslensk stjórnvöld hér á landi hafa ekki ráðið við það að halda úti sjálfstæðri peningastefnu frá upphafi. Krónan hefur þá skv. því að hún sé hitamælir lækkað um 99,9%. Og þetta á við nær alla stjórnmálamenn sem hafa komist til valda og lýst yfir að þeir ætluð sko að beita aga og aðhaldi. Svo segja sérfræðingar að örhagkerfi sé dæmt til að vera hávaxtasvæði til að koma í veg fyrir peningaflótta. Hér hafa verið höft í í 70% af líftíma krónunar til að koma í veg fyrir útstreymi gjaldeyris. Og fram til 1990 þá höfðu verið hér samfellt höft í marga tugi ára. Höftum var aflétt í um 20 ár með hörmulegum afleiðingum í lokin og hafa nú verið í 3 ár. Hér eru 2 krónur verðtryggð og óverðtryggð. Ef ekki væru verðtryggingar værí hér allt á hliðinni vegna hárra vaxta sem koma vegna verðbólgu. Svo ég held að ef að krónan sé hitamælir þá þurfum við að fá okkur nýjan mæli.

Eigum að halda í krónuna

Athugasemdir

[Guðmundur Ásgeirsson, 13.11.2011 kl. 16:17]

Þegar mælirinn er alltaf skakkur vegna þess að allt of miklu kvikasilfri er dælt inn í hann, þá er það ekki mælirinn sem er vandamálið heldur hegðun þeirra sem eiga að gæta mælisins og lesa af honum. Ef sú hegðun er óbreytt skiptir engu máli hvað mælirinn heitir, ef hann er alltaf skekktur hvort sem er.

Samlíkingin við þessa "kvikasilfursinnspýtingu" er auðvitað verðtrygging á lánum heimila sem þenur út eignir fjármálakerfisins, en frestar sjálkrafa afleiðingunum fyrir hagkerfið þannig að enginn mælir nemur þau fyrr en allt of seint þegar allt er komið í óefni og eina ráðið er gengisfelling, kjaraskerðing, bankahrun, eða eitthvað sambland af öllum þremur og fleiri hörmungum.

Samskonar samlíking virkar líka fyrir massífa peningaprentun beggja vegna Atlandshafs, peningar sem eru jafnharðan notaðir til að greiða skuldir prentsmiðjunnar. Ég væri líka alveg til að geta borgað mínar skuldir með því sem kemur út HP Photosmart bleksprautuprentaranum mínum...

Lykill að gjaldmiðilsstöðugleika er ábyrg peningastefna. En ég hef aldrei séð dauða hluti eins og pappírsmiða og málmskífur taka sjálfstæðar ákvarðanir. Ekki frekar en nokkur maður hefur séð peninga "vinna", ég veit til dæmis ekki um neinn skurð sem var grafinn af evrum eða vegg sem var reistur af dollurum, heldur aðeins verkamönnum. Peningastefna er ákveðin og framkvæmd af starfsmönnum í bankakerfinu, ekki gjaldmiðlinum sjálfum.