Guð minn góður! Hver skyldi gegna embætti Forseta núna hér á landi?

Svona í ljosi umræðu fólks sem er búið að ræða það stöðugt að Þóra er að verða móðir þessa dagana og því gæti hún verið í fæðingarorlofi eitthvað fram í ágúst og að Jóhanna, Ásta Ragnheiður gætu þurft að axla skyldur Forseta á meðan. Þá er við hæfi að benda þeim á að nú er Ólafur erlendis og ef að koma upp áríðandi mál þá gegn þau hin sömu skyldum forseta á meðan.  Og þannig er það alltaf þegar hann fer erlendis, fer í frí og svo framvegis. Vissulega getur hann brugðist við að komið heim hið fyrst við þannig aðstæður, en það getur Þóra líka þ.e. hún verður væntanlega á Bessastöðum og þarf því ekki langt að fara ef upp kæmu áríðandi mál. Þá er rétt að benda á að hún ætlar að taka sína 3 mánuði sem hún á og þeim líkur í ágúst þegar hún tekur við. Síðan tekur maki hennar við í fæðingarorlofi. Og hann verður væntanlega ekki vinnandni þegar hún er í sínu fæðingarorlofi og því væru hæg heimatökin hjá honum að taka við að passa barnið.

En svona er umræðan á Íslandi. Fólk lepur upp bullið hvort eftir öðru og hugsar ekki eina hugsun sjálfstætt.

Kópavogi 17. maí 2012

Forsetar hittast í Tékklandi

Athugasemdir

[Benedikta E, 17.5.2012 kl. 16:06]

Er fæðingarorlofið ekki níu mánuðir ? - Annars þarft þú ekki að hafa neinar áhyggjur af fæðingarorlofsleyfi Þóru frá Bessastöðum - hún nær ekki kjöri - þið voruð of bráð á ykkur að láta hana toppa í könnunum - nú verður leiðin bara áfram niður á við  - Herra Ólafur Ragnar Grímsson - hefur svo mikla yfirburði yfir aðra frambjóðendur að niðurstaðan er óhjákvæmileg.

[Óskar, 17.5.2012 kl. 16:29]

Benedikta ó nei - Ólafur skaut sig í báðar fæturna með fordæmalausum dónaskap sitjandi forseta í garð annarra frambjóðanda strax í upphafi kosningabaráttunnar.  Ég þekki fullt af fólki sem hafði hugsað sé að kjósa hann en gjörsamlega ofbauð.  Það dylst engum lengur að Ólafur er í framboði fyrir auðróna, LÍÚ mafíuna og sjálfstæðisflokkinn.  Hann hefur kastað grímunni og það verður ekki aftur snúið.  Spái því að næsta skoðanakönnun verði til þess að hann hugsi sig alvarlega um að draga sig í hlé. - það væri líka best fyrir alla.

[Helga Kristjánsdóttir, 18.5.2012 kl. 00:09]

Þvert á móti eru allir sem ég heyri í yfir sig ánægðir með Ólaf,hann ber höfuð og herðar yfir alla,hvað gáfur,þekkingu og réttlæti varðar. Óskar mikið dómadags fleipur er þetta,það mætti halda að þið fylgdust ekki með. Lifðu í þínum draumaheimi með landráðamafíunni.

[Skúli (IP-tala skráð) 20.5.2012 kl. 19:25]

"Lifðu í þínum draumaheimi með landráðamafíunni." Málefnalegt, ha? Merkilegt að þegar einhver heldur einhverju fram (kannski fullharkalega) þá koma andstæðingarnir með "málefnaleg" komment eins og þetta, án þess að hafa nokkuð fram að færa! Svei mér þá ef þetta er ekki bara rétt hjá Magnúsi (og Óskari að sumu leyti) og ekki er ég nærri því alltaf sammála þeim.  En hér hafa þeir að mestu leyti rétt fyrir sér.  Ég myndi samt ekki segja að ÓRG sé í framboði fyrir "auðróna, LÍÚ mafíuna og sjálfstæðisflokkinn" en að sjálfsögðu stílar hann inn á þeirra atkvæði með sínum málflutningi. Þú veist það vel Helga að helsti stuðningur Ólafs er meðal stuðningsmanna Sjálfstæðisflokks og Framsóknarflokks, svipað og Þóru meðal Samfylkingarinnar. Og mikið ÓSKAPLEGA er hann heilagur!  Það má ekkert segja um manninn án þess að sjálfskipaðir sérfræðingar á moggabloggsíðum trompist! Á meðan verður Þóra fyrir harkalegum árásum af hálfu þessara sömu "sérfræðinga".

En eins og Magnús segir: "En svona er umræðan á Íslandi. Fólk lepur upp bullið hvort eftir öðru og hugsar ekki eina hugsun sjálfstætt. "  Einmitt!