Þetta er nú furðulegt

Hvernig er hægt að segja að:

• "fjármagnseigendur og lífeyrissjóðir" eigi of mikla eignir? Erum við þá að tala um að einhverjir aðrir eigi lífeyrissjóðina? Finnst þetta barnalegt. Eins þarf Lilja þá að segja okkur hvernig að skattkerfið eigi að ráða við að borga öllum það sem þarf að skerða lífeyririn.
• Eins þá væri full þörf á því að Lilja myndi skýra út "Froðueignum á leið út úr landi yrði hins vegar skipt yfir í Nýkrónu þannig að 10 milljónir í gömlum krónum yrðu t.d. 2 milljónir í Nýkrónum" Nú af hverju ættu þá fólk sem á þessa froðueignir að fara með þær úr landi? Myndu menn ekki bara geyma þær hér áfram og geyma á reikningum með háum vöxtum til að hirða vextina áfram af þessum eignum?
• Síðan væri gott að hún myndi skýra hvernig að þetta myndi koma út gagnvart Íbúðalánasjóði, Ríkinu, Lífeyrissjóðum, bönkum og svo framvegis.

Annars fannst mér athyglisvert að heyra í Silfrinu áðan að fyrirmyndarríki Lilju sem hún hefur oft vitna í, en var í dag notað sem víti til varnaðar. 

Kópavogi 30. apríl 2012

Samstaða vill taka upp Nýkrónu

Athugasemdir

[Númi (IP-tala skráð) 29.4.2012 kl. 15:42]

Sæll. Þessi kona er hámenntaður hagfræðingur. Þú getur ekkert búist við að skilja strax uppástungur hennar frekar en afstæðiskenningu Einsteins til fulls ef þú hefur ekki einu sinni stúdentspróf frá náttúrufræðibraut. Hvað veist þú svo sem um hagfræði?

[Óskar Helgi Helgason (IP-tala skráð) 29.4.2012 kl. 15:47]

Sæll Magnús Helgi; sem jafnan !

Hvað; sem Samstöðu kraðakinu líður (sami meiður - og hin 4 gamal grónu flokka ræksnin, svo sem), að þá er LÖNGU tímabært, að smákónga veldi Lífeyrissjóðanna verði til foldar lagt - og við iðgjald endur; ÖLL sem EITT, fengjum sendar ávísanir heim, fyrir öllu því sem við höfum lagt, í þessa Andskotans hít, Magnús minn.

Tímabært; mjög !

Með beztu kveðjum; vestur yfir fjallgarð /

[Eggert Guðmundsson, 29.4.2012 kl. 16:07]

Magnús. varðandi lið 2.

Það sem ég held að allar krónur aðrar en Nýkrónur yrðu gerðar vaxtalausar inn á reikningum bankanna. Þá kemur upp spurning hjá þeim sem eiga Krónur, hvort þeir vilji fá 20% af krónunni eða ekkert.

[Anna Sigríður Guðmundsdóttir, 29.4.2012 kl. 16:10]

Lífeyrissjóðir!

Hvaða svikamyllu-fyrirbrigði er nú það?

M.b.kv.