Jón Bjarnason er nú ekki ábyggilegasta heimildin.

Það er nú alvega átakanlegt að vera að hafa svona hluti eftir Jóni Bjarnasyni. Hann er jú gjörsamlega forfallinn andstæðingur ESB og sér ekkert jákvætt við það. En verra er að hann talar oft sennilega þvert gegn  því sem hann veit t.d. varðandi þessar undanþágur. Svona til að byrja með þá nægir að nefna þann stuðning og undanþágur sem landbúnaður í Svíþjóð og Finnlandi fengu vegna þess sem er nefnt "landbúnaður á Norðlægum slóðum" sem m.a. veitir undanþágur fyrir ríkð að styrkja landbúnað sérsaklega sem og styrkir frá ESB beint til þeirra sem búa á norðlægum og harðbýlum svæðum. Og þessar undanþágur og samningar hafa jú staðið í tæp 20 ár án þess að farið sé að tala um að aflétta þeim.

Engar varanlegar undanþágur í boði

Athugasemdir

[Árni Gunnarsson, 21.11.2012 kl. 20:15]

Jón Bjarnason er vandaður maður og áreiðanlegur. Og ákaflega eru þeir menn orðnir illa staddir með röksemdir sem þurfa að leiða fram svona innistæðulausa tortryggni.

En auðvitað finnst ESB dindlum það allt í lagi að aflétta innflutningsbanni á lifandi dýrum og hráum dýraafurðum því þarna eru góð störf í boði.

Hvað varðar góðkrata um verndun íslenskra búfjárstofna?

En nú er spáð framhaldi kreppunnar í Evrópu næstu 10 árin.

Hvernig er það Magnús Björgvin, eru Írarnir ekki áreianlega búnir að kíkja í pakkann?

[Badu (IP-tala skráð) 21.11.2012 kl. 20:18]

Þetta er það sem kallast "kranablaðamennska". Hljóðnema er beint að viðmælanda sem bunar út úr sér bullinu. Jón hefði allt eins getað lýst upplifun sinni af miðilsfundi. Eða hvers vegna er ekki rætt við hina meðlimi þingmannanefndarinnar?

En þetta kemur ekki á óvart, komandi frá fréttabörnum Moggans.

[Magnús Helgi Björgvinsson, 21.11.2012 kl. 20:46]

Jón Bjarnason sagði allann tíman sem hann var ráðherra að það væri hafin að kröfu ESB "djúp aðlögun" íslands að ESB. Það var bara enginn annar ráðherra sem kannaðist við þetta. Og þegar hann var spurður að dæmum þá gat hann ekki nefnt nein dæmi. Og síðar kom í ljós að það eru sameiginlegur skilningur okkar og samninganefndar ESB að hér verði engin aðlögun heldur verði tilbúnar áætlanir um hvernig við myndum uppfylla kröfur ESB þegar og ef samningar myndu nást.  Þá leyfi ég mér enn á ný að minna menn á að hagsmunir sem Jón Bjarnason er að verja snerta um 3500 til 4000 bændur.  Það eru um það bil 1 til 2% þjóðarinnar.  En honum er fyrirmunað að skija að svo fámenn stétt lifir á dreifbýlum svæðum sem ESB styrkir sérstaklega. Nema að ESB gerir það sem rétt er að styrkja fólk til búsetu en er ekki með framleiðslutengda styrki sem er einmitt það sem fólk hefur bent á að væri mun skynsamlegara. Þ.e. að fólk hefði frelsi til að framleiða þá vöru á býlum sínum sem þeim hentað, í því magni sem þeir treystu sér til og gætu og um leið á því verði sem þeir réðu við. Þannig gætu margir selt okkur landbúnaðarvörur á mun lægra verði. Í dag erum við að borga hverjum bónda í styrki um það bil 4 til 5 milljónir að meðaltali auk þess sem við borgum vörur þeirra fullu verði.  Samtals held ég að við borgum bændum um 15 milljarða. 

[Jón Frímann Jónsson, 22.11.2012 kl. 05:17]

Árni, Það er hægt að viðhalda innflutningsbanni á lifandi dýrum. Það er gert innan ESB í ákveðnum tilfellum núna í dag. Sem dæmi, þá krefst Svíþjóð, Finnland, Malta og Bretland þess að innflutt dýr séu sett í stóttkví áður en þeim er hleypt inn í þessi lönd. Nánar um það hérna á vefsíðu ESB. Nánari upplýsingar er síðan að finna hérna.

Hvað Jón Bjarnarson varðar. Þá er maðurinn kerfisbundið að ljúga um Evrópusambandið og stefnu þess í þessum málaflokki. Einnig sem að maðurinn hefur enga haldbæra þekkingu á Evrópusambandinu.

[Árni Gunnarsson, 22.11.2012 kl. 15:43]

Er ekki dónaskapur að vera svona lengi að kíkja í pakka?

En kannski hefðu einhverjir, t.d. Írar átt að gefa sér lengri tíma.

Eða bara Englendingar sem eru að spá í að leggja á flótta þarna út.

[Helga Kristjánsdóttir, 23.11.2012 kl. 10:41]

Forfallinn, er það að sjá blekkingar Esbésinna,vera trúr landi sínu og segja sannleikann? Jón vildi heldur missa ráðherradóm sinn,heldur en svíkja þjóð sína. Blekkingar Esbésinna hafa upplýsts,allt frá yfirhilmingu utanríkisráðherra á lögfræðiáliti,,Michel de Reija,,í Icesave,þar til “allur pakkinn”auglýsing póstþjónustunnar var notuð sem tálbeita,á makalaust ósvífinn hátt!! Hver er forfallinn,?