Árangur síðustu 4 ára er þó nokkur

 

 

 Mynd fengin héðan og nánari upplýsingar þar einnig

 

 

M.a. hægt að tiltaka þetta:

 

• ·        Persónuafsláttur hefur hækkað um 45% frá árinu 2007 og verðtryggður frá 1. janúar 2012 svo hann missi ekki virði sitt gagnvart veikri krónu.

• ·        Ísland allt árið – átak til eflingar vetrarferðaþjónustu. Samstarfsverkefni ríkis, sveitarfélaga og einkaaðila sem stendur út árið 2013. Áætlaður heildarkostnaður er 1,8 milljarðar króna, þar af koma 900 milljónir úr ríkissjóði. 300 milljónir á ári frá haustinu 2011. Árangurinn er metfjölgun vetrarferðamanna – sérstaklega utan háannartíma.

• ·        Umgjörð um starfsemi og fjármál stjórnmálaflokkanna hefur verið gjörbreytt – niðurstaðan er ítarlegasta löggjöf um fjármál stjórnmálaflokka í Evrópu.

• ·        Varnarmálastofnun hefur verið var lögð niður og verkefnum hennar sem fram var haldið sinnt hjá Landhelgisgæslunni og Ríkislögreglustjóra.

• ·        Ráðist var í markaðsátakið Inspired by Iceland í kjölfar gossins í Eyjafjallajökli ásamt tugum fyrirtækja og varið til þess 700 milljónum króna. Forystumenn í ferðaþjónustu eru þess fullvissir að markaðsátakið ásamt Ísland allt árið hafi stuðlað að mikilli aukningu erlendra ferðamanna til landsins, ekki síst utan álagstímans yfir sumarmánuðina.

• ·        Settar hafa verið reglur um hagsmunaskráningu Alþingismanna.

• ·        Stýrivextir eru komnir í 6% úr 18%.
• ·        Samstarfii Íslendinga við AGS lauk í ágúst 2011, aðeins tæpum þremur árum eftir hrun.

• ·        Ábyrgri stefnu í fjármálum hins opinbera framfylgt sem tekið hefur verið eftir á alþjóðavettvangi.

• ·        Sóknaráætlanir hafa verið gerðar fyrir hvern landshluta þar sem styrkleikar hvers svæðis og hvernig best verði staðið að atvinnuuppbyggingu eru metin. Heimamenn sjálfir forgangsraða verkefnum, ríkisstjórnin tryggir á þessu ári 400 milljónir til verkefnanna en þau eru alls 73 í átta landshlutum.

• ·        Rammaáætlun um verndun og nýtingu náttúrusvæða samþykkt í fyrsta sinn eftir áratuga vinnu.

• ·        Fyrsta heildarendurskoðun stjórnarskrárinnar hefur farið fram á vettvangi þjóðfundar, stjórnlaganefndar og Stjórnlagaráðs. Stjórnlagaráð lagði fram frumvarp að nýrri stjórnarskrá fyrir Alþingi. Tekist hefur að tryggja endurskoðunarferlið fram á næsta kjörtímabil.

• ·        Verndaráætlun Vatnajökulsþjóðgarðs hefur verið samþykkt.

• ·        Þróunarsamvinnuáætlun hefur verið samþykkt í fyrsta sinn og byrjað er að framfylgja henni. Tímasett áætlun um að Ísland verji 0,7 prósentum af þjóðartekjum til þróunarmála.

• ·        110% leiðin og endurútreikningur erlendra lána hafa gert að verkum að lán heimilanna hafa verið færð niður um 200 milljarða.

• ·        Framkvæmdasjóðurferðamála hefur verið stóraukinn. Yfir 500 milljónir eru til ráðstöfunar árið 2013 á grundvelli fjárfestingaáætlunar ríkisstjórnarinnar. Þar til viðbótar renna svo stórauknir fjármunir til uppbyggingar í þjóðgörðum og á friðlýstum svæðum gegnum umhverfis- og auðlindaráðuneytið eða 250 milljónir.

• ·        Fimm fjárfestingarsamningar hafa verið gerðir við fyrirtæki sem eru með starfsemi á Suðurnesjum eða ætla sér að hefja þar starfsemi þar enda staðan í atvinnumálum hvað alvarlegust þar: gagnaver á Ásbrú, fiskeldi á Reykjanesi, fiskverkun í Sandgerði, kísilver í Helguvík og álver í Helguvík.

• ·        Þróunarsamvinnuáætlun hefur verið samþykkt í fyrsta sinn og byrjað er að framfylgja henni. Tímasett áætlun um að Ísland verji 0,7 prósentum af þjóðartekjum til þróunarmála.

• ·        Baráttan gegn kynferðislegu ofbeldi og mansali hefur verið sett á oddinn.

• ·        Ráðuneytum – og ráðherrum – hefur verið fækkað í 8 úr 12.

• ·        Hlutur kvenna aldrei verið meiri í ríkisstjórnum – 40-50% á kjörtímabilinu, meðal ráðuneytisstjóra – 50% – eða meðal skrifstofustjóra í stjórnarráðinu. Hið sama á við um fjölda kvenna í stjórnum og ráðum á vegum ríkisins.

• ·        Árósarsamningur – um aðgang að upplýsingum, þátttöku almennings í ákvarðanatöku og aðgang að réttlátri málsmeðferð í umhverfismálum – hefur verið fullgildur.

• ·        Ein hjúskaparlög fyrir alla landsmenn hafa verið sett.

• ·        Ráðherranefnd um jafnréttismál starfar í fyrsta skipti á lýðveldistímanum.

• ·        Tekist hefur að jafna ráðstöfunartekjur heimila og verja þá tekjulægstu.

• ·        Fjárlög ársins 2013 gera ráð fyrir 3.6 milljarða halla – um 0.3% af landsframleiðslu – og hallalausum fjárlögum 2014. Fjárlagahallinn nam 216 milljörðum – heilum 14% af landsframleiðslu – þegar ríkisstjórn Jóhönnu Sigurðardóttir tók við árið 2009.

• ·        Aukið stuðning við ungar barnafjölskyldur – 11 milljarðar í barnabætur 2013, 30% meira en á síðsta ári.

• ·        Máefni fatlaðra flutt yfir til sveitarfélaganna.

  Sjá nánar hér

Athugasemdir

[Örn Johnson ´43 (IP-tala skráð) 14.4.2013 kl. 23:23]

Sæll Magnús.

Af hverju sagðir þú ekki frá því að staða ríkissjóð og heimila hefur aldrei verið verri. Ekki eitt orð um þá ömurlegu staðreynd sem segir til um þá lélegu efnahagsstjórn sem hér hefur ríkt.

Dettur þér í hug að gengislán sem dæmd voru ólögleg og því lækkuð hafi átt frumkæði hjá síðustu ríkisstjórn. Staðreyndin er að 110% leiðin leiddi til kannski 40 milljarða lækkunnar en það sem vantar upp á 200 milljarðana ca 160 milljarðar voru ólöglegir gjörningar.

Annað er varla svaravert sem afrek eftir fjögurra ára "stjórn", þó það nú væri að e-ð hafi náðst fram.

En svo að hinu sem þú minnist ekki einu orði á: Það sem ekki náðist fram. Viltu listann nei hann er of langur fyrir blogg.

[Tómas Ibsen Halldórsson, 15.4.2013 kl. 15:12]

Sæll Magnús Helgi

Ég get tekið undir það að enginn hefur náð þeim árangri sem fráfarandi ríkisstjórn hefur náð, þ.e. að klúðra jafn miklu á jafn skömmum tíma, meira að segja eigin fylgi.