Og svo þarf að leiðrétta allar kreditkortaskuldir líka sem og yfirdrætti.

Af því að bankarnir sögðu mér ekki að kreditkortið tæki bara ekki endalaust á móti og að yfirdráttur kostaði og væri erfitt að greiða niður þá heimta ég að ríkið borgi það niður fyrir mig. Það er hægt að nota hluta af einhverjum peningum sem eru ætlaðir til eldriborgara. þeir geta bara vel borgað fyrir börnin sín og barna börn. Alveg eins og fólk sem var platað til að yfirbjóða allar eignir hér frá 2004 til 2008. Það taldi allt í lagi að bjóða kannski 5 milljónir yfir markaðsverð því það fékk þetta hvort eð er allt lánað. Þrátt fyrir að vera varaði við að gengið væri of hátt skráð og að verðbólga væri að fara af stað.  Um leið og Kárahnjúkar voru komnir á fullt með öllum þeim peningum sem streymdu hingað inn. Við skellum svo bara kostnað á lífeyrissjóðina eða sem einhverja skatta á börnin okkar. Við erum svo góð að við þurfum ekkert að taka á hruninu sem við tókum þátt í að framkalla með yfirnáttúrulegri skuldasöfnun síðust árin fyrir hrun.

Leiðrétta þarf öll lán

Athugasemdir

[Sigrún Jóna (IP-tala skráð) 20.2.2012 kl. 17:31]

þarna er einn sem viðurkennir sök sína á HRUNINU

Ég legg til að SÉRSTAKUR verði láttinn vita.

loksins loksins er einhver sem játar.

[Sigurður Sigurðsson, 20.2.2012 kl. 17:47]

Æ hvað þetta er þreytt hjá þér Magnús. Mig rámar i það að þú hafir haft allt á hornum þér varðandi leiðréttingar á gengisbundnum lánum á sínum tíma. Nú hefur Hæstiréttur staðfelst skoðun Hagsmunasamtaka heimilana og vittu til þau munu einnig hafa rétt fyrir sér með verðtrygginguna. Mín tilfinning er að hún verð líka dæmd ólögleg.

[Jón Flón (IP-tala skráð) 20.2.2012 kl. 17:57]

Hvernig færðu það út að hver og einn, sem í þessari stöðu er, hafi tekið á sig yfirnáttúrulegar skuldir síðustu árin fyrir hrun?

Árið 2007 varð ég að kaupa heimili fyrir fjölskylduna mína, þar sem hún var að stækka og ekki lengur pláss í 48 fm piparsveinaíbúðinni minni. Ég hafði safnað nokkrum milljónum til þess að geta tekið sem lægst lán og ég keypti eins litla íbúð og fjölskyldan mögulega þoldi.

Í dag eru þessar milljónir, sem ég hafði safnað mér með heiðarlegri vinnu, fuðraðar upp. Nei, ég geri ekki kröfu um að fá þann pening til baka, en ég geri þó kröfu um að menn viti hvað þeir eru að segja og hugsi aðeins um málin áður en þeir kenna öllu og öllum um heilt efnahagshrun.

Takk.