Nei, nei! Sigmundur segir að þetta kosti okkur ekki neitt!

Ríkissjóður og Seðlabankinn gætu þurft að leita á náðir erlendra lánadrottna til þess að fjármagna afborganir íslenskra fyrirtækja af erlendum lánum sínum og til að greiða fyrir kosningaloforð. Þetta kemur fram í umfjöllun Bloomberg fréttaveitunnar. Þar er meðal annars haft eftir Sigríði Benediktsdóttur, yfirmanns fjármálastöðuleikasviðs Seðlabanka Íslands, að skuldir Íslands fram til ársins 2018 séu of háar.

En þetta eru bara einhverjir vondir útlendir blaðamenn sem vita ekkert um þetta. Sigmundur veit þetta allt svo miklu betur.  Það þarf ekkert að hafa áhyggjur af þessum tæpu 700 milljörðum sem þarf að borga bara ef að skuldir sumra verða lækkaðar. Við skiptum bara hinum vandamálunum á raðgreiðslur til næstu áratuga. Og vonum að krónan hrynji ekki, og einhverjir vilji lána okkur í framtíðinni. 

Kosningaloforðin fjármögnuð með lánum

Athugasemdir

[Jón Óskarsson, 3.5.2013 kl. 12:21]

Skuldir Orkuveitunnar, RARIK og Landsvirkjunar þarf ekki að greiða úr ríkissjóði.   Það er sami söngurinn byrjaður og varðandi Icesave að blanda saman greiðslum einkafyrirtækja og fyrirtækjum með sjálfstæðan fjárhag við skuldir ríkissjóðs.

Hið rétt er þó að hér þarf að ríkja stöðugleiki og gengið að haldast frekar stöðugt til þess að afborganir af skuldum framangreindra fyrirtækja (sem samanlagt þurfa að greiða um 540 milljarða af þeim 678 milljörðum sem nefndar eru í fréttinni) hækki ekki frekar og valdi þeim meiri lausafjárvanda.    Sá stöðugleiki hefur ekki verið til staðar síðustu misseri.

Það er líka staðreynd að mikilvægt er að koma í veg fyrir að vogunarsjóðir og aðrir kröfuhafa í þrotabú föllnu bankana komist úr landi með mikinn gjaldeyri því þá gæti komið upp alvarlegur gjaldeyrisskortur sem ríkið gæti þurft að koma að því að leysa svo innlend fyrirtæki geti staðið við sitt.

N.B. þetta hefur ekkert með lækkun/leiðréttingu stökkbreyttra verðtryggðra lána að gera eða leið Framsóknarflokksins í að fjármagna þá leiðréttingu.  Og það skal skýrt tekið fram að ekki kaus ég Framsókn :)

[Óskar, 3.5.2013 kl. 13:55]

Jón hver á Orkuveituna, Rarik og Landsvirkjun ?

[sæmundur (IP-tala skráð) 3.5.2013 kl. 15:01]

Hvernig væri nú að hæla sér af verkum fráfarandi ríkisstjórnar t.d þessi breyting á lyfjaverði .

Þið hljótið að vera mjög stolt af því eða þó þið munduð kannski þá þora að skrifa um það

Þeir einstaklingar sem sækja um greiðsludreifingu vegna lyfjakaupa þurfa að bíða samþykkis Sjúkratrygginga Íslands áður en þeir fá lyf sín afgreidd.

Nýtt greiðsluþátttökukerfi vegna kaupa á lyfjum tekur gildi á morgun en Heiðar Örn Arnarson, kynningarfulltrúi SÍ, segir greiðsludreifinguna úrræði fyrir þá sem eiga erfitt með að mæta kostnaði í fyrsta þrepi nýja kerfisins.

Samkvæmt greiðsludreifingarfyrirkomulaginu munu einstaklingar í greiðsluerfiðleikum eiga kost á því að dreifa lyfjakostnaði umfram átta þúsund krónur á tvær greiðslur og kostnaði umfram fimmtán þúsund krónur á þrjár greiðslur. Ef ljóst þykir að einstaklingur muni eiga rétt á 100% greiðsluþátttöku á tólf mánaða tímabili verður hins vegar mögulegt að dreifa kostnaðinum á allt að tíu greiðslur.

[Helgi Jónsson (IP-tala skráð) 3.5.2013 kl. 15:43]

Sæmundur...hér hefurðu þetta svart á hvítu....og hættu svo að grenja yfir lyfjakaupunum hjá þér...fara bara að hreyfa sig og þú getur losað þig við helminginn af lyfjunum þínum.

Á síðustu fjórum árum hafa ýmis mistök verið gerð. En að mínu viti blikna þau í samanburði við þann árangur sem náðst hefur. Ég ætla að rifja upp nokkrar staðreyndir:

1. Ríkisstjórnin hefur náð fjárlagahallanum úr 216 milljörðum niður í 3,6 milljarða.

2. Þegar stjórnin tók við nam atvinnuleysið 9,3 prósentum. Í dag er það 4,7 prósent.

3. Þegar ríkisstjórnin tók við var verðbólgan 18,6 prósent en í dag er hún um 4 prósent.

4. Seinni hluta kjörtímabilsins hefur hagvöxtur á Íslandi verið með því besta sem gerist í Evrópu.

5. Á útrásarárunum var Ísland í hópi þeirra þjóðfélaga sem bjuggu við mesta misskiptingu auðs og tekna. Í dag skipar Ísland sér í hóp þeirra ríkja þar sem jöfnuður er mestur.

6. Líklega hefur engin ríkisstjórn barist jafn ötullega gegn kynbundnu ofbeldi og ríkisstjórn Jóhönnu Sigurðardóttur. Austurríska leiðin, sem veitir lögreglu heimild til að fjarlægja ofbeldismenn af heimilum, hefur loksins verið lögfest. Kaup á vændi hafa verið bönnuð. Samningur Sameinuðu þjóðanna um aðgerðir gegn skipulagðri glæpastarfsemi hefur verið fullgiltur – og að sama skapi samningur Evrópuráðsins um baráttu gegn mansali. Þar að auki hefur verið gripið til margvíslegra úrræða til að stemma stigu við kynferðisofbeldi.

7. Fyrst nú hefur ríkið tekið að sér að niðurgreiða almennar tannlækningar barna.

8. Ríkisstjórnin hefur hækkað veiðigjald til að tryggja almenningi aukna hlutdeild í gróðanum í sjávarútvegi. Áætlað er að veiðigjaldið skili ríkissjóði 15 milljörðum á þessu ári sem nýtast munu til fjárfestinga af ýmsu tagi.

9. Bókhald ríkisins hefur verið gert opnara og gegnsærra en það var, meðal annars með nýjum upplýsingalögum.

10. Eftirlaunaforréttindi þingmanna ráðherra og æðstu embættismanna hafa verið afnumin.

11. Ríkisstjórnin „skipaði nýjan forstjóra Landsvirkjunar sem hefur gjörbreytt stefnu fyrirtækisins í þá átt að hámarka verðið (og þar með arðinn) sem við fáum fyrir auðlindina. Fyrir tíð þessarar ríkisstjórnar neitaði Landsvirkjun af einhverjum ástæðum að upplýsa almenning um orkuverð til stóriðju. Öll umræða um skynsemi stóriðjuframkvæmda var af þeim sökum út og suður. Þessu var strax breytt eftir að ný forysta tók við.“ (Jón Steinsson, dósent í hagfræði við Columbia-háskóla: http://www.visir.is/nytur-rikisstjornin-sannmaelis-/article/2012709069963)

12. Davíð Oddsson var rekinn úr Seðlabankanum.

13. Ráðuneytum hefur verið fækkað úr 12 niður í 8.

14. Ísland hefur viðurkennt sjálfstæði Palestínu og Össur Skarphéðinsson utanríkisráðherra sent Ísraelsríki fingurinn.

15. Fyrir hrun bjuggu Íslendingar við flatan tekjuskatt og eitt hægrisinnaðasta skattkerfi í Evrópu. „Á síðustu árum fyrir hrun var skattkerfið orðið þannig að þeir sem mestar tekjur höfðu greiddu lægra hlutfall tekna sinna í skatt en meðaljóninn. Þessu hefur núverandi ríkisstjórn breytt. Fyrir vikið hafa skatthlutföll lækkað hjá stærstum hluta þjóðarinnar,“ skrifar Jón. Ásakanir stjórnarandstöðunnar og hægrimanna um „skattpíningu vanhæfu vinstristjórnarinnar“ eiga sér ekki stoð í raunveruleikanum. Tekjuskattar eru ennþá lægri hér en víðast hvar á Norðurlöndunum og fyrirtækjaskattur einn sá lægsti í heiminum.

16. Útgjöld til þróunarmála hafa verið aukin til muna en á árum áður stóðum við samanburðarlöndum okkar langt að baki í þessum málaflokki.

17. Fyrst nú hafa ein hjúskaparlög verið lögfest.

18. Tekist hefur að hlífa heilbrigðis- og menntakerfinu í mun meira mæli en annars staðar í Evrópu. Samkvæmt einu virtasta tímariti heims um heilbrigðismál er Ísland gott dæmi um ríki sem tókst að skera rækilega niður í ríkisrekstri án þess að það kæmi verulega niður á heilbrigðiskerfinu. Í tíð sitjandi ríkisstjórnar hafa framlög til tækjakaupa á Landspítalanum og fjórðungssjúkrahúsunum verið aukin.

19. Sótt hefur verið um aðild að Evrópusambandinu, enda bendir margt til þess að innganga í sambandið geti bætt lífskjör hér á landi. Aðildarsamningurinn verður borinn undir þjóðina þegar hann liggur fyrir.

20. Ríkisstjórnin hefur „staðið sem klettur gegn ævintýralegum þrýstingi um almenna skuldaniðurfellingu. Slík skuldaniðurfelling hefði haft afleitar afleiðingar,“ skrifar Jón. „Hún hefði kostað ríkið hundruð milljarða og því í raun þýtt miklu hærri skatta í áratugi.“ Þá hefði hún gagnast stóreignafólki mest og lágtekjufólki minnst. „Í stað almennrar niðurfellingar hefur ríkisstjórnin staðið fyrir aðgerðum sem beinast sérstaklega að þeim sem virkilega þurfa á hjálp að halda.“

21. Fyrst nú hefur barnasáttmáli Sameinuðu þjóðanna verið lögfestur.

22. Í stað þess að halda bönkunum í greipum ríkisins og stunda fyrirgreiðslupólitík á borð við þá sem tíðkaðist á Íslandi á árum áður, „einkavæddi þessi fyrsta vinstristjórn Íslandssögunnar tvo af bönkunum þremur á skömmum tíma án spillingar. Það verður að teljast talsvert afrek.“

23. Árið 2012 skipaði Ísland fyrsta sæti á lista Alþjóðaefnahagsráðsins yfir stöðu jafnréttismála í heiminum. Lög um kynjakvóta í stjórnum fyrirtækja og lífeyrissjóða taka gildi á þessu ári og „hlutur kynjanna í ríkisstjórn og í æðstu embættum ríkisins hefur að fullu verið jafnaður.“ (Stjórnarráðið: http://www.stjornarrad.is/rikisstjorn/frettir/nr/502)

24. Gerð hefur verið skýrsla um eflingu græna hagkerfisins og grænna starfa.

Helgi Jónsson (IP-tala skráð) 18.4.2013 kl. 14:47

2

Eins og ég segi er þessu als ekki allvarnað og tek undir margt þarna,en betur má ef duga skal Helgi ,Þakka innlitið,Kveðja

[Helgi Jónsson (IP-tala skráð) 3.5.2013 kl. 15:45]

Copi/pasteaði óvart mynd af Halla vini mínum....biðst afsökunar á þessum mistökum.

[Sigurður Helgason, 3.5.2013 kl. 16:54]

Helgi, sem sagt ekki neitt sem máli skiftir, hitt er lígi :)

[sæmundur (IP-tala skráð) 3.5.2013 kl. 17:10]

Það er gott að heyra að Samfylkingarfólk er stolt yfir því að láta öryrkja og aldraða borga háar fjárhæðir fyrir lyf sem eru greidd niður víðast hvar í evrópu og þó sérstaklega á Norðurlöndum

Reyndar hafa frændur vorir á Norðurlöndum aldrei kynnst þessu sér íslenska afbrigði af Norrænni velferðarstjórn enda hafa þeir ekki verið með forsætisráðherra sem er dæmdur brotamaður ( kona ) í jafnréttismálum Þá ber að geta þess að á sama hafa biðraðir fyrir utan Mæðrastyrksnefnd og Fjölskylduhjálpinna lengst meira í tíð þessarar fráfarandi ríkisstjórnar en dæmi eru um hjá fyrri ríkisstjórnum á Íslandi

[sæmundur (IP-tala skráð) 3.5.2013 kl. 17:16]

ónas Kristjánsson, fv. ritstjóri segir á vef sínum, að staðan sé gjörbreytt í þessum efnum, bæði í Evrópu og hér á landi:

Ég hef alltaf verið stækur Evrópusinni, vildi beint í sambandið, burtséð frá viðræðum um hina og þessa kafla. Taldi það beztu leiðina undan áþján lélegra pólitíkusa og kontórista á Íslandi. Tel regluverk Evrópu vera það bezta, sem við höndlum af nútímanum.

Og Jónas bætir við:

Hins vegar tel ég óráð að ganga í bandalagið núna. Það horfist í augu við mistök í evru, Schengen, Maastricht og stjórnarskrá. Sambandið þarf að læra af reynslu, breyta þessum plöggum og semja peninga- og bankasamning. Áður en það getur tekið við fleiri ríkjum. Heppilegt er, að viðræðurnar við Evrópu verði saltaðar og við þýðum áfram evrópskt regluverk.

[Jóhann Kristinsson, 3.5.2013 kl. 19:55]

Helgi Jónsson,

Ertu að halda því fram að íslendingar og Ríkisjóður skuldi ekki nema 3.6 miljarða?

Mikil er flokksblinda þín.

Kveðja frá Houston

[sæmundur (IP-tala skráð) 3.5.2013 kl. 20:02]

Í boði samfylkingar

tekið af ruv.is

Foreldrar tvíbura með sykursýki eitt þurfa að nota heil mánaðarlaun í að borga árlegan kostnað vegna veikindanna. Og kostnaðurinn eykst enn með nýju niðurgreiðslukerfi lyfja.

Nýja kerfinu er ætlað að jafna kostnað þeirra sem þurfa að kaupa mikið að lyfjum þannig að fólki með ólíka sjúkdóma sé ekki mismunað. En veikt fólk þarf að kaupa fleira en lyf og það þekkja fáir betur en þeir sem eru með sykursýki eitt. Margrét Þórðardóttir í Neskaupstað er móðir 19 ára tvíbura með sykursýki eitt. Áður var insúlínið ókeypis en nú þarf að borga hlut og miðað við tvö ungmenni á sama heimili gerir það samtals 46 þúsund á ári.

Þurfa að kaupa meira en lyf

En vandamálið er að líka þarf að kaupa búnað á insúlíndælur. Hann endist stutt og þarf að endurnýja á þriggja daga fresti. „Þannig að heildarkostnaður á ári við sýkursýkina er þá á mínu heimili 250 þúsund á ári. Og þá eru lyfin inni í því en fyrir utan lyf eru það um 200 þúsund. Fólk þarf nú að vinna sér inn dálítið mikið af peningum til að eiga fyrir öllum þessum kostnaði,“ segir Margrét.

Réttlætismál að kostnaðurinn verði hluti af greiðsluþaki lyfja

Skipta þarf um um forðahylki, snúrur og nálaplástra og þá þarf líka að kaupa strimla í insúlínmæla. Hún segir réttlætismál að kostnaður við að reka insúlíndælur verði hluti af greiðsluþaki lyfja. „Svo eru líka til nemar sem mæla stöðugt blóðsykur og það er mjög mikið öryggistæki bæði til að leyfa börnunum að vera einum yfir nótt til dæmis. Mér finnst að það ætti að vera inni í þessu líka,“ segir hún.

Efast um að geta staðið á eigin fótum

Sykursjúkir þurfa oftar til augnlæknis og í blóðprufur og við 18 ára aldur hætti komugjald að vera ókeypis og verður næstum 5000 krónur. Ungmenni eru oftast á framfæri foreldra þó þau séu orðin 18 ára. Annar tvíburinn, Þórhildur Eir Sigurgeirsdóttir ætlar í háskóla en efast um að geta staði á eigin fótum á námslánum. Sykursýkin kosti allt að 150 þúsund á ári og þriðjungur er vegna nýja lyfjagreiðslukerfisins. „Það er fáránlegt að maður þurfi að borga helling bara til þess að halda lífi þegar þegar þetta er ekki manni sjálfum að kenna. Maður getur ekkert gert í því til að losna við þetta,“ segir hún.

Hætt við að sykursjúkir spari eftirlit

Hætt sé við því að sykursjúkir taki áhættu og spari eftirlit. Það gæti leitt til nýrnaskemmda, blindu, eða jafnvel útlimamissis. Hún veit um sykursjúka stúlku í háskólanum sem er þegar farin að spara við sig læknisferðir. „Hún er núna hrædd um að þurfa að hætta í skólanum til að halda lífi og borga lyfin sín,“ segir hún

[Sigurður (IP-tala skráð) 3.5.2013 kl. 20:32]

Það eru varla margar hræður sem enn telja áróðursdeild Seðlabankans hafa einhvern trúverðugleika, eða telja ástæðu til að hlusta á bullið frá Mávnum í seðló.

Erlend lán, til að greiða niður verðtryggð lán í íslenskum krónum...?

Heimskulegri verður áróðurinn nú varla.

Þvílíkt bull.

[Jörundur Þórðarson, 3.5.2013 kl. 22:36]

Helgi Jóns: 1. Halli ársins 2012 var skv fjármálaráðuneyti ríflega 40 milljarðar. Skv. Hagstofu Íslands var halli ársins 2012 58,5 milljarðar.

2. Atvinnuleysið. Þrjár ástæður fyrir minna atvinnuleysi: a)margir fluttir úr landi - eru í vinnu þar. b) Ríkið kaupir fyrirtæki til að halda uppi atvinnu og notar hluta af atvinnuleysisbótum í það. c) allmörg dæmi eru um það að fólk sem lengi hefur verið á atvinnuleysisbótum hafi ekki lengur rétt á þeim og verða því að vera á framfæri sveitarfélaga.

3. Skoðaðu myndina sem sýnir verðbólguþróunina. http://www.facebook.com/photo.php?fbid=10200206433781563&set=a.1046724486378.2009981.1173639133&type=1&theater

4. Ríkisstjórnin hefur hrósað sér fyrir hagvöxt. Ýmsir hafa gagnrýnt þá fullyrðingu. Telja að túnfiskveiðar og tæming á stórum hluta af séreignasparnaði landsmanna hafi haldið uppi þeim hagvexti sem hér kom. Núna er hins vegar allt botnfrosið. Heimilin eru yfirskuldsett og geta engu eytt og því kaupa fáir vörur íslenskra fyrirtækja sem eru yfirskattlögð og hafa orðið að segja upp fólki.

7. Ríkisstjórnin samþykkir núna fyrst tannlækningar handa börnum og eftir lætur næstu ríkisstjórn að koma því í framkvæmd.

[Jóhann Kristinsson, 3.5.2013 kl. 23:21]

Auðvitað er þetta rétt hjá þér Jörundur.

Þetta er einhver Samfó óskhyggja að halli Ríkissjóðs sé 3.6 miljarðar sem Helgi Jónsson hefur heyrt og reinir að telja öðrum í trú um að þetta sé raunveruleiki.

Kveðja frá Houston

[Jörundur Þórðarson, 4.5.2013 kl. 01:03]

í 4. lið talaði ég ranglega um túnfisk. Það átti að vera veiðar á makríl.

[Theódór Norðkvist, 4.5.2013 kl. 02:46]

Held að enginn haldi því fram að þetta verði auðvelt mál, en allt er hægt ef viljinn er fyrir hendi.

Ef þetta ömurlega ástand sem við erum í, dugar ekki til að opna augu manna fyrir því hve hörmuleg vítisvél verðtryggingin er, þá er þeim mönnum ekki viðbjargandi.

Því hvað annað en verðtryggingin bjó til snjóhengjuvandann? Háu vextirnir og verðtryggingin voru segulstál á braskara heimsins. Krónur geta ekki orðið til öðruvísi en í íslensku hagkerfi og með íslenskri peningaprentun.

[Jóhann Kristinsson, 4.5.2013 kl. 03:01]

Hárrétt hjá þér Theódór og ég sé enga ástæðu að bæta neitt við athugasemd þína, hún segir allt sem þarf að segja um þetta mál.

Kveðja frá Houston