Nei nei höfum bara krónuna áfram og komum í veg fyrir alla hugsanlega samkeppni.

Nei nei verum bara með krónuna áfram. Og alls ekki reyna að komast í stöðugra og stærra efnahagsumhverfi og samstarf. Bara alls ekki þetta er svo fínt.

Afnemum bara verðtryggingu og staðgreiðum þetta allt í óverðtryggðu vöxtunum okkar. Komum í veg fyrir að hér geti skapast almennilega samkeppni erlendis frá. Því allt er vont frá útlöndum.

Allir flokkar frá upphafi lýðveldis hafa boðað ábyrga efnahagsstjórn en svona hefur ástandið verið hér stöðugt með nokkra mánaða eða ára hléum þegar hér hefur verið haldið uppi gervistöðu með engri innistæðu. ESB er svo hættulegt að það hálfa væri nóg.

En þetta ástand er svo agalega gott og hefur alltaf verið. Þetta er að minnsta kosti skoðun fólks sem segir í könnunum að það ætli að kjósa Sjálfstæðisflokk og Framsókn.

Verðlag hækkar mikið milli mánaða

Athugasemdir

[Ívar Pálsson, 27.2.2013 kl. 11:27]

Enginn telur Evruna verða hér næstu árin. Það er hreinlega ekki hægt vegna ESB.

"Stöðugra og stærra efnahagsumhverfi og samstarf"!: Evran hækkaði um 3% í fyrradag og féll um það sama í gær. Ítalía, 3-4 stærsta Evrulandahagkerfið, er komið í óstjórn jaðarins, þar sem Spánn er líka.

Samstarf í gjaldeyrismálum er ekki mögulegt, frekar en með Breta sem eru í ESB en með pundið sitt.

Ekki er efnahagsstjórn Samfylkingar betri en annarra. ESB getur ekki stýrt 27 löndum með 17 Evrulönd og mismunandi gjaldmiðla. Ef eitt af þeim, þá þarf bankasamruna og fjármálalegan samruna. Það er ekkert íslenskt við það og kemur okkur kjósendum ekkert við, því að það er ein allsherjar Stofnun.

Fullveldi er eina leiðin fyrir Íslendinga. En gjaldmiðlinum má breyta eftir einhver ár, ef þarf.

[Óskar Jónsson (IP-tala skráð) 27.2.2013 kl. 13:30]

 Láttu þá sem vit hafa til um peningamálin. Trúðu mér þín steipa og vina þinna mun leiða til næstu heimstyrjaldar. Þegar allar fyrrum austantjaldsþjóðirnar plús Tyrkir sem verða stærstir í ESB eru komnar inn,  þá er friðurinn úti og allt verður vitlaust. Bretar eru byrjaðir að búa sig undir flóðbyjgju innflytjenda frá Rúmeníu og Búlgaríu um næstu áramót. Fá nokkrar milljónir í viðbót við blönduna sem fyrir er. Múslimar verða í meirihluta í Btetlandi 2019. Björt framtíð hjá Bretanum. Höldum okkar krónu og verum stolt. 80 % verðbólga á niðurleið var fagnaðarefni í mínu ungdæmi, svo eitthvert væl um óstöðugleika innan 10 prósenta er hjákátlegt. Borgum allar okkar skuldir sjálf. Veltum þeim ekki á aðra með aðild, stuðningi eða söfnun.

[Sandy, 27.2.2013 kl. 13:32]

Við gætum t.d. farið leiðina hennar Lilju Mósesdóttur í efnahags og peningamálum.

Ég sé ekki að ESB sé góður kostur fyrir okkur, ég er einnig viss um að danski svínabóndinn sem var sektaður um háa fjárhæð vegna þess að svínin hans voru ekki að leika sér með rétt leikföng sé mjög glaður, ef þessi frétt er rétt þá er ég viss um að íslenskir bændur yrðu ekki ánægðir heldur.

[Ómar Bjarki Kristjánsson, 27.2.2013 kl. 15:38]

Til hamingju með að vera orðinn eðalbloggari á blog.is Magnús.

[Magnús Helgi Björgvinsson, 27.2.2013 kl. 20:18]

Nei sko! Ekki hefi ég tekið eftir þessu

[Magnús Helgi Björgvinsson, 27.2.2013 kl. 20:57]

Varðandi leiðir henna Lilju Móesedóttur þá set ég ávallt spurningar við löndin sem hún nefnir sem dæmi. Ég horft t.d. til þess hvernig Argentínumönnum hefur vegna eftir þá leið sem Lilja mælti með hér var farin þar um aldamót og þeir eru enn að vinna sig úr þeim vandamálum. Indónesía er bara svo stórt land og með svo ódýrt vinnuafl að skattar á útstreymi gjaldeyris var auðvelari þar og er í raun samt leiðin sem verið er að fara hér. Sjá fréttir í kvöld á stöð 2 eða ruv. Þ.e. að kröfuhöfum bíðst upp á 3 kosti  Og viðræður í gangi við þá m.a. um gengi á þeim krónum sem þeir vilja komast burtu með. Jafnvel að þeir selji eignir sínar í bönkum til annarra fjárfesta og um leið að niðurfæra eignir sínar.

Held að þjóðin sé ekki tilbúin í leið hennar varðandi að ríkið taki á sig skuldaleiðréttingar með því að hækka hér skatta fyrir því. Eða eyða lífeyrissjóðum í það. 

Varðandi svínin í Danmörku þá finnst mér bara allt í lagi að það séu reglur um að svín hafi leikföng af þeirri gerð að þau séu ekki að ýta þeim í skítinn og naga þau svo og við étum svo svínin nokkurm mánuðum seinna. Þetta er bara neytendavernd.