Held að Lilja ætti nú að kynna sér málin aðeins betur.

Man ekki betur en að í fjölda ára hafi fulltrúar hinna Norðurlandana komið hingað og öfundast út í lífeyrissjóðina okkar.  Nokkuð ljóst að í dag fá eftirlaunaþegar um 70 milljarða úr lífeyrissjóðum og svo 50 milljarða frá ríkinu í gegnum Trygginarstofnun. Hlutfall Trygginarstofnunar fer minnkandi vegna þess að lífeyrissjóðirnir eru ekki fullvaxta enn þar sem að þeir sem nú fá úr þeim sjóðum hafa ekki greitt í þá alla sína starfsævi. Og fyrstu 10 árin þá hvarf nær allur lífeyrir í óðaverðbólgu þ.e. frá 1970 til 1980.

Nú næstu 16 árinn fara hópar þeir sem verða 67 ára stækkandi. Þannig er árgangur 1961 held ég sá stærsti. Og því verður Lilja að skýra í hvernig að lítið land með vaxtandi hóp eldriborgara á að standa undir framfærslu þeirra. Miðað við að lífeyrisgreiðslur í dag eru um 12% af launum þá má reikna með því að tekjuskattur þurfi að hækka um minnst 10% svo að ríkið gæti tekið á sig það sem lífeyrir dekkar í dag.  Allar þjóðir í Evrópu sem eru með gegnustreymislífeyrir sem Lilja er að tala fyrir óttast mjög næstu áratugi að þetta verði þeim erfitt eða ókleyft.  Held að hún fái Íslendingar aldrei til að fallast á að tekjuskattur nú verði um 47 til 50% á allar tekjur og að það hlutfall fari vaxandi.  

Lífeyrissjóðir sjái aðeins um viðbótarlífeyri

Athugasemdir

[Jón Óskarsson (IP-tala skráð) 4.2.2012 kl. 15:40]

Lýðskrumsmaskínan komin á flug eina ferðina enn. 

Mogginn tekur svona lið upp á arma sína.

[Jón (IP-tala skráð) 4.2.2012 kl. 17:47]

Fyrstu 10 árin hvarf allt innstreymið í verðbólgu segir þú. Það er örugglega alveg rétt hjá þér. Það er líka orðið ljóst að allt sem hefur verið greitt inn í lífeyrissjóðin á þessari öld er horfið eftir 479 milljarða, eða jafnvel mun meira, tap frá 2008. Framsóknarmennirnir í Exista og Jón Ásgeir og fleiri hafa hirt allar inngreiðslur sjóðfélga í sjóðina það sem af er öldinni. Það er því ljóst að lífeyrisgreiðslur fyrstu 10 árin og síðustu 11 árin af 41 ári samtals hafa alveg farið í súginn. Rúmlega helmingur af inngreiðslum í lífeyrissjóðina síðustu 41 árin hefur gufað upp í eitthvað allt annað en lífeyrisgreiðslur. Samt finnst þér að þeir sem hafa efasemdir um að þetta kerfi sé í lagi ættu að kynna sér það betur?? Er ekki alveg í lagi með þig?

Finnst þér virkilega í lagi með lífeyriskerfi sem virkar bara eins og einhver afskriftaskattur á almenning? Lífeyrissjóðirnir eru í raun bara afskriftasjóðir, til að setja í vasana á Jóni Ásgeiri og viðlíka drullusokkum. Ef það á að viðhalda kerfinu í óbreyttri eða lítt breyttri mynd eins og þú virðist vilja, þá væri nær að kalla þetta braskarasjóði en ekki lífeyrissjóði. Nú er þetta orðið að þannig vandamáli að það eru litlir peningar í þessum sjóðum og lífeyrisþegar þurfa að fá peninga úr öðrum áttum líka. Hvaðan koma þeir nema frá skattgreiðendum annars vegar og í formi krappari kjara frá lífeyrisþegum hins vegar? Og úr því skattgreiðendur og lífeyrisþegar þurfa hvort eð er að leysa þetta með nýjum framlögum þrátt fyrir að hafa greitt í lífeyrissjóði áratugum saman, er þá ekki eðlilegast að hætta þessu lífeyrisbraskarasjóðabulli, það er bara útgjaldaaukning fyrir alla þegar upp er staðið.

[Sindri Karl Sigurðsson, 4.2.2012 kl. 19:58]

Það ætti að breita lögum lífeyrissjóðanna þannig að þeir geti tekið þátt í að byggja upp atvinnulífið í landinu. Eins og fram kemur hjá Jóni og reyndar einnig í fréttum, þá erum við enn og ekki einungis aftur, heldur sem aldrei fyrr að borga sjálfum okkur lífeyri í gegnum framtíðar skatta. Ekki með Seðlabankavöxtum, hvað þá bankavöxtum þessa dagana, nei með verðtryggðum vöxtum yfir 3,5%.

Það er hægt að fá íbúðalán með vöxtum undir 6% þessa dagana. Bankarnir tapa á þeim vöxtum, bara ekki eins mikið og að setja aurana í Seðlabankann.

Hvað er það þegar lífeyrissjóður "fjárfestir" í ríkisskuldabréfum?

Hvað er það þegar lífeyrissjóður "fjárfestir" í aflandskrónum?

Við sem borgum þessar "fjárfestingar" lífeyrissjóðanna erum höfð að fífli og ekki nóg með það heldur er þetta einnig ávísun á framtíðar skattahækkanir,  hvort heldur sem í formi skerðingar á lífeyri, hækkun skatta, eða hækkun á greiðslum í lífeyrissjóð, svo einfallt er það.