Ég held að það sé ljóst að útgerðin sé með viðkvæmustu atvinnuvegum á landinu.

Menn keppast nú við að sýna okkur niðurstöður um að veiðigjaldið í nýju frumvarpi setji útgerðinna á hliðina.  Og ljóst skv. þessu að þessi atvinnuvegur sem lýst hefur verið sem höfuð atvinnugrein Íslands má ekki við að greiða neitt þó að fyrirtæki séu rekin með 50 milljarða hagnaðir á ári um þessar mundir. Það má ekki setja hömlur og tímamörk á nýtingarrétt þeirra því þá fari þau á hliðina. Samt er búið að afskrifa hvað um 200 milljarða af þessari sömu grein.  Mörg fyrirtæki eiga orðið fyrirtæki erlendis og nú er að koma í ljós að þau eiga fyrirtæki á aflandseyjum sem hirða hluta hagnaðarins. Og þessir menn hóta heilu byggðarlögunum að refsa þeim ef þau fylgja þeim ekki að málum.

Andskoti að ég trúi þessu væli. Þessir menn voru hér fyrir nokkrum árum að byggja annað hvort stórhýsi hér á höfðuborgarsvæðinu, þeir gömbluðu með milljarða í bankabólunni. Þeir keyptu fyrirtæki hægri og vinstri og um daginn heyrði ég að þessir útgerðamenn og útgerðafyrirtæki borgðu sára lítin tekjuskatt þrátt fyrir alla þessa pengina. 

 Finnst að frumvarpið eigi að verða enn harðara. Takmarka nýtingarrétt enn meira, með því að stytta tíman, heimta að allur fiskur fari á markað, heimta að allt framsal sé á markaði og skattlagt sem tekjur upp á 37%. Ef að þessar útgerðir treysta sér ekki í að veiða á þessum kjörum á að gera þeim að skila veiðiréttindum sínum og við finnum aðra sem treysta sér í það. Held að ekki vanti fólk sem er tilbúið að taka við.   

Bendi hér á eftirfarandi greinar sem eru stórmerkilegar

http://blogg.smugan.is/grimuratlason/2012/04/18/af-harmageddon-i-bolungarvik-og-odrum-sjavarbyggdum/

http://smugan.is/2012/04/hvad-verdur-nu-um-jakob-valgeir-og-bornin/

Kópavogi 18. apríl kl.17:25

Hart tekist á um kvótann

Athugasemdir

[Óskar, 18.4.2012 kl. 17:45]

Þessi óþjóðalýður ætti með réttu að vera á hrauninu.  Búnir að mergsjúga hagnaðinn úr greininni í áratugi og nú kemur í ljós að þeir fela milljarða á Kýpur.   Forsíða moggans í dag slær öll met, þvílíkt andskotans væl í LÍÚ pakkinu.

[Elías Bjarnason (IP-tala skráð) 18.4.2012 kl. 21:09]

Forheimskan ríður ekki við einteyming hjá ykkur félögum! Öfundarhyggjan sem þið eruð heilaþvegnir með hefur greinilega gripið um sig. Klárt mál að hvorugur ykkar hefur nokkurn tíman í sjó migið !

[Sigur!, 18.4.2012 kl. 22:40]

Mig langar bara til að taka undir orð Elíasar og minna ykkur félagana á að í ykkar heittelskaða Evrópusambandi er sjávarútvegurinn ríkisstyrktur og eru þeir víst að skoða kvótakerfi að íslenskri fyrirmynd. Okkar fyrirtæki eru nú ekki verr stödd en svo.

 Það er nú bara þannig að enginn iðnaður þolir 100% skattlagningu á hagnað. Það segir sig sjálft, eða það gerir það allavega hjá flestum.

[Kristbjörn Árnason, 19.4.2012 kl. 09:44]

Jafnvel hægri menn á Íslandi hafa misst trúnna á Sjálfstæðisflokknum

Jóhann Páll Jóhannsson og Ólafur Kjaran Árnason skrifar:

Kæru hægrimenn.

*

Hugsjónir ykkar hafa átt stóran þátt í lífskjarabótum og framförum síðari alda. Því er brýnt að á Alþingi Íslendinga sitji traustir og marktækir málsvarar einstaklingsframtaks og markaðsfrelsis.

*

Sjálfstæðisflokkurinn er eini stjórnmálaflokkurinn á Íslandi sem kennir sig við hægristefnu. Þingmenn flokksins eru sextán talsins. Þeirra á meðal eru Ásbjörn Óttarsson, sem játaði að hafa greitt sér tugi milljóna í arðgreiðslur með ólöglegum hætti, Árni Johnsen, dæmdur þjófur og Sigurður Kári Kristjánsson sem þáði 4,6 milljónir í prófkjörsstyrki en neitar að upplýsa hverjir styrkveitendurnir voru. Einnig situr Guðlaugur Þór Þórðarson enn á þingi, en hann þáði tæplega 25 milljónir í styrki fyrir prófskjörsbaráttu sína árið 2006, að mestu leyti frá útrásarvíkingum.

*

Sama ár hafði hann milligöngu um 30 milljón króna styrk frá FL Group og 25 milljón króna styrk frá Landsbankanum til Sjálfstæðisflokksins. Styrkirnir eru sérstaklega vafasamir í ljósi þess að styrkveitendur höfðu beinna hagsmuna að gæta í ýmsum deilumálum þessara ára.

*

Þegar þannig er í pottinn búið leitar orðið mútur óhjákvæmilega á hugann.

*

Formaður Sjálfstæðisflokksins, Bjarni Benediktsson, tók þátt í milljarðabraski ásamt Wernersbræðrum skömmu fyrir hrun þegar hann var stjórnarformaður N1, eins stærsta olíufyrirtækis á Íslandi. Fleiri framámenn flokksins tengjast ýmsum vafasömum viðskiptaævintýrum fortíðarinnar, en erfitt er að ímynda sér að fólk í slíkri stöðu geti með trúverðugum hætti tryggt heilbrigða samkeppni í anda hægristefnu.

*

Ólafur Kjaran Sjálfstæðismenn hafa haft undirtökin á Íslandi síðustu áratugi. Eftirfarandi dæmi eru lýsandi fyrir starfshætti flokksins.

*

Í valdatíð hans stóðu stjórnvöld tryggilega vörð um kvótakerfið með tilheyrandi braski, veðsetningu aflaheimilda og skuldsetningu í sjávarútvegi.

*

Þá skal nefna þau forkastanlegu vinnubrögð sem viðhöfð voru við einkavæðingu bankanna, en eins og Rannsóknarskýrsla Alþingis varpar ljósi á voru lögmál markaðarins þar að engu höfð.

*

Að sögn Steingríms Ara Arasonar sem sat í Einkavæðingar-nefnd var hér um pólitíska ákvörðun að ræða; Landsbankinn var ekki einu sinni seldur hæstbjóðanda heldur hreinlega afhentur flokksgæðingum.

*

Meðan Sjálfstæðisflokkurinn sat við völd var Ísland gert að stuðningsaðila ólöglegs innrásarstríðs í Írak sem kostað hefur hundruð þúsunda óbreyttra borgara lífið.

*

Loks ber að geta REI-málsins þegar reynt var að koma orkufyrirtækjum í hendur útrásarvíkinga á undirverði. Stuttu síðar afhjúpuðu sjálfstæðismenn valdagræðgi sína með meirihlutasamstarfinu við Ólaf F. Magnússon.

*

Ofangreind vinnubrögð hljóta að misbjóða öllu heiðvirðu fólki.

*

Nú er landsfundur Sjálfstæðisflokksins á næsta leiti. Undirritaðir hvetja sjálfstæðismenn til að horfast í augu við afglöp liðinnar tíðar, uppræta spillinguna og gera róttækar breytingar á starfsháttum og forystu flokksins. Takist það ekki hljóta heiðarlegir og réttsýnir hægrimenn að segja skilið við Sjálfstæðisflokkinn.

*

Ef hægrimenn vilja láta taka mark á sér er kannski eðlilegast að þeir stofni nýtt stjórnmálaafl. Öllum ætti að vera ljóst að það er gjörsamlega ósamrýmanlegt að berjast fyrir betra þjóðfélagi en styðja um leið spilltan og siðlausan stjórnmálaflokk.

[Jón Valur Jensson, 19.4.2012 kl. 12:28]

Ég held að það sé alveg ljóst að Magnús Helgi sé krati og skrifi sem krati. Það er sama hvernig vitnisburðirnir eru um það, hvernig útgerðarstaðirnir eru leiknir -- sjá um það Hara-kiri sjávarútvegsráðherrans með atlögunni að sjávarbyggðunum -- jafnsárlega flokkshollir menn og Maggi Helgi kjósa ekki að sjá sannleikann, þó að jafnvel Björn Valur Sveinsson hafi skyndilega útvarpað því í gær, að breyta yrði veiðigjaldsmálinu til að vernda smærri útgerðir. Hann sá það sem blasir við af fréttum Morgunblaðsins í gær og af grein Tryggva Þórs HerbertssonarFall Fjallabyggðar, að fólksflótti úr sjávarbyggðum mun leiða af frumvörpunum og að ekki fá þeir Steingrímur atkvæði sjómanna fyrir norðan og austan með þessu athæfi sínu. Björn Valur, sem studdi frumvarpið sem slíkt og sem flokksþræll Steingríms, vill því skyndilega láta breyta því!! En þið kratarnir getið víst ekki gert eins vel. Er allt ryðgað uppi í kollinum á ykkur?

Og Kristbjörn reynir að snúa þessu upp í mál um Sjálfstæðisflokkinn. Hann kemur sjómönnum ekkert við, og ég ætla ekki að eyða púðri á þau skrif hans, enda ver ég ekki spillingu Fjórflokksins -- og ekki styrkjaspillingun "FLokksins" né Samfylkingarmanna, sem höluðu afar drjúgt inn frá útrásarfyrirtækjunum, bæði einstaklingar í prófkjörum og kosningabaráttu og flokkur þeirra líka; og ég hef líka margítrekað gagnrýnt harðlega, að Fjórflokkurinn sækir sér 1,4 milljarða króna úr ríkissjóði, úr vösum skattborgara, til að gera sínum flokksapparötum og minnkar það rán ekki einu sinni á harðæristímum almennings!

En af því að nafn Steingríms Ara Arasonar, sem sat í Einkavæðingarnefnd, var nefnt hér, þess efnis, að við sölu bankanna hafi verið um pólitíska ákvörðun að ræða, þá er það að vísu rétt, en hitt örugglega rangt, sem þó er látið skína í hér, að bera megi hann fyrir þeim orðum, að bankinn "hafi hreinlega [verið] afhentur flokksgæðingum." Þannig talar hann ekki, embættismaðurinn.

[Jón Valur Jensson, 19.4.2012 kl. 12:30]

Þessi Björn Valur er víst Gíslason og þingmaður VG, hægri hönd Steingríms!