Var að kynna mér stefn Framóknar í sambandi við Fiskiauðlind okkar.

Rakst á ályktun þeirra frá því á Flokksþingi 2011. Þar segir m.a. í Kafla um sjávarútveg segir m.a.

Framsóknarflokkurinn hafnar fyrningarleiðinni sem fiskveiðistjórnunartæki.
Ályktanir 31. flokksþings framsóknarmanna

2. Stjórnun fiskveiðanna verði blönduð leið, annars vegar á grunni
aflahlutdeildar á skip og hinsvegar úthlutun veiðileyfa sem taki mið af
sértækum byggðaaðgerðum, hvatningar til nýsköpunar og til þess að
auðvelda aðgengi nýrra aðila að útgerð.
3. Tryggja verður sameign þjóðarinnar á sjávarauðlindinni m.a. með ákvæði í
stjórnarskrá sbr. lög nr. 116 frá 2006. – 1. gr. - Nytjastofnar á
Íslandsmiðum eru sameign íslensku þjóðarinnar.
4. Úthlutun veiðileyfa verði gerð með þeim hætti að skilgreina tvo potta.
· Pottur 1 þar sem gerður verði nýtingarsamningar til u.þ.b. 20 ára, á
grunni aflahlutdeildar á hvern bát. Samningurinn verði á milli ríkisins og
íslenskra aðila með búsetu á Íslandi hið minnsta síðustu 5 ár.
Samningurinn verði endurskoðanalegur á fimm ára fresti með
möguleika á framlengingu til fimm ára í senn. Samningurinn skal taka
mið af heildarstefnu framsóknarmanna í fiskveiðistjórnun þar sem móta
skal takmarkað svigrúm til breytinga á samningstímanum.
Nýtingarsamningurinn innhaldi m.a ákvæði um veiðiskyldu og
takmarkað framsal. Innleiða þarf varanlegt fyrirkomulag sem tryggir
hreyfingu á aflaheimildum í framtíðinni. Skoða skal með hvaða hætti
best sé að tryggja slíkt. Settar verði takmarkanir við óbeinni
veðsetningu aflaheimilda og leitað leiða til að draga úr veðsetningu
greinarinnar. Breytingar verði þó ekki afturvirkar.
Greitt verði fyrir nýtingarréttinn þ.e. svokölluð auðlindarenta eða árlegt
veiðigjald. Gjaldið verði hóflegt og tengt afkomu greinarinnar.
· Pottur 2 þar sem veiðileyfum verði úthlutað til:
a. Fiskvinnslu. – Um er að ræða byggðaívilnun þar sem að
aflaheimildum verði fyrst og fremst úthlutað á fiskvinnslur þar
sem það á við. Fiskvinnslurnar semji við einstaka útgerðir um
veiðar.
b. Ferðaþjónustuveiða. – Þar sem þeim aðilum verði tryggð
aflahlutdeild með því að landa aflanum á Hafrannsóknastofnun -
VS-afli . Setja þarf sérstakar reglur um úthlutunina.
c. Nýsköpunar. – Stuðningur við nýsköpun m.a. í meðafla leyfum,
sérstökum úthlutunum auk beins fjárstuðnings.
d. Strandveiða – nýliðunarpottur. – Megin tilgangur strandveiða er
að auðvelda nýjum aðilum að hefja útgerð og má hver aðili
einungis halda á einu strandveiðileyfi. Varðandi nánari útfærslu
strandveiðanna verði horft til tillagna SUF um strandveiðar. – sjá
fylgiskjal.
Ályktanir 31. flokksþings framsóknarmanna
7
Stefnt sé að því að Pottur 2 ýti undir nýsköpun og nýliðun, hvetji til
frekari nýtingar auðlindarinnar, auk byggðatengdra aðgerða. Núverandi
tilfærslur eru 3,5% af heildarþorskígildum og mjög mismunandi eftir
tegundum allt frá 0-10%. Samhliða stofnstærðaraukningu einstakra
tegunda vaxi Pottur 2 á allra næstu árum þannig að af tegundum sem
engin tilfærsla er á í dag verði hann 3-5% og af öðrum stofnum allt að
10%. Stefnt sé að því að Pottur 2 vaxi enn frekar, en þó aldrei meira en
15% af einstökum tegundum samhliða stofnstærðaraukningu og
jákvæðari reynslu af úthlutunum til Potts 2.
5. Veiðigjald/auðlindarentan sem greinin greiðir verði nýtt að hluta til
nýsköpunar, rannsókna og markaðsstuðnings innan greinarinnar sjálfrar.
Hluti renni til þess landsvæðis þar sem auðlindarentan verður til t.d. til
atvinnuþróunarfélaga innan viðkomandi svæðis og hluti í ríkissjóð.
6. Sjávarauðlindin er í senn gjöful en takmörkuð. Því er mikilvægt að hlúa að
nýsköpun og enn frekari nýtingu hráefnis til að skapa verðmæti og auka
arðsemi. Setja þarf fram efnahagslega hvata til að auka nýtingu á hráefni
sem í dag er illa eða ekki nýtt.
7. Mikilvægt er að nýta auðlindina sem skynsamlegast og byggja á grunni
vísindalegrar þekkingar og sjálfbærni lífríkisins. Stefnt skal að því að setja
fram langtíma nýtingarstefnu (aflareglu) um alla stofna sem miðist við að
byggja þá upp til að þola hámarksnýtingu til langtíma.
8. Sjávarútvegur er grunn atvinnugrein þjóðarinnar. – Mikilvægt er að menn
átti sig á að sjávarútvegur er ekki bara veiðar heldur hátæknivæddur
matvælaiðnaður sem byggir á öflugri og þróaðri vinnslu ogmarkaðssetningu. Hluti af því er nauðsynleg gæða- og umhverfisvottun.
9. Til að tryggja áframhaldandi forystu Íslendinga á sviði sjálfbærrar nýtingar
auðlinda hafsins verði sjónum í vaxandi mæli beint að umhverfislegum
þáttum og augljósu samspili nýtingar hinna ýmsu tegunda hafsins.

Sé ekki betur en að Atvnnuveganefndin sé að setja nú fram frumvörp sem eru alveg í anda Framsóknar en eins og í öðrum málum þá hentar þeim að breyta um skoðun þá gera þeir það óháð sannfæringu þeirra. 

 

Kvöldfundur og ekkert samkomulag um þinglok

Athugasemdir

[Jóhannes Þór (IP-tala skráð) 6.6.2012 kl. 18:13]

Sæll Magnús, í lok pistilsins kemur fram að frumvarp ríkisstjórnarinnar sé í „alveg í anda Framsóknar“.

Þetta er rangt.

1) Framsóknarmenn vilja ákvæði um auðlindir í stjórnarskrá. Ekkert er um það í frumvarpinu um veiðigjaldið. Þegar er ákvæði um sameign þjóðarinnar á sjávarauðlindinni í núverandi lögum um fiskveiðistjórnun.

2) Framsóknarmenn styðja hóflegt veiðigjald. Ekkert hóflegt er við veiðigjald sem setur fjölda fyrirtækja í þrot og hefur alvarleg áhrif á byggðir hringinn í kringum landið.

3) Ekkert er í frumvarpinu um að veiðigjaldið verði nýtt til hluta til nýsköpunar, rannsókna og markaðsstuðnings innan greinarinnar sjálfrar né að hluti renni til þess landsvæðis þar sem auðlindarentan verði til og hluti í ríkissjóð. Frv. um veiðigjaldið gerir ráð fyrir að allt renni í ríkissjóð.

[Helga Kristjánsdóttir, 7.6.2012 kl. 01:22]

Þegar hentar þér að halla réttu máli!!!!!!