Jú Bjarni það hafa margir gert! Þ.e. skattlagt sig út úr kreppu.

Finnar t.d. eftir seinni heimstyrjöld skattlögðu auðmenn til að komast út úr kreppu sem þeir voru í þá. Í flestum löndum sem hafa gengið í gengum kreppu hafa verið hækkaðir skattar. Því það er annað hvort að gera það eða skera niður alla opinbera þjónustu. Bjarni hlýtur að vita að hún er rekin af skattfé. Og þegar tekjur fólks rýrna og skatttekjur með þá er skorið niður eins og hægt er en annars verður að finna tekjustofna ef að ekki á að ganga af henni dauðri.  Bendi t.d. á Kýpur, Spán, Grikkland og allar þjóðir sem eru að ganga í gengum kreppu þær eru að hækka skatta. Ekki alla en samt. Eins er Obama að berjast fyrir nýjum sköttum á hæsta tekjuhópinn. 

Finnst að svona vitlausum frösum eigi að svara með að sérfræðinga bara skoði hvernig aðrar þjóðir bregaðst við. Hef engan áhuga á að Hannes Hólmsteinn og Bjarni Ben ljúgi bara einhverjum hlutum að okkur sem eiga sér enga stoð í raunveruleikanum. 

 

Enginn skattlagt sig úr kreppu

Athugasemdir

[itg (IP-tala skráð) 23.3.2013 kl. 17:57]

Sæll Magnus,

Þarft að kíkja aðeins á söguna áður enn þú slærð svona fram.

[Ásgrímur Hartmannsson, 23.3.2013 kl. 18:43]

Kýpur, Spánn og Grikkland já... svínvirkar þar...

Skoðaðu þetta aðeins betur, félagi.

[Jóhann Elíasson, 23.3.2013 kl. 19:35]

Hvað hefur þú eiginlega verið að drekka Magnús???  Hvaðan hefur þú eiginlega heimildir fyrir þessu bulli þínu?

[Rafn Guðmundsson, 23.3.2013 kl. 20:11]

reyndar eru skattar orðnir of háir hérna og þarf að fara að skoða þau mál. það sem virðist mjög ofarlega hjá xD er að taka af 2 og 3 skattþepið. ekki er ég viss um að það breyti miklu fyrir okkur. en auðvitað væri ég til í að borga mína skatta eftir 1 þrepi

[sæmundur (IP-tala skráð) 24.3.2013 kl. 09:30]

Þegar að Ríkisstjórn Geirs Haarde lækkaði skattana 2006 eða 2007 varð Steingrímur J alveg óður og sagði að hvergi á byggðu bóli lækkuðu menn skatta í þenslu

Hvað gerði hann svo 1 af fyrstu verkum hans var að hækka skatt% í samdrætti .

Magnús þú og aðrir stjórnarliðar virðist ekki gera ykkur grein fyrir því að almenningur er ekki ríkisbubbar sem hægt er að auka endalaust álögur á

[Jón Páll Haraldsson, 24.3.2013 kl. 13:33]

Magnús, dæmið er mjög einfalt. Það er ekki hægt að skera endalaust af brauðinu án þess að rækta korn um leið til að baka nýtt brauð. Vinstri stjórnir í hvaða formi sem er virðast aldrei getað skilið þetta.

[Bjarni Gunnlaugur (IP-tala skráð) 24.3.2013 kl. 13:57]

Magnús, þú hefur komið við kaunin á Sjálfstæðismönnum sbr. athugasemdir. Ekki nema von því skattamál eru það eina sem þeir geta bent á þar sem þeir hugsi eitthvað öðruvísi en fráfarandi ríkisstjórn!     (Eru ekki einusinni sammála um að vera á móti ESB)

           Nú skal dregin fram gamla sussumbíið sem þeir róa sig við fyrir svefnin að lækkun skatta örfi hagvöxt. Auðvitað trúa þeir þessu ekki í alvöru eins og dæmin sanna og í mesta lagi að sköttunum sé gefið annað nafn,þjónustugjöld t.d.,nefgjöld  og svo er skylduaðild að lífeyrissjóðum náttúrulega skilgreind sem sparnaður en ekki skattar.

En rétt er það að eftir að búið er að halda uppi fullum vörnum um hagsmuni Íslendinga gagnvart ósanngjörnum erlendum kröfum þá eru leiðirnar aðeins tvær til að samræma tekjur og útgjöld ríkisins.  

Niðurskurður og skattar!

Hvorug er einföld og báðar hafa sína alvarlegu galla!

Jú og svo má náttúrulega alltaf skoða með að ríkið fari út í fyrirtækjarekstur á sviðum þar sem hefur sýnt sig að engin samkeppni ríkir t.d. í rekstri olíufélaga og bankastarfsemi. Af tvennu illu er skömm skárra að hagnaðurinn renni þó til ríkisins!

[Sigurður M Grétarsson, 24.3.2013 kl. 15:39]

Það sem margir vilja gleyma þegar þeir segja að það sé hægt að auka hagvöxt með því að lækka skatta er hvaða áhrif hallarekstur ríkissjóðs hefur á vaxtastig í landinu. Ef ríkissjóður er rekinn með halla og þá sérstaklega ríkssjóður með takmarkað lánstraust erlendis þá þarf hann að taka lán fyrir hallarekstrinum og þar með eykur hann eftirspurn eftir lánsfé. Það leiðir til hækkaðra vaxta vegna lögmálsins um framboð og eftirspurn.

Það sem helst stenfur auknum hagvexti fyrir þrifum hér á landi eru litlar fjárfestingar. Menn geta svo spurt sig hvort við þær aðstæður sé verra að hafa háa skatta eða háa vexti.