Smugan ekkert að skafa af þessu.

Í pistli á Smugan.is segir:

Skömmu eftir janúarbyltinguna 2009 spratt formaður Framsóknarflokksins upp eins og túnfífill að vori.  Hann gerðist flokksbundinn framsóknarmaður mánuði fyrir formannskjör í þessum flokki sem var hálf munaðarlaus, eftir hamfarirnar í íslensku samfélagi  og tók við kórónunni úr hendi  Valgerðar Sverrisdóttur, ráðherrans sem einkavæddi bankanna og lék lykilhlutverk við byggingu Kárahnjúkavirkjunar. Hann var fyrsti formaðurinn í stjórnarandstöðu sem svaraði ekki í síma, heldur lét aðstoðarmann sinn, fyrrum kynningarfulltrúa KB banka, taka niður tímapantanir.

 

Sléttfeitur, drýldinn og vatnsgreiddur, með æfða sjónvarpsframkomu, greip hann hvern boltann á fætur öðrum á lofti, Icesave- skuldaniðurfellingar-útlendingaótta, allt sem vel til vinsælda var fallið. Hann varð hetja hins sjálfstæða Íslendings, flutti úr Þingholtunum í úthverfi, úðaði I sig feitu lambakjöti og féll frá framboði í Reykjavík og flutti sig í Norðausturkjördæmi.

 

Byltingin sem hófst á Austurvelli haustið 2008 og heimtaði valdið í hendur fólksins hefur nú fundið hinn sanna íslenska alþýðumann. Hann á nokkur hundruð milljónir í banka og helsti bakhjarl hans er ein spilltasta pólitíska elíta Íslands. Þetta er maðurinn sem er um það bil að brjóta blað í sögunni og leiða smáflokkinn sinn í hartnær hreina meirihlutastjórn eins og landið liggur núna. Hann ætlar að kaupa atkvæðin okkar, mestmegnis með skattfé sem við leggjum sjálf til og peningum sem annars færu í að borga erlendar skuldir, en vextir af þeim gera það meðal annars að verkum að velferðarkerfið er að molna í sundur.

 

Svo segja menn að Álfheiður Ingadóttir hafi stjórnað byltingunni gegnum farsíma. Hvað var manneskjan að hugsa? (Þóra Kristín Ásgeirsdóttir)

 

Framsókn eykur forskotið

Athugasemdir

[Sigurður (IP-tala skráð) 10.4.2013 kl. 13:07]

Kosningarnar verða amerískari og amerískari eftir því sem örvæntingin eykst í þeim flokkum sem núna horfa upp á algera gjöreyðingu í komandi  kosningum.

Öllu púðri eytt í að níða persónur og moka sem mestum skít í allar áttir.

Kjósendur kæra sig bara ekkert um svona aumingjaskap, á meðan ekki tekst að gagnrýna stefnumál á efnislegum forsendum halda framsóknarmenn áfram að moka inn fylginu.

Og á meðan Vg eiga ekki skárri vörn en þetta, halda þeir áfram að hrynja í fylgi.

[Ásthildur Cesil Þórðardóttir, 10.4.2013 kl. 17:28]

Sammála Sigurður.

[pjakkur (IP-tala skráð) 10.4.2013 kl. 17:44]

Aumkunnarvert!