Ekki veitir af

Þegar heil samtök eru búin að fá að messa hér nær einráð í 3 ár!! Og aðal pretikarar hennar eru stráklingar og aflóga stjórnmálamenn sem láta stjórnast af heimóttalegri sérhagsmunagæslu og hræðslu við allt nýtt, er full þörf á að fá að heyra hina hliðina á málum.

Svo finnst manni það svo barnalegt að Ásmundur skuli starfa þannig að gleypa upp setningar sem hann skilur ekki eftir öðrum og fara með þær á torg. T.d. nú þegar hann stillir Heimssýn upp í samanburði við ESB. Nú t.d. er Heimssýn ekki að semja við ESB til að byrja með. ESB er ekki að reyna að yfirtaka Ísland enda er ESB ekki ríki heldur samstarf ríkja. Svo þegar Ásmundur slær um sig með "djúpri aðlögun" þá bara æli ég. Henn getur aldrei nefnt nein dæmi um það þegar hann er spurður. 

„Gegndarlaus áróður ESB"

Athugasemdir

[Bull (IP-tala skráð) 21.1.2012 kl. 16:21]

Ef að Ísland gengur inní ESB þá er það staðreynd að við verðum gleymd einsog padda undir skósólinum á ESB vélinni. Á þeirri stundu breytumst við úr Ísland yfir í tölfræði og ESB mun mjólka þetta land einsog þeir geta. Af hverju í ósköpunum haldiði að ESB vilji fá okkur annað en að hagnast á okkur ??!?!?!

Þeir hafa þegar hótað löndum einsog Grikkland og Írland og ekki erum við Íslendingar í mikið betri stöðu en þau. Því er bersýnilega ljóst að ESB sé e-ð gullegg hérna á Íslandi og ætlar sér klárlega að ná í það. Ef að þú vilt ekki hverfa inni mannfjöldann sem minna en 0,06% af fjöldanum (ísland/ESB) þá skaltu taka upp baráttuandann og ýta á móti ESB.

Ekki fylgja restinni af evrópu einsog ráðvillt sauðfé !!!!!!!!!

[Árni Árnason (IP-tala skráð) 21.1.2012 kl. 16:37]

Villt þú ekki klára þessa staðalímynd um heimóttarskapinn með gúmmískóm og lopapeysu. ESB undirlægjunum liggur lífið á að koma einhvers konar Gísla á Uppsölum ímynd á andstæðingana, enda fátt um rök.

Sérhagsmunagæsla ? Já Hagsmunir Íslands og Íslendinga eru sérhagsmunir, ekki spurning.

Kannski erum við heimóttarleg en við erum þó að minnsta kosti ekki rassasleikjur.

[anna (IP-tala skráð) 21.1.2012 kl. 17:39]

Maggi. Ef þú vilt fá kaupið þitt í evrum skaltu bara drífa þig til evrópu og vinna þar Þú mundir njóta þín í botn!

[Anna Sigríður Guðmundsdóttir, 21.1.2012 kl. 21:56]

Maggi ætti á hættu að fá ekki vinnu í Evrópu, því það er samasemmerki milli atvinnuleysis og Evrópu, og hefur verið lengi.

En allt þetta er "hlutlausa" auglýsinga-ESB-stáss-stofan á Íslandi örugglega með á hreinu, og "raunverulegar" og "réttar upplýsingar" um. Svo það er bara að snúa sér þangað með vafa-atriðin. Það verður fróðlegt að bera saman upplýsingarnar þar og raunveruleikann. Það verður nóg að gera í að leiðrétta blessað starfsfólkið á "Auglýsingu" ESB-kostaða. 

M.b.kv.

[Guðmundur Ásgeirsson, 21.1.2012 kl. 22:01]

Þegar heil samtök eru búin að fá að messa hér nær einráð í 3 ár

Að einhver ein samtök gegn Evrópusambandsaðild hafi fengið að valsa hér um einráð er fjarri veruleikanum á þeim vettvangi. Það eru eru miklu fleiri félög og samtök á Íslandi andsnúin Evrópusambandsaðild. Það er misjafnt hvort og hvernig sú afstaða kemur fram í orði og/eða verki eða hversu mikill hiti raunverulega býr að baki, en hér þó upptalning á félögum og hópum sem hafa undanfarin þrjú ár haft á stefnuskrá sinni eða á einhverjum tímapunkti beitt sér gegn Evrópusambandsaðild með aðgerðum og/eða yfirlýsingum, listinn er ekki tæmandi:

• Sjálfstæðisflokkurinn
• Vinstihreyfingin - grænt framboð
• Framsóknarflokkurinn
• Hreyfingin
• Frjálslyndi flokkurinn
• Samtök Fullveldissinna
• Þjóðarflokkurinn
• Umbótahreyfingin
• Rauður vettvangur
• Samstaða þjóðar
• Þjóðarheiður
• Hægri grænir
• Heimssýn
• Evrópuvaktin
• Bændasamtökin
• Landssamband íslenskra Útvegsmanna

Aftur á móti hefur ekkert hindrað aðildarsinna í að mynda sjálfir samtök og hreyfingar sem eru fylgjandi þeim málstað. Mig rámar í að hafa frétt af einhverjum slíkum endrum og sinnum, og gott ef ekki var hér mynduð ríkisstjórn vorið 2009 sem hefur aðildarumsókn á dagskránni.

ESB er ekki að reyna að yfirtaka Ísland enda er ESB ekki ríki heldur samstarf ríkja.

Enginn hefur haldið því fram að "yfirtaka" sé endilega rétta orðið, en það fer líka eftir því hvernig maður skilgreinir það hugtak. Hvað er tildæmis yfirtaka án mótspyrnu? Það er í rauninni uppgjöf.

En skil ég þig rétt að þú haldir því fram að nokkur ríki geti ekki ákveðið í sameningu að "yfirtaka" annað ríki? Með öðrum orðum, getur "samstarf ríkja" ekki tekið yfir stjórn annars ríkis eða hluta þess?

http://en.wikipedia.org/wiki/NATO_War_in_Afghanistan

http://en.wikipedia.org/wiki/Multi-National_Force_%E2%80%93_Iraq

http://en.wikipedia.org/wiki/United_Nations_Interim_Administration_Mission_in_Kosovo

Svo hvet ég þig til að lesa nokkrar bækur um seinni heimsstyrjöldina.

[Eggert Sigurbergsson, 22.1.2012 kl. 01:04]

"...enda er ESB ekki ríki heldur samstarf ríkja"

Kallast ekki samstarf þegar þegnar lands sem gengur í sambandi fá sjálfkrafa, óumbeðið og óuppsegjanlegt nýtt ríkisfang samhliða því sem fyrir er þ.e fólk er neytt til að taka upp Evrópusambands ríkisfang. 

Kallast ekki samstarf þegar löndin í samstarfinu hafa sinn eigin þjóðsöng.

ESB kallast ekki þjóðir í samstarfi heldur sambandsríki í mótun, tími til komin að sambandssinnar viðurkenni það í stað þess að vera stöðugt á flótta undan sannleikanum.