Sjálfstæðisflokkur stór er eitt, Framsóknarflokkur stór er annað- En báðir = Hætta

Skv. síðustu könnunum sýnist mér að 2 flokkar sem sannarlega hafa verið í gegnum tíðina einir mestu verndarar sérhagsmuna geti náð kannski 38 til 40 þingmönnum. Þá er ljóst að þeir verða óviðráðanlegir. Og hvað þýðir það. Jú ég geri ráð fyrir að veiðigjöld verið afnumin, Rammaáætlun verði afnumin og fullt af virkjunum bætt við í virkjanaflokk, auðlegðarskattur verður afnumin, þrepaskattur verður afnumin, eignir ríkisins verða aftur í boðið fyrir einkavini þeirra. Það verður tekið hér aftur upp helmingaskiptareglan við skipanir í nefndir og ráð ríkisins. Og ljóst að þeir sem fá að borga fyrir verða láglaunastéttir og millitekjuhóparnir. Þeir hafa alltaf gert þetta. Aflétt sköttum á fjárfestum, fyrirtækjum og þeim tekjumestu og lagt í staðin auknar birgðar á þá sem lægra standa. Sjáið t.d. hvernig þeir fóru með öryrkja síðast þegar þeir voru saman í stjórn.

Og þegar þeir hafa svona góðan meirihluta þá verða þeir ekki stoppaðir í að berja þetta í gegn. 

Gleymið ESB

Gleymið nýrri stjórnarskrá

Gleymið því að aðrir en einkavinir fái ríkiseignir t.d. eins og mér finnst líklegt að Landsbankinn verði seldur sbr orð manna á aðalfundi hans nú um daginn. Og það verða einhverjir S hópar og þannig lið sem fær þar forgang. 

Sjálfstæðisflokkur með mest fylgi

Athugasemdir

[Þórður (IP-tala skráð) 18.4.2013 kl. 17:50]

"Valdir handahófskennt úr hópi álitsgjafa MMR". Þetta er ekki könnun því þá þarf að beita slembiúrtaki en ekki velja vini og vandamenn MMR. Engin áreiðanleiki í þessari mælingu.

[Sigurður (IP-tala skráð) 18.4.2013 kl. 18:35]

Á meðan ekkert kemst að hjá samfó annað en ný stjórnarsrká og ESB, þá á flokkurinn ekki samleið með þjóðinni.

Kjósendur hafa bara ekki áhuga á þessum gæluverkefnum flokksins.

[Gunnlaugur I., 18.4.2013 kl. 19:11]

Tek undir með Sigurði.

Á meðan Samfylkingin hefur ekkert fram að færa annað en Evrópusambandið og að eina lausnin sem þeir sjá er handónýt stjórnsýsla Evrópusvovétsambandsins, þá mun Samfylkingin verða viðskila við sína eigin þjóð !