Glæsilegir listar.

Þessir framboðslistar eru ekki árennilegir. Það verður erfitt fyrir aðra að keppa við þá. Þarna eru bæði reynsluboltar og svo í næstu sætum mjög frambærilegir aðilar á listunum. Ég held að nú fari sveiflan að liggja yfir til Samfylkingar.

Frétt af mbl.is

  Listar Samfylkingarinnar í Reykjavíkurkjördæmum einróma samþykktir
Innlent | mbl.is | 21.2.2007 | 22:06
Ingibjörg Sólrún Gísladóttir, formaður Samfylkingarinnar, leiðir lista Samfylkingarinnar í Reykjavíkurkjördæmi suður og Össur Skarphéðinsson leiðir lista flokksins í Reykjavíkurkjördæmi norður. Framboðslistarnir voru einróma samþykktir á fulltrúaráðsfundi Samfylkingar í Reykjavíkurkjördæmum í kvöld.

Listar Samfylkingarinnar í Reykjavíkurkjördæmum einróma samþykktir

Athugasemdir

[Óskar Helgi Helgason (IP-tala skráð) 22.2.2007 kl. 00:41]

Sæll, Magnús Helgi !

Ahh................... hvar eru sjómenn - verkamenn og iðnaðarmenn að finna, á listum þarna ? Því miður, Magnús; Samfylkingin jafn kerfislæg og áður, Bryndís Ísfold reyndar jafnan frambærileg, enda kurteis kona og skilvís. Gef ekkert, fyrir pilta eins og Ágúst Ólaf Ágústsson, svarar ekki einföldustu spurningum, hér á spjallsvæðinu, a.m.k. ekki frá mér, enda kannski eðlilegt, ég er jú landsbyggðarmaður, af gamla skólanum (sjá síðu Ágústs Ólafs, 16. II. s.l.), því miður, enn og aftur; Magnús Helgi, áðurnefndur ÁÓÁ dæmigerður jakkafata drengur, hver betur væri kominn, í eitthvert þægindið,  með görpum eins og Birgi Ármannssyni - Sigurði Kára Kristjánssyni og fleirri slíkum, enda margvísleg einkavæðingar hyggja ríkjandi, í fari þeirra allra.

Nú, nú Magnús, ég ætla ekkert að mála skrattann, á alla veggi ykkar Samfylkingarfólks, sjálfsagt náið þið til ýmissa, enda fyrirséð, að ört minnkandi fylgi Framsóknarflokksins muni falla ykkur í skaut, sem og hinum flokkunum, óhjákvæmilega.

Með beztu kveðjum /

Óskar Helgi   

[Magnús Helgi Björgvinsson, 22.2.2007 kl. 01:14]

Óskar þú finnur held ég ekki verkamenn og sjómenn í kippum á hinum listunum í Reykjavík. En á þessum lista er m.a. Grétar Þorsteinsson sem er nú formaður ASÍ þarna eru iðnaðarmenn, kennarar, leiðbeinendur, nemar ellilífeyrisþegar, einn af aðalmönnum í Framtíðarlandinu og svo mætti lengi telja. Bendi á að sjómenn eru nú ekki fleiri en 5 til 6 þúsund á landinu í mesta lagi.

Mér finnst þetta enn jafn góður listi

[Óskar Helgi Helgason (IP-tala skráð) 22.2.2007 kl. 15:56]

Sæll, Magnús Helgi !

Nei, rétt hjá þér, síður en svo, að aðrir listar bjóði fram fólk, úr framleiðslunni, hugsanlega; Jóhann Páll Símonarson sjómaður, hjá Sjálfstæðisflokknum, líklega mjög aftarlega, eins og verið hefir, um allangt skeið. Það er, Magnús; eins og þessir piltar, með hálstauið, njóti meiri hylli flokksbroddanna, mjög víða heldur en hinar vinnandi stéttir, hverjar halda þessarri þjóðfélagsmaskínu okkar gangandi, jú, jú.......... Grétar Þorsteinsson hefir verið á framboðslistum, í áraraðir, þó aldrei svo ofarlega, til að ná hugsanlega kjöri.

Jæja þá, Magnús. Þar hefi ég sett mitt sjónarmið fram, ögn nákvæmar; en í fyrra bréfi.

Með beztu kveðjum /

Óskar Helgi