Óttalegt bull er þetta.

Það er ljóst að ef við göngum í ESB þá þarf að aðlaga ýmislegt hér að kerfum ESB. Og er Ragnheiður Elín virkilega svo illa að sér að hún átti sig ekki á að til þess að vera tilbúin í þessar breytingar er ekki bara kallaður til tölvukarl daginn sem á að breyta kerfunum.  Þetta er ferli sem þarf að skipuleggja út í hörgul Og jafnvel vera tilbúin með bæði forrit, forritara og kerfisstjóra til að geta gert þetta fljótt og vel. Svona kerfi eru oft ár í hönnun.  Þetta vita held ég allir.

Könnuðust ekki við málið

Athugasemdir

[Óskar Guðmundsson (IP-tala skráð) 26.3.2012 kl. 20:52]

Skv féttinni kannast Össur ekkert við málið.

Það er aftur á móti raunin að við erum í hraðri aðlögun til að minnka bilið á milli okkar og þeirra en þar minnkar þá líka möguleikinn á að hafna aðlöguninni þó svo að atkvæði myndu falla svo í þjóðaratkvæði (ef þetta er mál sem þeim gömlu gráu þóknast að sé vert að fara með svo langt)

[Jón Steinar Ragnarsson, 26.3.2012 kl. 20:57]

Er það svo augljóst mál Magnús minn ef bæði Össur og Steingrímur þræta fyrir aðlögun og kannst hreinlega ekkert við málið.  Þetta er búið að vera í auglýsingum og fréttum undanfarið og hvert mannsbarn veit af þessu. Það er spurning um hvort kvislingarnir tveir séu starfi sínu vaxnir ef þeir eru ekki betur upplýstir.

Kannski er það skattstofan sem er að ákveða þetta upp á eigin spýtur, án þess að vera í neinu samráði við ráðuneyti eða stjórnarráð. Stórmerkilegt ef rétt er, finnst þér ekki Magnús?

[Valgeir (IP-tala skráð) 26.3.2012 kl. 21:32]

Þegar íslensk fyrirtæki yfirfara og endurskoða sín starfsferli og sinn rekstur með betrumbætingar í huga, munu þau reyna að taka upp álíka ferli og finnast fyrir hjá líkum evrópskum fyrirtækjum. 

Betrumbætur geta verið ansi góðar, en ef þær heita "aðlögun að ESB" verða þær í hugum sumra sjálfkrafa alvondar...  

[Magnús Helgi Björgvinsson, 26.3.2012 kl. 21:36]

Jón Steinar við það væri nú ágætt að fólk benti á önnur dæmi en að stofnun sé að undirbúa hvaða breytingar hún þurfi að gera á tölvukerfi.  Held að það sé ljóst að þær breytingar sem einhverju máli skiptu væru ekki framkvæmanlegar nema með lagabreytingum og ég sé engar.  Síðan væri nú allt í lagi að þjóðinn fengi almennilega kynningu á því um hvað ESB snýst. Hvað felist í inngöngu í ESB og fleira. Og þá kannski frá ESB sjálfu en ekki hræðsluóróður frá mönnum sem lítið vita um málið. Og þá myndi fólk kannski skilja af hverju 550 milljónir manna í Evrópu kjósa að vera í ESB. Og alveg sama hvaða stjórn tekur við í þessum 28 ríkjum engri dettur í hug að segja sig úr ESB.  Við erum líka búin að vera bísna sátt við þá aukaaðild sem við eigum að ESB þó að við séum þar áhrifalaus og þurfum bara að lögfesta það sem aðrir taka þátt í að ákveða.

En varðandi aðlögun þá er atriði eins og

• Aðlögun að Maastricht skilyrðum í raun eitthvað sem við þurfum hvort eð er að stefna að.
• Breytingar á styrkjakerfi landbúnaðar þurfum við við að breyta. Því það er óeðlilegt að Bændasamtök sjái um samning, eftirlit úthlutun og aðhald varðandi það.
  
• Byggðastefnu. Byggðastefna ESB eru held ég mun heppilegri til að halda byggð áfram um allt land.
  

Auk þess viljum við væntanlega vera þátttakendur í akvörðunum sem snerta málefni okkar og Evrópu og þar er ESB í raun orðin þau samtök sem hafa mest um hagsmuni Evrópu að gera. 

Nokkuð ljóst að það sem er virkilega eitthvað sem við þurfum að standa vörð um er að við og aðeins við njótum fiskimiða okkar. Og það þarf að verja.  Og ekki hægt að skrifa undir neina samninga nema það sé algjörlega greirneglt. 

[Númi (IP-tala skráð) 26.3.2012 kl. 23:07]

Pistill þinn Magnús ber yfirskriftina::Óttalegt bull er þetta:: þann titil má heimfæra á  ÖLL  þín skrif um ESB- klíkuveldið.

[Ingibjörg Guðrún Magnúsdóttir, 26.3.2012 kl. 23:25]

Algjörlega sammála þér Númi og Magnús Helgi meirihluti Þjóðarinnar veit alveg hvað það þýðir að ganga í ESB vegna þess að þýðir einfaldlega ekkert annað en það að lögum og reglum ESB þurfum við Íslendingar að gera að okkar og framfylgja...

Það er eins og þið haldið að meirihluti Þjóðarinnar sem veit hvað hann vill í þessu ESB máli sé hræddur, en satt að segja þá endurspegla þessi skrif ykkar ESB sinna hræðslu ykkar við niðurstöðu meirihlutans sem vill ekkert með ESB að gera.

Það er skynsamlegast að láta Þjóðina segja til það hvort hún vilji áframhald á þessu ESB eða ekki vegna þess að öðruvísi verður ekki friður...

[Magnús Ágústsson, 27.3.2012 kl. 02:43]

sammála Núma

[Adeline, 27.3.2012 kl. 09:05]

...Sammála Núma.

Ísland má ALLS EKKI ganga í ESB. Engan veginn. 

[Tómas Ibsen Halldórsson, 27.3.2012 kl. 09:47]

Þetta er alveg rétt hjá þér Magnús Helgi, þetta er óttalegt bull.  Össur gerir ekki annað en að bulla og því miður tekur þú þátt í bullinu með honum.

[Helgi Armannsson (IP-tala skráð) 27.3.2012 kl. 10:06]

Sammála Núma.

[Magnús Helgi Björgvinsson, 27.3.2012 kl. 22:01]

Æ greyin mín. Ég skal hlæja að ykkur eftir ár þegar að krónan verður komin hálfa leið til andskotans, verðbólgan verður hér viðvarandi vörur og lán því hækkandi. Hér verða gjaldeyrishöft sem aldrei fyrr. Og þið skulið ekki reyna að segja að sjálfstæðismenn og framsókn reddi þessu. Þeir hafa jú verið við völd hér 2/3 af lýðveldistímanum og ekki ráðið við þetta frekar en einhverjir aðrir. Það er gjörsamlega ómögulegt að halda örmynt stöðugri. Og nú þegar hún hefur þurft að þola hrun um 50%  þá verður hér ekki aftur snúið. Þetta var það sem Finnar áttuðu sig á upp úr 1990 eftir hrunið hjá þeim. Sviar líka. Og um 550 milljonir Evrópuabúa sá hagin sem þau hafa af þessari samvinnu. Alveg sama hvað flokkar eru við völd í þessum löndum þá dettur engum þeirra í hug að segja landið úr þessari samvinnu.

[Númi (IP-tala skráð) 27.3.2012 kl. 23:26]

Efst á síðu Magnúsar hér síðuhaldara,og í bláum ramma í lit Sjálfstæðisflokksins stendur eftirfarandi.

´´ Ísland í ESB takk fyrir,,    (og svo hér í næstu línum fleirra.)

´´ Við þurfum nýja framtíð.Ný framtíð verður ekki án breytinga og við þurfum að vinna að henni í samstarfi við aðrar þjóðir þar sem við erum svo fámenn og lítið land.,,

Já svo mörg voru þaug orð ESB-Magnúsar. Að mínu mati flokkast þessi fyrirsögn Magnúsar í þessum blá-ramma sínum, frekar sem  minnimáttarkennd.

Magnús virðist hafa litla trú á þjóð sinni og ýjar að þvi öllum árum að afsala okkar fullveldi voru og auðlindum til Klíkuveldsins í Brussel.

Magnús þú ágæti,maður þarft að hugsa helst lengra en framfyrir tærnar á þér

,prófaðu að athuga það.

Við höfum ekkert leyfi gagnvart komandi kynslóðum að afsala fullveldi og auðlindum þjóðar vorrar til bandalags fjárglæframanna, í klíkuveldinu í Brussel. Tel að þú Magnús vitir þetta svona innst inni.